suno sunao
Hari omm 2
hari om films
suno sunao new
HARI-OMM_728X90_B
Showcase2022
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଅବସର ନେଇ ପ୍ରଶ୍ନର ଉତ୍ତରରେ ବିରାଟ କୋହଲି କହିଲେ, ତାଙ୍କ ଆଗାମୀ ଯୋଜନା , କେବେ ଆଉ ଥରେ ଆଲୋଚନା …

19/02/2020 at 2:22 PM

ୱେଲିଂଟନ୍ ୧୯। ୦୨- ବିରାଟ କୋହଲି  କ୍ରିକେଟ୍‌ର ସବୁ ଫର୍ମାଟରେ ଜବରଦସ୍ତ ପ୍ଲେୟାର । ଭାରତୀୟ ଦଳର ଅଧିନାୟକ ନ୍ୟୁଜିଲାଣ୍ଡରେ ଟି-ଟ୍ବେଣ୍ଟି ସିରିଜ୍‌ ଜିତିଥିଲେ ବି ଦିନିକିଆ ମ୍ୟଚ୍‌ରେ ପରାଜୟ ନେଇ ବ୍ୟାକ୍‌ଫୁଟ୍‌ରେ ଅଛନ୍ତି ନିଶ୍ଚୟ । ତେବେ ଦୁଇ ଟେଷ୍ଟ ସିରିଜ ପୂର୍ବରୁ ବେସ୍‌ କନ୍‌ଫିଡେଣ୍ଟ ଟିମ୍‌ ଇଣ୍ଡିଆ କ୍ୟାପଟେନ୍‌ ।ଏମିତି ସ୍ଥିତିରେ ବିରାଟଙ୍କୁ ବଡ ପ୍ରଶ୍ନ ଟିଏ କରିଛନ୍ତି ଜଣେ ସାମ୍ବାଦିକ । ଆଉ ତାର ଉତ୍ତରରେ ରେକର୍ଡ ବ୍ରେକରଙ୍କ ଉତ୍ତର ବି ଦମଦାର । ପୁରା କଠିନ ଏବଂ ଜବରଦସ୍ତ ଯୋଜନା । ଭାରତୀୟ କ୍ରିକେଟକୁ ଏକ ନୂଆ ସୋପାନରେ ପହଞ୍ଚାଇବାର ଏକ ନୂଆ  ଭୂମିକାର ଏକ ବ୍ଲୁପ୍ରିଣ୍ଟ ।

୨୦୨୧ ଟି ଟ୍ବେଣ୍ଟି ବିଶ୍ବକପ୍ ପରେ ଆପଣ କ୍ରିକେଟ୍‌ର ତିନି ପର୍ମାଟ ମଧ୍ୟରୁ ଗୋଟିଏ ଛାଡିବେ କି ? ଏପରି ପ୍ରଶ୍ନ ଥିଲା କୋହଲିଙ୍କୁ । ସିଧାସଳଖ ଅବସର ଯୋଜନା ନେଇ ପ୍ରଶ୍ନଟି ନଥିଲେ ବି ସେଭଳି କିଛି ବୁଲେଇ ପଚାରିଥିଲେ ପ୍ରଶ୍ନକର୍ତ୍ତା ।ନ୍ୟୁଜିଲାଣ୍ଡରେ ଦୁଇ ଟିକିଆ ଟେଷ୍ଟ ସିରିଜ ପାଇଁ ପ୍ରସ୍ତୁତି କରୁଥିବା ଭାରତୀୟ ଅଧିନାୟକ  ବେସ୍‌ ବଢିଆ କଥାଟେ କହିଛନ୍ତି ।

 ବିଶ୍ବର ଅନ୍ୟତମ ଶ୍ରେଷ୍ଠ ଏବଂ ଟପ୍ ବ୍ୟାଟ୍ସମ୍ୟାନ୍ ବିରାଟ କୋହଲି ଭାରତୀୟ କ୍ରିକେଟରେ ଏକ ବୃହତ୍ତର ଛବି ନେଇ ଆଶାବାଦୀ ଏବଂ ସେହି ଲକ୍ଷ୍ୟରେ ପ୍ରସ୍ତୁତି ବି କରୁଛନ୍ତି । ଆଗାମୀ ତିନି ବର୍ଷ ଲାଗି ଏହି ପ୍ରସ୍ତୁତି। କାରଣ ଦୁଇଟି ଟି-ଟ୍ବେଣ୍ଟି ବିଶ୍ବକପ୍ ସହ ଗୋଟିଏ ଏକ ଦିବସୀୟ (୫୦ ଓଭର) ବିଶ୍ବକପ୍‌ ଖେଳାଯିବ ଏହି ସମୟ ଭିତରେ । ଆଉ ସେଥିରେ ଭାରତକୁ ନମ୍ବର ୱାନ୍‌ କରିବା ପ୍ରୟାସରେ ବିରାଟ । ଏଥିଲାଗି ଆଗାମୀ ତିନି ବର୍ଷ ବେଶ୍‌ ପରିଶ୍ରମ କରିବାକୁ ଯୋଜନା କରିଛନ୍ତି କୋହଲି । ତିନିଟି ଯାକ ଫର୍ମାଟରେ ସେ ଭଲ ପ୍ରଦର୍ଶନ ଲାଗି କଠିନ ପରିଶ୍ରମର ବ୍ଲୁପ୍ରିଣ୍ଟ ବି କରିଛନ୍ତି । ଆଉ ତିନି ବର୍ଷ ପରେ ଏକ ଭିନ୍ନ ସମୟରେ ସେ ତିନି ଫର୍ମାଟର ଖେଳ ନେଇ ଚିନ୍ତା କରିପାରନ୍ତି । ଏପରି କିଛି ସୂଚନା ଦେଇଛନ୍ତି ବିରାଟ କୋହଲି ।

