scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ମୃତ୍ୟୁ ପରେ ମୃତ୍ୟୁଲୋକରେ ଆତ୍ମୀୟ ମାନଙ୍କୁ ଚିହ୍ନିବା ପାଇଁ କରାଯାଉଥିଲା ଟାଟୁ, ଏବେ ଫ୍ୟାଶନ ଓ ବିଚାରଧାରା ବ୍ୟକ୍ତ କରିବାର ପ୍ଲାଟଫର୍ମ

22/10/2018 at 3:37 PM

ଭୁବନେଶ୍ବର ୨୨|୧୦: ବିଗତ କିଛି ବର୍ଷ ହେଲା ବିଭିନ୍ନ ଦେଶରେ ଟାଟୁର ଫ୍ୟାସନ ଚାଲିଛି | ସାଧାରଣତଃ ଯୁବପିଢ଼ି ମଧ୍ୟରେ ଏହାର ଚାହିଦା ଦେଖିବାକୁ ମିଳିଛି | ତେବେ ଦେହରେ ଟାଟୁ ଆଙ୍କିବା ଭାରତର ବହୁ ପୁରାତନ ପରମ୍ପରା | ବହୁ ପୁରାତନ କାଳରୁ ଭାରତର ଆଦିବାସୀ ଜନଜାତି ଟାଟୁକୁ ଏକ ଗହଣା ଭାବେ ଗ୍ରହଣ କରୁଥିଲେ | ଏମିତି ଏକ ଗହଣା ଯାହାକୁ ତାଙ୍କଠୁ କେହି ଚୋରି କରିପାରିବେନି , ନେଇ ପାରିବେନି କି ହଜିବ ନାହିଁ |  ତେବେ ଆସନ୍ତୁ ଜାଣିବା ଟାଟୁର ପ୍ରଚଳନ ଭାରତର କେଉଁ ଅଂଚଳରେ କେମିତି :-

ଅରୁଣାଚଳ ପ୍ରଦେଶ ଏବଂ ଆସାମର ସିଂଘପୋ ଆଦିବାସୀମାନେ ସର୍ବ ପ୍ରଥମେ ଟାଟୁର ପ୍ରଚଳନ ଆରମ୍ଭକରିଥିଲେ | ଏହି ଆଦିବାସୀ ଜନଜାତିର ଯୁବତୀମାନେ ନିଜକୁ ଶତ୍ରୁଙ୍କଠାରୁ ରକ୍ଷା କରିବା ପାଇଁ ଟାଟୁ ଆଂକୁଥିଲେ  | ଅପାତନି ଆଦିବାସୀ  ଯୁବତୀମାନେ ନିଜକୁ ଅସୁନ୍ଦର କରିବା ପାଇଁ ଦେହରେ ଟାଟୁ ଅଂକୁଥିଲେ  | ଅସୁନ୍ଦର ହେଲେ କେହି ସେମାନଙ୍କ ସହ ଅସଦାଚରଣ କରିବାକୁ ଚାହିଁବେ ନାହିଁ ବୋଲି ଏଭଳି ଉପାୟ ବାଛିଥିଲେ ।  ପଶୁ ଚର୍ବିରେ ଏକ ପ୍ରକାର ପ୍ରାକୃତିକ ନୀଳ ରଙ୍ଗ ମିଶାଇ ଏମାନେ ଦେହର ବିଭିନ୍ନ ସ୍ଥାନକୁ କାଟି ଦାଗ କରିବା ସହ ସେଥିରେ ଏହି ରଙ୍ଗ ଭର୍ତ୍ତି କରୁଥିଲେ  |  ତେବେ ପରବର୍ତ୍ତି ସମୟରେ ଭାରତ ସରକାର ଏଭଳି ପ୍ରକ୍ରିୟା କୁ ବ୍ୟାନ କରିଦେଇଥିଲେ  |

ଆସାମର ସିଂଘପୋ ଆଦିବାସୀ ସମ୍ପ୍ରଦାୟର ଟାଟୁ ଆଙ୍କିବା ପରମ୍ପରା ସମ୍ପୂର୍ଣ ଭିନ୍ନ | ଏହି ଆଦିବାସୀ ଜନଜାତିର ପୁରୁଷମାନେ କେବଳ ହାତରେ ହିଁ ଟାଟୁ କରନ୍ତି | ଆଉ ମହିଳମାନେ ଆଂଠୁରୁ ତଳକୁ ଗୋଇଠି ଯାଏଁ ଟାଟୁ କରଥିଲେ | ଅବିବାହିତା ଯୁବତୀମାନଙ୍କୁ କିନ୍ତୁ ଟାଟୁ କରିବା ମନା |

ଇଏ ତା ଗଲା ଉତ୍ତର ଭାରତ କଥା | ଏବେ ଆସନ୍ତୁ ଯିବା ଦକ୍ଷିଣ ଭାରତ | ଦକ୍ଷିଣ ଭାରତରେ ଟାଟୁକୁ ପଚକୁଥରାଠୁ ବୋଲି କୁହାଯାଇଥାଏ |

