ମୁମ୍ୱାଇ ୦୯/୧୧: ଅମର କୌଶିକଙ୍କ ଅପ୍କମିଙ୍ଗ ଫିଲ୍ମ ‘ଭେଡ଼ିୟା’ର ମୁକ୍ତିଲାଭ ପାଇଁ ପ୍ରସ୍ତୁତ ହେଉଛନ୍ତି ଅଭିନେତ୍ରୀ କ୍ରିତି ସାନନ୍ । ଏଥିରେ ସେ ଡାକ୍ତର ଭୂମିକା ନିର୍ବାହ କରିଛନ୍ତି । ଫିଲ୍ମରେ ତାଙ୍କ ସହ ମୁଖ୍ୟ ନାୟକ ଭୂମିକାରେ ଅଭିନୟ କରିଛନ୍ତି ବରୁଣ ଧୱନ ।
‘ଭେଡ଼ିୟା’ର ପ୍ରମୋସନ୍ରେ କ୍ରିତି ଏବେ ବ୍ୟସ୍ତ । ଫିଲ୍ମର ଏକ ଗୀତ ‘ଠୁମ୍କେଶ୍ୱରୀ’ର ରିଲିଜ୍ ପରେ ଦର୍ଶକ କ୍ରିତିଙ୍କୁ ଠୁମ୍କେଶ୍ୱରୀ ନାମରେ ସମ୍ବୋଧନ କରିବା ଆରମ୍ଭ କରିଛନ୍ତି । ତେବେ କ୍ରିତି କିନ୍ତୁ ସେଥିରୁ ଏପର୍ଯ୍ୟନ୍ତ ବାହାରି ନାହାନ୍ତି । ଗତକାଲି ସେ ଦୁଇଟି ଫଟୋ ସୋସିଆଲ ମିଡିଆରେ ଶେୟାର କରିଥିଲେ, ଯେଉଁଥିରେ ତାଙ୍କୁ ଇଣ୍ଡିଆନ୍ ଆଇଡଲ୍-୧୩ରେ ସେଟ୍ରେ ଦେଖିବାକୁ ମିଳିଥିଲା ।
ଫଟୋ ସହ ସେ କ୍ୟାପ୍ସନ୍ ଲେଖିଥିଲେ ‘ଠୁମ୍କେଶ୍ୱରୀ ଶାଢ଼ି ମସ୍ତି’ । ନିକଟରେ କ୍ରିତି ଓ ବରୁଣ ଫିଲ୍ମର ଆଉ ଏକ ଗୀତ ‘ଅପ୍ନା ବନା ଲେ’ ରିଲିଜ୍ କରିଥିଲେ । ଗୀତଟିକୁ ଗାଇଛନ୍ତି ଅରିଜିତ ସିଂହ । ଏଇଟି ତାମିଲ ଓ ତେଲୁଗୁରେ ମଧ୍ୟ ମୁକ୍ତିଲାଭ କରିଛି । ହାଇଦ୍ରାବାଦରେ ଫିଲ୍ମ ପ୍ରମୋସନ୍ ପୂର୍ବରୁ ଉଭୟ କ୍ରିତି ଓ ବରୁଣ ଗୀତର ତାମିଲ ଓ ତେଲୁଗୁ ସଂସ୍କରଣକୁ ଶିଖିବାକୁ ଚେଷ୍ଟା କରିଛନ୍ତି ।
‘ଭେଡ଼ିୟା’ର ପ୍ରମୋସନ୍ ସମୟର ଉଭୟ ବେଶ ମଜାଦାର ଅନୁଭୂତି ଶେୟାର କରୁଛନ୍ତି । ଉଭୟଙ୍କ କେମିଷ୍ଟ୍ରିକୁ ଦର୍ଶକ ଖୁବ୍ ପସନ୍ଦ କରୁଛନ୍ତି । ଥିଏଟରରେ ଫିଲ୍ମ ଦେଖିବାକୁ ଚାତକ ପରି ଚାହିଁଛନ୍ତି ଫ୍ୟାନ୍ । ଦିନେଶ ଭିଜନଙ୍କ ପ୍ରଯୋଜନାରେ ନିର୍ମିତ ‘ଭେଡ଼ିୟା’ ଆସନ୍ତା ୨୫ ତାରିଖରେ ମୁକ୍ତିଲାଭ କରିବ ।