କୋହଲିଙ୍କ ସିଧାସଳଖ ଉତ୍ତରଟି ଏପରି , “ ଏକ ବୃହତ୍ତର ଚିତ୍ର ବା ଦୃଶ୍ୟ ଉପରେ  ମୋର ଚିନ୍ତାଧାରା ପର୍ଯ୍ୟବେଶିତ , ଆଉ ସେଥିଲାଗି ଏବେଠାରୁ ଆଗାମୀ ତିନିବର୍ଷ କଠିନ ପରିଶ୍ରମ ଲାଗି ମୁଁ ମୋତେ ପ୍ରସ୍ତୁତ କରୁଛି । ତାହାପରେ ଏକ ଭିନ୍ନ ପରିସ୍ଥିତିରେ ଆମେ ଭିନ୍ନ ଆଲୋଚନା କରିପାରୁ ।“ ବିରାଟଙ୍କ ଏହି ଉତ୍ତରରୁ ସେ ଆସନ୍ତା ତିନି ବର୍ଷ ସବୁ ଫର୍ମାଟରେ ବେଶ୍‌ ଜମେଇବେ ବୋଲି ଯୋଜନା କରିଥିବା ସ୍ପଷ୍ଟ ।

 ସବୁ ଫର୍ମାଟରେ ଜୋରଦାର ପ୍ରଦର୍ଶନ ଜାରି ରଖିବା ଲକ୍ଷ୍ୟରେ ଥିବା ବିରାଟ, ଏହା କହିବା ବେଳେ କହିଛନ୍ତି, ଥକ୍କା ବା ଅଧିକ କାର୍ଯ୍ୟଭାର ପ୍ରସଙ୍ଗ ନେଇ ସବୁ ଫୋରମ୍‌ରେ ଆଲୋଚନା କରାଯିବା ଆବଶ୍ୟକ । ବିରାଟ ଆହୁରି ମଧ୍ୟ କହିଛନ୍ତି, ସେ ବର୍ଷକୁ ୩୦୦ ଦିନ ଖେଳୁଛନ୍ତି , ସେଥିରେ ଯାତାୟତ ସହ ପ୍ରାକ୍ଟିସ ମଧ୍ୟ ସାମିଲ ରହିଛି । ଏହି ଆଲୋଚନାକୁ ଖେଳର ଯୋଜନା ସଂପର୍କୀତ  ଆଲୋଚନାରୁ ବାଦ ଦେଇ ହେବ ନାହିଁ ।

ବର୍ତ୍ତମାନ ୩୧ ବର୍ଷରେ ପହଞ୍ଚିଥିବା କୋହଲି ୨୦୨୩ ପର୍ଯ୍ୟନ୍ତ ତାଙ୍କ ଖେଳ ଜାରି ରଖିବାକୁ ପ୍ରସ୍ତୁତି କରୁଛନ୍ତି । କାରଣ ୩୪ -୩୫ ବର୍ଷରେ ଶରୀର ହୁଏତ ଅଧିକ ପରିଶ୍ରମ ଗ୍ରହଣ କରିନପାରେ । ସେତେ ବେଳେ ହୁଏତ ଭିନ୍ନ ଆଲୋଚନା କରାଯାଇପାରେ । ତେବେ ବର୍ତ୍ତମାନ ଏବଂ ଆଗାମୀ ୩ ବର୍ଷ ଦଳ ତାଙ୍କଠାରୁ ଅଧିକ ଆଶା କରେ ଏବଂ ସେ ମଧ୍ୟ କଠିନ ପରିଶ୍ରମର ଯୋଜନା ସହ ଭାରତୀୟ କ୍ରିକେଟକୁ ଏକ ବୃହତ୍ତର ସୋପାନକୁ ନେବା ଲକ୍ଷ୍ୟରେ । ଏହା କହିଛନ୍ତି ବିରାଟ କୋହଲି ।

 ଫ୍ୟାନ୍‌ ନିଶ୍ଚିତ ଏହା ହିଁ ଆଶା କରନ୍ତି । ବିରାଟଙ୍କ ବ୍ୟାଟ୍‌ ଆହୁରି କେତେ ରୋକର୍ଡ ଭାଙ୍ଗିବ, ରନ୍‌ ବର୍ଷା କରିବ । ଏପରି ଆଶା ରଖିଥିବା ପ୍ରଶଂସକ, ବିରାଟଙ୍କ ଅବସର କଥା ମନେ ବି ପକାନ୍ତି ନାହିଁ । ତେଣୁ ବିରାଟଙ୍କୁ ଅବସର ନେଇ ପ୍ରଶ୍ନ କରିବାକୁ ଅନ୍ୟୁନ ୩ ବର୍ଷତ ଅପେକ୍ଷା କରାଯାଇପାରେ ।

   Related Posts