oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଇରାନ ବିମାନରେ ବୋମା ଆତଙ୍କ ପରେ ହାଇଆଲର୍ଟ, ଦିଲ୍ଲୀରେ ଅବତରଣ ଲାଗି ମିଳିଲାନି ଅନୁମତି
  • ||
  • ନଭେମ୍ବର ୩ରେ ଧାମନଗର ଉପନିର୍ବାଚନ, ଅକ୍ଟୋବର ୭ରେ ପ୍ରକାଶ ପାଇବ ବିଜ୍ଞପ୍ତି
  • ||
  • ଉତ୍ତରପ୍ରଦେଶ: ଦୁର୍ଗାପୂଜା ପେଣ୍ଡାଲରେ ଲାଗିଲା ନିଆଁ, ୫ ମୃତ ଓ ଅନେକ ଗୁରୁତର
  • ||
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୬୭ କୋଭିଡ୍ ପଜିଟିଭ୍
  • ||
  • ଭୁବନେଶ୍ୱର: ମଣ୍ଡପରେ ପୂଜା ପାଉଛନ୍ତି ଦୁର୍ଗତିନାଶିନୀ, ପୀଠରେ ମହାନବମୀ ପୂଜା
  • ||
  • ଭୁବନେଶ୍ୱର : ସୋମବାରଠୁ ପ୍ରବଳ ବର୍ଷା, ୮ ପରେ ପୁଣି ଏକ ଘୂର୍ଣ୍ଣିବଳୟ
  • ||
  • ବରଗଡ଼ : ପଦ୍ମପୁର ବିଧାୟକଙ୍କ ପରଲୋକ, ୬୪ ବର୍ଷରେ ଆଖିବୁଜିଲେ ବିଜୟ ରଞ୍ଜନ ସିଂ ବରିହା
  • ||

ବିଜୟ କୁମାର ଶର୍ମା କାହିଁକି ହଟିଲେ ଡିଜି ପଦରୁ , କ’ଣ ରହିଛି ତାଙ୍କ ବିରୋଧରେ ଅଭିଯୋଗ ଜାଣନ୍ତୁ…

20/11/2019 at 10:46 PM

ଭୁବନେଶ୍ବର୨୦|୧୧:  ୧୯୮୬ ବ୍ୟାଚର ଆଇପିଏସ ଅଧିକାରୀ ବିଜୟ କୁମାର ଶର୍ମାଙ୍କୁ ରାଜ୍ୟ ସରକାର ଆଜି ଅନିୟମିତତା ଅଭିଯୋଗରେ ଡିଜି ପଦରୁ ହଟାଇଛନ୍ତି । ତାଙ୍କ ସ୍ଥାନରେ ୧୯୮୬ ବ୍ୟାଚର ଆଇପିଏସ ତଥା ସଂପ୍ରତି ହାଇଦ୍ରାବାଦ ସ୍ଥିତ ଜାତୀୟ ପୋଲିସ ଏକାଡେମୀର ନିର୍ଦ୍ଦେଶକ ଥିବା ଅଭୟଙ୍କୁ ଡିଜି ଦାୟିତ୍ବ ପ୍ରଦାନ କରିଛନ୍ତି । ବିଜୟ କୁମାର ଶର୍ମା ଡିଜିପି ସହ ଅଗ୍ନିଶମ ଓ ହୋମଗାର୍ଡ ବିଭାଗର ମଧ୍ୟ ପୋଲିସ ମହାନିର୍ଦ୍ଦେଶକ ଦାୟିତ୍ବରେ ଥିଲେ । ଗତ ଅଗଷ୍ଟ ମାସ ୭ ତାରିଖରେ ରାଜ୍ୟ ସରକାର ତାଙ୍କୁ ଡିଜିପି ଭାବେ ଅତିରିକ୍ତ ଦାୟିତ୍ବ ପ୍ରଦାନ କରିଥିଲେ ।

