ମୁମ୍ଵାଇ ୧୪।୦୮; ବିଟାଉନ୍ର ଅଭିନେତ୍ରୀ ହଟେଷ୍ଟ କ୍ରିତି ସାନନ୍ । ବର୍ତ୍ତମାନ ତାଙ୍କ ବ୍ୟକ୍ତିଗତ ଜୀବନକୁ ନେଇ ଚର୍ଚ୍ଚାରେ ରହିଛନ୍ତି । ବେଶ କିଛି ଦିନ ହେଲା ଉଦ୍ୟୋଗୀ କବୀର ବହିୟାଙ୍କ ସହ ତାଙ୍କ ଡେଟିଂ ଖବରର ଶିରୋନାମା ହୋଇଛି । ଏବେ କ୍ରିତି ଏ ନେଇ ମୁହଁ ଖୋଲିଛନ୍ତି ।
ଏକ ଗଣମାଧ୍ୟମ ସହ ବାର୍ତ୍ତାଳାପରେ କ୍ରିତି କହିଛନ୍ତି, ଏହା ଅତ୍ୟନ୍ତ ନୈରାଶ୍ୟଜନକ । ଏହା ସତ ନୁହେଁ ବୋଲି ତାଙ୍କୁ ବାରମ୍ବାର ସ୍ପଷ୍ଟ କରିବାକୁ ପଡୁଛି । କବୀରଙ୍କ ସହ କ୍ରିତି ଗ୍ରୀସ୍ରେ ଛୁଟି କାଟୁଥିବାର ଫଟୋ ସୋସିଆଲ ମିଡିଆରେ ଭାଇରାଲ ହେଉଛି । ଚର୍ଚ୍ଚା ହେଉଛି, ଉଭୟ ଖୁବ୍ଶୀଘ୍ର ବିବାହ କରିବେ ।
ସାକ୍ଷାତକାରରେ କ୍ରିତି କହିଛନ୍ତି, ସେ ଏବେ ବିବାହ ମୁଡ୍ରେ ନାହାନ୍ତି । ଏହି ଗୁଜବ ତାଙ୍କୁ ଖୁବ୍ ବିବ୍ରତ କରୁଛି ବୋଲି ମଧ୍ୟ ସେ କହିଛନ୍ତି । ଏ ପ୍ରକାର ଭୁଲ ତଥ୍ୟ ପ୍ରସାର ହେଉଥିବା ଶୁଣିଲେ ଖୁବ୍ ରାଗ ଲାଗେ । ପରିବାର ଉପରେ ଏହାର ପ୍ରଭାବ ପଡୁଛି । ସାଙ୍ଗସାଥୀ ମେସେଜ୍ କରି ପଚାରୁଛନ୍ତି । ବାରମ୍ବାର ତାଙ୍କୁ ସ୍ପଷ୍ଟ କରିବାକୁ ପଡୁଛି ଯେ ଏ ସବୁ ମିଛ । ଏହା ପୂର୍ବରୁ କ୍ରିତିଙ୍କ ନାଁ ଟାଇଗର ଶ୍ରଫ୍ ଓ ପ୍ରଭାସଙ୍କ ସହ ଯୋଡ଼ାଯାଇଛି ।
