vridhi excotica
star kirano
ori homes
vridhi excotica
star kirano
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟେନିସକୁ ଅଲବିଦା କହିଥାନ୍ତେ ରାଫେଲ ନାଦାଲ ! କିନ୍ତୁ…
  • ||
  • ଖୋର୍ଦ୍ଧା : ରାସ୍ତାକଡ଼କୁ ଖସିଲା ‘ଲିଙ୍ଗରାଜ’, ବସ୍‌ରେ ଥିଲେ ୨୦ରୁ ଅଧିକ ଯାତ୍ରୀ…
  • ||
  • ରାଜ୍ୟରେ ବଢୁଛି କରୋନା ଗ୍ରାଫ୍, ୨୪ ଘଣ୍ଟାରେ ଚିହ୍ନଟ ହେଲେ ୩୪୬ କୋଭିଡ୍ ପଜିଟିଭ୍
  • ||
  • ଜୁଲାଇ ୫ରେ ମାଟ୍ରିକ୍‌ ରେଜଲ୍ଟ ! ସୋମବାର ହୋଇପାରେ ଘୋଷଣା
  • ||
  • ବିଜେପି ରାଷ୍ଟ୍ରୀୟ କାର୍ଯ୍ୟକାରିଣୀ ବୈଠକ, ଶେଷଦିନରେ ନେତାଙ୍କୁ ଗୁରୁମନ୍ତ୍ର ଦେବେ ମୋଦୀ
  • ||
  • ସାମ୍ନାକୁ ଆସିଲେ କହ୍ନେୟାଲାଲ ହତ୍ୟାକାଣ୍ଡର ପ୍ରତ୍ୟକ୍ଷଦର୍ଶୀ, ବଖାଣିଲେ ଛାତିଥରା କାହାଣୀ
  • ||
  • ମୌସୁମୀକୁ ସକ୍ରିୟ କରିବ ଲଘୁଚାପ : ରବିବାର ଓ ସୋମବାର ଏହି ସବୁ ଜିଲ୍ଲାରେ ପ୍ରବଳ ବର୍ଷା ସମ୍ଭାବନା
  • ||

ରିୟା ସତ କହୁଛନ୍ତି କି ମିଛ , ଜାଣିବା ପାଇଁ କରାଯିବ କି ପଲିଗ୍ରାଫ୍ ଟେଷ୍ଟ?ଜାଣନ୍ତୁ କ’ଣ ଏହି ପଲିଗ୍ରାଫ୍ ଟେଷ୍ଟ

31/08/2020 at 3:02 PM

ମୁମ୍ବାଇ ୩୧/୦୮ : ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁ ରହସ୍ୟ ଆହୁରି ଜଟିଳ ହେବାରେ ଲାଗିଛି । ବର୍ତ୍ତମାନ ଏଥିରେ ଡ୍ରଗ୍ସ ଏଙ୍ଗଲରୁ ତଦନ୍ତ ହେଉଛି | ରିୟା ଚକ୍ରବର୍ତ୍ତୀ ଡ୍ରଗ୍ସ ରାକେଟ ସହ ଜଡିତ ଥିବା ଅଭିଯୋଗ ହୋଇଛି ଏବଂ ସୁଶାନ୍ତଙ୍କୁ ମଧ୍ୟ ଡ୍ରଗ୍ସ ଦେଉଥିଲେ ବୋଲି ଅଭିଯୋଗ ହୋଇଛି । ମାମଲାର ଜଟିଳତାକୁ ଦେଖି କେନ୍ଦ୍ରୀୟ ଅନୁସନ୍ଧାନ ବ୍ୟୁରୋ ରିୟା ଚକ୍ରବର୍ତ୍ତୀଙ୍କ ପଲିଗ୍ରାଫ୍ ପରୀକ୍ଷା ପାଇଁ ବିଚାର କରୁଛି । ଏହି ପରୀକ୍ଷା ମାଧ୍ୟମରେ ରିୟାଙ୍କ ସତ ଓ ମିଛ ସାମ୍ନାକୁ ଆସିପାରେ ବୋଲି ଆଶା କରାଯାଉଛି | କଣ ଏହି ପଲିଗ୍ରାଫ୍ ପରୀକ୍ଷା :