ତତ୍କାଳୀନ ପୋଲିସ ମହାନିର୍ଦ୍ଦେଶକ ଡକ୍ଟର ଆର ପି ଶର୍ମାଙ୍କୁ ଲୋକାୟୁକ୍ତଭାବେ ନିଯୁକ୍ତ କରିବା ପରେ ବିକେ ଶର୍ମାଙ୍କୁ ଡିଜିଭାବେ ନିଯୁକ୍ତି ପ୍ରଦାନ କରାଯାଇଥିଲା । ୧୯୮୬ ବ୍ୟାଚର ଆଇପିଏସ ଅଧିକାରୀ ବିଜୟକୁମାର ଶର୍ମା ଡିଜି ହେବା ପୂର୍ବରୁ କେନ୍ଦ୍ର ଓ ରାଜ୍ୟ ସରକାରଙ୍କ ପୋଲିସ ବିଭାଗର ବହୁ ଗୁରୁତ୍ବପୂର୍ଣ୍ଣ ପଦବୀରେ ଅବସ୍ଥାପିତ ଥିଲେ । ୧୯୯୯ରୁ ୨୦୦୬ ମସିହା ପର୍ଯ୍ୟନ୍ତ ବିକେ ଶର୍ମା କେନ୍ଦ୍ରୀୟ ତଦନ୍ତ ବ୍ୟୁରୋରେ କାର୍ଯ୍ୟ କରିଥିଲେ । ୨୦୦୮ ମସିହାରେ ସେ କଟକ-ଭୁବନେଶ୍ବର ପୋଲିସ କମିଶନରେଟର କମିଶନରଭାବେ ଯୋଗ ଦେଇ ୨୦୧୨ ମସିହା ପର୍ଯ୍ୟନ୍ତ ଦୀର୍ଘ ୪ବର୍ଷ କାର୍ଯ୍ୟ କରିଥିଲେ ।

ଏହାପରେ  ସେ ଆଇଜି, ଅତିରିକ୍ତ ଡିଜି, ସ୍ବନ୍ତ୍ର ଡିଜିଭାବେ ଦୀର୍ଘ ୭ ବର୍ଷ ରାଜ୍ୟ କ୍ରାଇମ ବ୍ରାଞ୍ଚର ମୁଖ୍ୟଭାବେ ଦାୟିତ୍ବ ତୁଲାଇବା ପରେ ଅଗ୍ନିଶମ ବିଭାଗର ଡିଜି ଭାବେ ଅବସ୍ଥାପିତ ହୋଇଥିଲେ । ତେବେ ଅଗ୍ନିଶମ ବିଭାଗର ଡିଜି ଭାବେ କାର୍ଯ୍ୟକରୁଥିବାବେଳେ ସେ ଫାୟାର ସେଫ୍ଟି ସାର୍ଟିଫିକେଟ ପ୍ରଦାନ କ୍ଷେତ୍ରରେ ଏକ ଭିନ୍ନ ନୀତି ଗ୍ରହଣ କରିଥିଲେ । ଫଳରେ ଶହ ଶହ ଆବେଦନ ତାଙ୍କ କାର୍ଯ୍ୟାଳୟରେ ଅନୁମୋଦନ ନପାଇ ପଡି ରହିଥିଲା । ଏହାଫଳରେ ବହୁ ବ୍ୟକ୍ତି, ଶିଳ୍ପ ସଂସ୍ଥା ଅସୁବିଧାର ସମ୍ମୁଖୀନ ହେବା ସହ ସେମାନଙ୍କୁ ହତାଶାର ସମ୍ମୁଖୀନ ହେବାକୁ ପଡିଥିଲା ।

