ପଞ୍ଜାବ ୨୮/୦୩ : ପ୍ରଧାନମନ୍ତ୍ରୀଙ୍କ ପର୍ସନାଲ ଅଫିସର କହି କାଶ୍ମୀରରେ ପ୍ରବେଶ କରିଥିବା କିରଣ ପଟେଲ୍‌ଙ୍କ ସ୍ତ୍ରୀ ମାଲିନୀ ପଟେଲଙ୍କୁ ଅହମ୍ମଦାବାଦ କ୍ରାଇମ ବ୍ରାଞ୍ଚ ଗିରଫ କରିଛି । ମାଲିନୀ ଏବଂ କିରଣ ପଟେଲ୍‌ଙ୍କ ବିରୋଧରେ ଅହମ୍ମଦାବାଦର ପଁଶ ଏରିଆରେ ଜଣଙ୍କ ଘର ହଡପ କରିବା ନେଇ ଅଭିଯୋଗ ହୋଇଛି । ପୂର୍ବରୁ ହିଁ କିରଣ ପଟେଲ୍ ପୋଲିସ ହେପାଜତରେ ଅଛନ୍ତି।

ଅଭିଯୋଗ ଅନୁଯାୟୀ, କିରଣ ଏବଂ ମାଲିନୀ ବରିଷ୍ଠ ଦମ୍ପତ୍ତିଙ୍କୁ ଘରକୁ ଜୋର୍ ଜବରଦସ୍ତ ମାଡି ବସିଛନ୍ତି । ବୃଦ୍ଧ ଦମ୍ପତ୍ତିଙ୍କ ଅଭିଯୋଗ ଆଧାରରେ ଅହମ୍ମଦାବାଦ ପୋଲିସ କିରଣ ପଟେଲ୍ ଏବଂ ତାଙ୍କ ପତ୍ନୀ ମାଲିନୀଙ୍କ ବିରୋଧରେ ମାମଲା ରୁଜୁ କରିଛି ।

ପୂର୍ବରୁ ମାଲିନୀଙ୍କ ସ୍ୱାମୀ ଅର୍ଥାତ୍ କିରଣ ପଟେଲ୍ ନିଜକୁ ପିଏମଓଙ୍କ ଆଡିସନାଲ୍ ଡାଇରେକ୍ଟର କହି ସରକାରୀ ଅର୍ଥରେ ଜମ୍ମୁ କାଶ୍ମୀରରେ ଖୁବ୍ ଅଏସ କରିଥିଲେ । କିରଣ ପଟେଲ୍ ଗତ ବର୍ଷ ଅକ୍ଟୋବରରୁ କାଶ୍ମୀର ଗସ୍ତରେ ଥିଲେ । ଏହାପରେ ସେ ଏଲଓସି ନିକଟରେ ଥିବା ଉରୀ କମାଣ୍ଡ ପୋଷ୍ଟ ଦେଇ ଶ୍ରୀନଗରର ଲାଲ୍ ଚୌକ ପର୍ଯ୍ୟନ୍ତ ଯାଇଥିଲେ ।

ଏହି ଅବସରରେ ସେ ସରକାରୀ ଆଥିତ୍ୟର ଖୁବ୍ ଫାଇଦା ଉଠାଇଥିଲେ । ତେବେ ଏ ସଂପର୍କରେ କେହି ହେଲେ ଖବର ପାଇନଥିଲେ । ଏମିତିକି ପୋଲିସ ବି ଜାଣିପାରିନଥିଲା । ତେବେ ଜଣେ ବଡ ଅଧିକାରୀ ବଡ ହୋଟେଲରେ ରହିବାକୁ ବ୍ୟବସ୍ଥା ବି କରିଥିଲେ । ଆହୁରି ମଧ୍ୟ PMOଙ୍କ ସୁରକ୍ଷା ଅଧିକାରୀ କହି ଜମ୍ମୁ କାଶ୍ମୀରର ବଡ ଅପିସରଙ୍କ ସହ ବୈଠକ ବି କରିଥିଲେ ।