ଏହି ପରୀକ୍ଷଣ ମାଧ୍ୟମରେ ଜଣେ ବ୍ୟକ୍ତିଙ୍କ ମିଛ ଧରିବା ପାଇଁ ବିଭିନ୍ନ କୌଶଳ ପ୍ରୟୋଗ କରାଯାଏ  | କାର୍ଡିଓ କଫକୁ ସମ୍ବେଦନଶୀଳ ଇଲେକ୍ଟ୍ରୋଡ୍ ମଧ୍ୟ କୁହାଯାଏ ଏବଂ ଏହାକୁ ଅଭିଯୁକ୍ତଙ୍କ ଶରୀରର ଅନେକ ପଏଣ୍ଟରେ ଲଗାଯାଏ | ଯାହାଫଳରେ ଅଭିଯୁକ୍ତଙ୍କ ରକ୍ତଚାପ, ନିଶ୍ୱାସ କିମ୍ବା ନାଡିର ଗତିବିଧି, ରକ୍ତ ପ୍ରବାହ ଏବଂ ଝାଳ ଗ୍ରନ୍ଥିରେ ପରିବର୍ତ୍ତନ ଯାଞ୍ଚ କରାଯାଇଥାଏ | ଏହି କୌଶଳର ଉଦ୍ଦେଶ୍ୟ ହେଉଛି ଅଭିଯୁକ୍ତ ସତ କହୁଛନ୍ତି ନା ମିଛ କହୁଛନ୍ତି ନା ପ୍ରଶ୍ନର ଉତ୍ତର ସେ ଜାଣି ନାହାଁନ୍ତି।

ନାର୍କୋ ବିଶ୍ଳେଷଣ ପରୀକ୍ଷଣରେ ରାସାୟନିକ କୌଶଳ ବ୍ୟବହାର କରାଯାଇଥାଏ | ଏଥିରେ ଅଭିଯୁକ୍ତକୁ ସୋଡିୟମ ପେଣ୍ଟୋଥାଲ ଔଷଧର ଏକ ଇଞ୍ଜେକ୍ସନ ଦିଆଯାଏ ଯାହାଦ୍ୱାରା ସେ ହାଇପ୍ନୋସିସ୍ ଅବସ୍ଥାରେ ପହଞ୍ଚେ ଏବଂ ତାର କଳ୍ପନା ସ୍ଥିତି ପ୍ରାୟ ବନ୍ଦ ହୋଇଯାଏ | ଏହି ପରିସ୍ଥିତିରେ ଯେହେତୁ ସେ କଳ୍ପନା କରିପାରନ୍ତି ନାହିଁ ସେଥିପାଇଁ ଅଭିଯୁକ୍ତ ସତ କୁହେ ବୋଲି ବିଶ୍ୱାସ କରାଯାଏ  | ଏହି ଔଷଧକୁ ‘ଟ୍ରୁଥ୍ ସେରମ୍’ ମଧ୍ୟ କୁହାଯାଏ ଯାହା କେତେକେ ଅସ୍ତ୍ରୋପଚାର କ୍ଷେତ୍ରରେ ଆନାସ୍ଥେସିଆ ଭାବରେ ମଧ୍ୟ ବ୍ୟବହୃତ ହୁଏ |

ଏଥିପାଇଁ ପ୍ରଥମେ ଯେଉଁ ବ୍ୟକ୍ତିର ପରୀକ୍ଷା କରାଯାଉଛି, ତାଙ୍କ ଠାରୁ ମଧ୍ୟ ସମ୍ମତି ନେବାକୁ ପଡିଥାଏ | ସେ ରାଜି ହେବାପରେ ପରୀକ୍ଷା ପ୍ରକ୍ରିୟା ଆରମ୍ଭ ହୋଇପାରିବ | ଏହା ସହିତ ଏହା ସ୍ପଷ୍ଟ କରିବା ଜରୁରୀ ଯେ ପରୀକ୍ଷା କରାଯାଉଥିବା ବ୍ୟକ୍ତି ମାନସିକ ଏବଂ ଶାରୀରିକ ସ୍ତରରେ ସୁସ୍ଥ ଅଛନ୍ତି ।

