ମୁମ୍ବାଇ ୨୧।୦୩ : ଅଭିନେତ୍ରୀ କିରଣ ଖେର୍‌ କରୋନା ପଜିଟିଭ୍‌ । କରୋନାରେ ସଂକ୍ରମିତ ହୋଇଥିବା ନେଇ ସେ ନିଜ ଟ୍ୱିଟ୍‌ କରି ସୂଚନା ଦେଇଛନ୍ତି । ଏହାସହିତ ତାଙ୍କ ସଂସ୍ପର୍ଶରେ ଆସିଥିବା ଲୋକମାନେ ନିଜର ଟେଷ୍ଟ କରିନିଅନ୍ତୁ ବୋଲି ଅନୁରୋଧ ମଧ୍ୟ କରିଛନ୍ତି ।

କିରଣ ଖେର୍‌ କୋଭିଡ ପଡିଟିଭ୍‌ ସୂଚନା ପାଇବା ପରେ, ଫ୍ୟାନ୍ସମାନେ ତାଙ୍କ ସ୍ୱାସ୍ଥ୍ୟବସ୍ଥା ନେଇ ଚିନ୍ତିତ ହୋଇପଡିଛନ୍ତି । ଖୁବଶୀଘ୍ର ସେ ଭଲ୍‌ ହୋଇଯିବା ନେଇ କାମନା ମଧ୍ୟ କରୁଛନ୍ତି । ଏହାପୂର୍ବରୁ ୨୦୨୧ରେ କିରଣ ଖେର୍‌ ଏକ ଗମ୍ଭୀର ରୋଗରେ ଆକ୍ରାନ୍ତ ହୋଇଥିଲେ । ଏହାପରେ ତାଙ୍କର ଚିକିତ୍ସା କରାଯାଇଥିଲା ଏବଂ ସେ ସୁସ୍ଥ ମଧ୍ୟ ହୋଇଥିଲେ ।

I have tested positive for Covid. So anyone who has come in contact with me please get yourself tested.

— Kirron Kher (@KirronKherBJP) March 20, 2023

କିରଣ ଖେର୍‌ ବଲିଉଡ୍‌ରେ ଜଣେ ବରିଷ୍ଠ ଅଭିନେତ୍ରୀ । ନିଜ ଦକ୍ଷ ଆକ୍ଟିଂ ଏବଂ ନିଆରା ବ୍ୟକ୍ତିତ୍ୱ ପାଇଁ ଫ୍ୟାନ୍ସଙ୍କ ହୃଦୟରେ ସ୍ୱତନ୍ତ୍ର ଜାଗା ସୃଷ୍ଟି କରିପାରିଛନ୍ତି । ୧୯୮୧ କିରଣ ଖେରଙ୍କ ବିବାହ ଗୌତମ ବେରୀଙ୍କ ସହିତ ହୋଇଥିଲା । ତାଙ୍କର ଗୋଟିଏ ପୁଅ ମଧ୍ୟ ରହିଛି । ଯାହାଙ୍କ ନାମ ସିକନ୍ଦର । କିନ୍ତୁ ବିବାହର କିଛି ଦିନ ପରେ ଉଭୟ ଅଲଗା ହୋଇଯାଇଥିଲେ ।

ପରେ ୧୯୮୫ରେ କିରଣ ଖେର ୨ୟ ବିବାହ କରିଥିଲେ । ବଲିଉଡ୍‌ର ଭେଟେରାନ୍‌ ଅଭିନେତା ଅନୁପମ୍‌ ଖେର୍‌ଙ୍କ ସହିତ ବିବାହ କରିଥିଲେ କିରଣ । ଅନୁପମ୍‌ ଖେର ମଧ୍ୟ ୨ୟ ବିବାହ କରିଛନ୍ତି । ଦୁହିଁଙ୍କ ପ୍ରେମ ଅନ୍ୟମାନଙ୍କ ପ୍ରତି ଏକ ପ୍ରେରଣା । ଉଭୟ ଉଭୟଙ୍କଠୁ ଅଲଗା ରହୁଥିଲେ ବି ଜଣେ ଆଉ ଜଣଙ୍କର ଧ୍ୟାନ ରଖିବା କେବେ ଭୁଲନ୍ତିନି । ଅସୁବିଧା ସମୟରେ ଉଭୟଙ୍କ କଠିନ ରାସ୍ତାରେ ଛିଡା ହୋଇଛନ୍ତି ।

ସେହିପରି କିରଣ ଖେର୍‌ ଫିଲ୍ମ ଜଗତ ବ୍ୟତୀତ ରାଜନୀତି ମଇଦାନରେ ବି ଏଣ୍ଟ୍ରି କରିଛନ୍ତି । ବର୍ତ୍ତମାନ ସେ ଲୋକସଭାର ସାଂସଦ ଅଛନ୍ତି । ଭାରତୀୟ ଜନତା ପାର୍ଟି (ବିଜେପି)ରୁ ଟିକେଟ ଚଣ୍ଡିଗଡ଼ ଲୋକସଭା ଆସନରୁ ବିଜୟୀ ହୋଇଛନ୍ତି କିରଣ ଖେର୍‌ ।