ଓଡିଶାର ଆଦିବାସୀ ଜନଜାତିର ଲୋକେ ମଧ୍ୟ ଦେହରେ ଟାଟୁ କରିଥାନ୍ତି । ଓଡିଆ ଭାଷାରେ ଏହାକୁ ଚିତା କୁଟାଇବା ବୋଲି କୁହାଯାଏ । ଓଡିଶାର ଏକ ନିର୍ଦ୍ଦିଷ୍ଟ ଜନଜାତି ଦେହରେ ଜ୍ୟାମିତିକ ଡିଜାଇନ ଥିବା ଟାଟୁ ଆଙ୍କିଥାନ୍ତି |  ସେମାନେ ବିଶ୍ବାସ କରନ୍ତି ଯେ, ଏଭଳି ଟାଟୁ ଫଳରେ ମୃତ୍ୟୁପରେ ଯେତେବେଳେ ତାଙ୍କ ଆତ୍ମା ଅନ୍ୟ ଦୁନିଆକୁ ଚାଲିଯିବ ସେତେବେଳେ ଏହି ଟାଟୁ ସେଠି ମଧ୍ୟ ପରସ୍ପରକୁ ଚିହ୍ନିବାରେ ସାହାଯ୍ୟ କରିବ ।  

ବିଗତ କିଛି ବର୍ଷ ହେଲା ଏହି ସବୁ ପୁରାତନ ପରଂପରା ଓ ବିଶ୍ବାସକୁ ଛାଡି ବର୍ତ୍ତମାନର ଯୁବପିଢ଼ି ଟାଟୁକୁ ଏକ ଫ୍ୟାସନ ଭାବେ ଗ୍ରହଣ କରିଛି | ଦେହରେ ବିଭିନ୍ନ ପ୍ରକାର ଟାଟୁ ଆଙ୍କିବା ଏବେ ଯୁବପିଢ଼ିର ଏକ ବଡ ରୁଚି | ନିଜ ପିୟ ଲୋକର ନାଁ, ବିଭିନ୍ନ ପଶୁପକ୍ଷୀ, ଭଗବାନଙ୍କ ନାଁ, ଭଗବାନଙ୍କ ପ୍ରତିମା ସହ ଅନେକ ପ୍ରକାର ଟାଟୁ ଲୋକେ ଦେହର ବିଭିନ୍ନ ଅଙ୍ଗରେ ଆଙ୍କୁଛନ୍ତି |

୨୦୧୫ ମସିହାରେ ବିଶ୍ୱର ୧୦୦ ଜଣ ଟାଟୁ ଆର୍ଟିଷ୍ଟଙ୍କ ମଧ୍ୟରେ ଭାରତର ୩ ଜଣ ଟାଟୁ ଆର୍ଟିଷ୍ଟଙ୍କ ନାଁ “ୱାର୍ଲଡ ଆଟ୍ଲାସ ଅଫ ଟାଟୁ” ରେ ପ୍ରକାଶ ପାଇଥିଲା | ଏହି ୩ ଜଣ ହେଲେ ନାଗାଲାଣ୍ଡର ମୋ ନାଗା, କୋଲକାତାର ଅଭିନନ୍ଦନ ବା ଅଭି ବାସୁ ଏବଂ ଦିଲ୍ଲୀର ମଞ୍ଜିତ ସିଂ |

ମଞ୍ଜିତ ସିଂ ଜଣେ ଅନ୍ତର୍ଜାତୀୟ ପୋଟ୍ରେଟ ଟାଟୁ ଆର୍ଟିଷ୍ଟ | ସେ ତାଙ୍କର ଫଟୋ ରିଅଲିଷ୍ଟିକ ଟାଟୁ ପାଇଁ ପ୍ରସିଦ୍ଧ | ସେ ଶିଖ ଧର୍ମ ଉପରେ ଆଧାରିତ ବିଭିନ୍ନ ଟାଟୁ କରିବା ପାଇଁ ଭଲପାଆନ୍ତି |

ଅଭିନନ୍ଦନ ବାସୁଙ୍କ ଟାଟୁ ବଙ୍ଗୀୟ ପରମ୍ପରା ଉପରେ ହୋଇଥାଏ । ତାର ନାଁ “ବଙ୍ଗୋ” ଯାହାକି ବଙ୍ଗାଳି ଲୋକ ପରମ୍ପରା ପଟ୍ଟଚିତ୍ର ଉପରେ ଆଧାରିତ |

ମୋ ନାଗା ଆଧୁନିକ ଚିତ୍ର ସହିତ ପୌରାଣିକ ଚିତ୍ରର ମିଶ୍ରଣରେ ଅଦ୍ଭୁତ ଟାଟୁ ଡିଜାଇନ କରିଥାନ୍ତି | ସେ ଗୁଆହାଟୀରେ ଏକ ଟାଟୁ ସ୍କୁଲ ମଧ୍ୟ ଖୋଲିଛନ୍ତି | ଏହି ସ୍କୁଲରେ ଅତ୍ୟାଧୁନିକ ମେସିନ ମଧ୍ୟ ରଖିଛନ୍ତି ଯେଉଁଥିରେ ସେ ଉତ୍ତର ଭାରତର ପାରମ୍ପରିକ ଟାଟୁ ଡିଜାଇନ ଆଙ୍କିଥାନ୍ତି |

ତେବେ ବର୍ତ୍ତମାନ ସମୟରେ ଟାଟୁ  କେବଳ ଏକ ପୁରୁଣା ବିଶ୍ୱାସ ବା ପରଂପରା ନୁହେଁ | ବରଂ ନିଜର ବିଶ୍ୱାସ ବ୍ୟକ୍ତ କରିବା, ସ୍ମୃତିକୁ ସାଇତି ରଖିବା, ନିଜର ବିଚାରଧାରାର ପରିପ୍ରକାଶ କରିବା ପାଇଁ ଏକ ମାଧ୍ୟମ ପାଲଟିଛି । ତା ସାଂଗକୁ ଏକ ଫେଶନ ହୋଇଛି ।

   Related Posts