ଉନବିଂଶ ଶତାବ୍ଦୀରେ, ଜଣେ ଇଟାଲୀୟ କ୍ରାଇମିନୋଲୋଜିଷ୍ଟ ସେସର ଲୋମ୍ବୋରୋ ପଚରାଉଚରା ସମୟରେ ଅପରାଧୀଙ୍କ ରକ୍ତଚାପର ପାର୍ଥକ୍ୟ ଯାଞ୍ଚ କରିବା ପାଇଁ ଏକ ମେସିନ୍ ନିର୍ମାଣ କରିଥିଲେ। ଏହିଭଳି କୌଶଳରେ କାମ ଜାରି ରହିଲା ଏବଂ ୧୯୧୪ ମସିହାରେ ଆମେରିକୀୟ ସାଇକୋଲୋଜିଷ୍ଟ ୱିଲିୟମ୍ ମାରଷ୍ଟ୍ରାନ୍ କିଛି ମାତ୍ରାରେ ଉନ୍ନତ ମେସିନ୍ ତିଆରି କଲେ ଏବଂ ପରେ ୧୯୨୧ ମସିହାରେ କାଲିଫର୍ନିଆ ପୋଲିସ୍ ଜନ୍ ଲାରସନ ଆହୁରି ଆଡ଼ଭାନ୍ସ ମେସିନ ତିଆରି କରିଥିଲେ | ବିଶ୍ୱ ଇତିହାସରେ ଏହି ପରୀକ୍ଷଣଗୁଡିକ ବିଷୟରେ ପ୍ରକାଶିତ ଫଳାଫଳଗୁଡିକ ଶତପ୍ରତିଶତ ସଠିକ୍ ଫଳାଫଳ ମିଳିନାହିଁ ତେଣୁ ଏହାର ବିଶ୍ୱସନୀୟତା ସମ୍ପୂର୍ଣ୍ଣ ବିଶ୍ୱାସଯୋଗ୍ୟ ନୁହେଁ |

ଏହି ପରୀକ୍ଷଣଗୁଡିକୁ ଭାରତରେ ମାମଲା ସମାଧାନରେ ସହାୟତା ପାଇଁ ବ୍ୟବହୃତ ହୁଏ, କିନ୍ତୁ ଏଥିପାଇଁ ଆଇନଗତ ବ୍ୟବସ୍ଥା ଅଛି ଏବଂ ବିନା ଅନୁମତିରେ ଏହି ପରୀକ୍ଷା କରାଯାଇପାରିବ ନାହିଁ | ନିକଟରେ ଉତ୍ତରପ୍ରଦେଶର ଉନ୍ନାଓରେ ଦୁଷ୍କର୍ମ ମାମଲାରେ ଏହି ପରୀକ୍ଷା କରାଯାଇଥିଲା।

ଏହାପୂର୍ବରୁ ନୋଏଡାର ପ୍ରସିଦ୍ଧ ଆରୁଶି ଏବଂ ହେମରାଜ ହତ୍ୟା ମାମଲାରେ ଅଭିଯୁକ୍ତ ରାଜେଶ ତଲୱାର ଏବଂ ନୁପୁର ତଲୱାରଙ୍କ କ୍ଷେତ୍ରରେ ଏହି ପରୀକ୍ଷା କରାଯାଇଥିଲା । ଯେତେବେଳେ ତାଙ୍କ କମ୍ପାଉଣ୍ଡର କୃଷ୍ଣଙ୍କର ନାର୍କୋ ପରୀକ୍ଷା ସହ ଜଡିତ ଏକ ଭିଡିଓ ଲିକ୍ ହୋଇଥିଲା ସେତେବେଳେ ଉତ୍ତେଜନା ଦେଖାଦେଇଥିଲା ।

   Related Posts