କୋରାପୁଟ ୨୭/୦୧: ବନ୍ଧା ହେଲେ ମୋବାଇଲ ଲୁଟେରା । ମାଷ୍ଟର ମାଇଣ୍ଡକୁ ଗିରିଫ କଲା କୋରାପୁଟ ପୋଲିସ । ଶହିଦ ଲକ୍ଷ୍ମଣନାୟକ ମେଡିକାଲ କଲେଜ୍ ଓ ହସ୍ପିଟାଲରେ ରୋଗୀ ଓ ସମ୍ପର୍କୀୟଙ୍କ ଠାରୁ ମୋବାଇଲ ଚୋରି କରୁଥିବା ଚୋରକୁ ଟାଉନ୍ ଥାନା ପୋଲିସ ଗିରଫ କରିବା ସହିତ କୋର୍ଟ ଚାଲାଣ କରିଛି । ଏନେଇ ସୂଚନା ଦେଇଛନ୍ତି କୋରାପୁଟ ଆରକ୍ଷୀ ଅଧୀକ୍ଷକ ।

ଗତ କିଛି ଦିନ ହେଲା ଶହିଦ ଲକ୍ଷ୍ମଣନାୟକ ମେଡିକାଲ କଲେଜ୍ ଓ ହସ୍ପିଟାଲରେ ରୋଗୀ ଓ ସମ୍ପର୍କୀୟଙ୍କ ଠାରୁ ଲଗାତାର ମୋବାଇଲ୍ ଚୋରି ଘଟଣା ସାମ୍ନା ଆସୁଥିଲା । ଏନେଇ ପ୍ରତିଦିନ ଟାଉନ ଥାନାରେ ମଧ୍ୟ ଅଭିଯୋଗ ହେଉଥିଲା । ପୋଲିସ ଚୋର ମାଷ୍ଟର ମାଇଣ୍ଡକୁ ଧରିବା ପାଇଁ ପ୍ଲୁଣ୍ଟ ପ୍ରସ୍ତୁତ କରିଥିଲା । ସ୍ବସ୍ତିନଗରରେ ଅଭିଯୁକ୍ତ ଥିବା ଖବର ପାଇବା ପରେ ପୋଲିସ ଚଢ଼ାଉ କରିଥିଲା । ସେଠାରୁ ମାଷ୍ଟର ମାଇଣ୍ଡକୁ ଗିରଫ କରି କୋର୍ଟ ଚାଲାଣ କରିଛି ଟାଉନ ଥାନା ପୋଲିସ । ମୋଟ୍ ୫୧ଟି ମୋବାଇଲ୍ ଫୋନ୍ ଜବତ ହୋଇଥିବାବେଳେ ଅଭିଯୁକ୍ତ ଠାରୁ ୧୭ଟି ଏବଂ କୋରାପୁଟର ବିଭିନ୍ନ ମୋବାଇଲ୍ ଦୋକାନରୁ ୩୪ଟି ମୋବାଇଲ୍ ଜବତ କରିଛି ପୋଲିସ । ଶୀଘ୍ର ଅନ୍ୟ ସମସ୍ତ ଚୋରଙ୍କୁ ଗିରଫ କରାଯିବ ବୋଲି କୋରାପୁଟ ଏସପି ଅଭିନବ ସୋନକର କହିଛନ୍ତି ।