ସାଧାରଣ ଲୋକ ଏହା ଦ୍ବାରା ହଇରାଣ ହେବା ଫଳରେ ସରକାର ଏହାକୁ ଗୁରୁତର ସହ ଗ୍ରହଣ କରିଥିଲେ । ଫାୟାର ସେଫ୍ଟି ସାର୍ଟିଫିକେଟ ପ୍ରଦାନ କରିବାର କ୍ଷମତା କେବଳ ଡିଜିଙ୍କ ହାତରେ ରହିଥିଲା । ସାଧାରଣ ଲୋକଙ୍କ ସ୍ବାର୍ଥକୁ ଦୃଷ୍ଟିରେ ରଖି ସରକାର ଦୁଇଦିନ ତଳେ ଅଗ୍ନିଶମ ଡିଜିଙ୍କଠାରୁ ସେହି କ୍ଷମତା ପ୍ରତ୍ୟାହାର କରି କ୍ଷେତ୍ରୀୟ ଅଧିକାରୀଙ୍କୁ ପ୍ରଦାନ କରିଥିଲେ । ସରକାର ଘୋଷଣା କରିଥିଲେ ଯେ, ଏଥର କ୍ଷେତ୍ର ଅଧିକାରୀମାନେ ମଧ୍ୟ ଫାୟାର ସେଫ୍ଟି ସାର୍ଟିଫିକେଟ ପ୍ରଦାନ କରିପାରିବେ । ଏହାକୁ ଅନ ଲାଇନ କରିବା ଲାଗି ମଧ୍ୟ ସରକାର ଘୋଷଣା କରିଥିଲେ ।

ଫାୟାର ସେଫ୍ଟି ସାର୍ଟିଫିକେଟ ପ୍ରଦାନ କ୍ଷେତ୍ରରେ ଅଗ୍ନିଶମ ଡିଜିଙ୍କ କାର୍ଯ୍ୟାଳୟରେ ହତାଶାର ସମ୍ମୁଖୀନ ହୋଇଥିବା ବହୁ ଲୋକ ରାଜ୍ୟ ସରକାରଙ୍କ ନିକଟରେ ଅଭିଯୋଗ କରିଥିଲେ । ଲୋକଙ୍କ ଅଭିଯୋଗର ଗୁରୁତ୍ବକୁ ଉପଲବ୍ଧି କରିବା ପରେ ସରକାର ଏହି ଅନିୟମିତତା ସମ୍ପର୍କରେ ତଦନ୍ତ ଲାଗି ନିଷ୍ପତ୍ତି ନେଇଥିଲେ । ମୁଖ୍ୟ ଶାସନ ସଚିବ, ଉନ୍ନୟନ କମିଶନର ଓ ଗହ ସଚିବଙ୍କୁ ନେଇ ଏକ ସ୍ବତନ୍ତ୍ର କମିଟି ଏହି ଅନିୟମିତତାର ତଦନ୍ତ କରିବ ବୋଲି ସରକାର ଆଜି ହିଁ ସଂଧ୍ୟରେ ଘୋଷଣା କରିଥିଲେ ।

ଏହି ତଦନ୍ତ ନିର୍ଦ୍ଦେଶର ଅଳ୍ପ କିଛି ସମୟ ମଧ୍ୟରେ ବିଦେ ଶର୍ମାଙ୍କୁ ପୋଲିସ ମହାନିର୍ଦ୍ଦେଶକ ପଦରୁ ସରକାର ହଠାଇଥିବା ବିଜ୍ଞପ୍ତି ପ୍ରକାଶ କରିଥିଲେ । ତଦନ୍ତରେ ବାଧା ଉପୁଜିବା ଆଶଂକାରେ ସରକାର ଏଭଳି ନିଷ୍ପତ୍ତି ନେଇଛନ୍ତି । ଡିଜି ପଦରୁ ହଟାଇବା ପରେ ବିକେ ଶର୍ମାଙ୍କୁ ଗୃହ ବିଭାଗର ଓଏସଡିଭାବେ ଅବସ୍ଥାପିତ କରିଛନ୍ତି । ଏଥି ସହ  ସୁନୀଲ ରାୟଙ୍କୁ ଅଗ୍ନିଶମ ନିର୍ଦ୍ଦେଶକଭାବେ ଅତିରିକ୍ତ ଦାୟିତ୍ବ ପ୍ରଦାନ କରିଛନ୍ତି ।

   Related Posts