AKK 2023
MONGINIS 728X90
Hari omm 2
AKK2023
hari om films
WEB_F-8
MONGINIS 728X90
Showcase2022
HARI-OMM_728X90_B
WEB_F-9
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ନବୀନଙ୍କ ଭଉଣୀ ଗୀତା ମେହେଟ୍ଟା କାହିଁକି ପ୍ରତ୍ୟାଖ୍ୟାନ କଲେ ପଦ୍ମ ପୁରସ୍କାର : ଜାଣନ୍ତୁ ଅସଲ କାରଣ ଓ ରହସ୍ୟ

26/01/2019 at 6:36 PM

ଭୁବନେଶ୍ବର୨୬|୧: ପଦ୍ମଶ୍ରୀ ପୁରସ୍କାରକୁ ମୁଖ୍ୟମନ୍ତ୍ରୀଙ୍କ ଭଉଣୀ ଗୀତା ମେହେଟାଙ୍କର ନା.. । କେନ୍ଦ୍ର ସରକାର ପଦ୍ମଶ୍ରୀ ପୁରସ୍କାର ତାଲିକାରେ ତାଙ୍କ ନା ରଖିଥିବା ଜାଣିବା ପରେ ଏହାକୁ ଗ୍ରହଣ କରିବେ ନାହିଁ ବୋଲି ସ୍ପଷ୍ଟ କରିଦେଇଛନ୍ତି ଗୀତା । କହିଛନ୍ତି ଏହି ପୁରସ୍କାର ଘୋଷଣା ସମୟ ଠିକ୍ ନାହିଁ । ଏକଥା କରି ଭାଇ ନବୀନଙ୍କୁ ସେ ବିବାଦ ଘେରରୁ ଦୂରେଇ ରଖିବାରେ ସହାୟକ ହୋଇଛନ୍ତି ବୋଲି ଚାରିଆଡେ ଚର୍ଚା । ଯାହାକୁ ନେଇ ରାଜ୍ୟ ରାଜନୀତିରେ ଆରମ୍ଭ ହୋଇଛି ବିତର୍କ ।

ରାଜନୀତି ଚେସ୍ ବୋର୍ଡରେ ଗୀତା ମେହେଟାଙ୍କ ପଦ୍ମଶ୍ରୀ ପୁରସ୍କାର ବିବାଦ । ପୁରସ୍କାରକୁ ସମ୍ମାନ କରୁଛି କିନ୍ତୁ ଯେଉଁ ସମୟରେ ଏହା ଘୋଷଣା ହୋଇଛି ତାହା ଗ୍ରହଣ କରିହେବ ନାହିଁ । ଏହା କହି ପଦ୍ମଶ୍ରୀ ସମ୍ମାନକୁ ନା କରିଦେବା ପରେ ଏହାକୁ ନେଇ ଏବେ ନାନା ଚର୍ଚା । ମୋଦି ଏବଂ ରାଜ୍ୟ ବିଜେପିର ନବୀନଙ୍କୁ ଘନଘନ ଟାର୍ଗେଟ ବୋଧହୁଏ ଭଉଣୀ ଗୀତା ମେହେଟାଙ୍କୁ ଦେଶର ଏହି ସମ୍ମାନସ୍ପଦ ପୁରସ୍କାର ଗ୍ରହଣ ନକରିବାକୁ ବାଧ୍ୟକରିଛି ବୋଲି କୁହାଯାଉଛି ।

ନିର୍ବାଚନ ମୁଣ୍ଡ ଉପରେ ଥିବାବେଳେ ଭଉଣୀ ଗୀତା ମେହେଟା ପଦ୍ମଶ୍ରୀ ପୁରସ୍କାର ଗ୍ରହଣ କରି ଭାଇ ନବୀନ ପଟନାୟକଙ୍କ ପାଇଁ ଅଡୁଆ ସ୍ଥିତି ସୃଷ୍ଟି କରିବାକୁ ଚାହୁଁନାହାନ୍ତି । ଯେଉଁଥିପାଇଁ ପଦ୍ମଶ୍ରୀ ପୁରସ୍କାରକୁ ପ୍ରତ୍ୟାଖ୍ୟାନ କରିବାକୁ ବାଧ୍ୟ ହୋଇଛନ୍ତି ଗୀତା ମେହେଟା । ଯାହାକି ବିରୋଧୀଙ୍କୁ ହଜମ ହୋଇନି । କହିଛନ୍ତି ଭାଇ ନବୀନଙ୍କ ରାଜନୈତିକ ଭବିଷ୍ୟତ ପଦ୍ମ ପୁରସ୍କାର ଠାରୁ ଉର୍ଦ୍ଧରେ ରଖିବାକୁ ଗୀତା ବୋଧହୁଏ ଉଚିତ ମଣିଛନ୍ତି ।

କଂଗ୍ରେସ ଓ ବିଜେପିଠାରୁ ସମଦୂରତା କଥା କହୁଥିବା ବିଜେଡି ଗୀତାଙ୍କ ନିଷ୍ପତ୍ତିକୁ ବ୍ୟକ୍ତିଗତ ନିଷ୍ପତ୍ତି କହି ଏଡେଇ ଯାଇଛି । କିନ୍ତୁ ଦଳ ବି ଏକପ୍ରକାର ଆଶ୍ବସ୍ତ ଅନୁଭବ କରିଛି । କେନ୍ଦ୍ରର ମୋଦି ସରକାର ନବୀନଙ୍କ ଏନଆରଆଇ ଭଉଣୀଙ୍କୁ ଜଣେ ଉଚକୋଟିର ଲେଖିକା ଓ ଶିକ୍ଷାବିତ୍ କହି ପଦ୍ମଶ୍ରୀ ଉପାଧିରେ ଭୁଷିତ କରିବା ଅର୍ଥ କେଉଁଠି ନା କେଉଁଠି ବିଜେଡି ଓ ବିଜେପି ଭିତରେ କିଛି ଅଛିକି ବୋଲି ଭୁଲ ବାର୍ତା ଦେଇଥାନ୍ତା ।

ଯାହା କରିବାକୁ ଦେଇନାହାନ୍ତି ଗୀତା ମେହେଟା ନବୀନଙ୍କ ଭଉଣୀ ଗୀତା ମେହେଟାଙ୍କ ସ୍ବାମୀ ସନି ମେହେଟା ଜଣେ ଆନ୍ତର୍ଜାତୀୟ ସ୍ତରର ପୁସ୍ତକ ପ୍ରକାଶକ । ବାରକ ଓବାମା ଓ ଟୋନି ବ୍ଲେୟାରଙ୍କ ଭଳି ନେତାଙ୍କ ପୁସ୍ତକ ଛାପି ସେ ଏସବୁକୁ ବେଷ୍ଟ ସେଲର କରାଇ ପାରିଛନ୍ତି । କିଛି ଜାତୀୟ ଗଣମାଧ୍ୟମରେ ହେଉଥିବା ଚର୍ଚା ଅନୁଯାଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କୁଆଡେ ନିଜ ଉପରେ ଏକ ପୁସ୍ତକ ଛପାଇବା ପାଇଁ ସନୀ ମେହେଟାଙ୍କୁ ଯୋଗାଯୋଗ କରିଥିଲେ । ସେଥିପାଇଁ ବୋଧେ ଗୀତାଙ୍କୁ ଏଭଳି ପୁରସ୍କାର ପାଇଁ ମନୋନୀତ କରାଯାଇଥିଲା । ତେବେ ଏଖବରର ସତ୍ୟତା କେତେ ତାହା ଅସ୍ପଷ୍ଟ ।

   Related Posts