scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଜେଲ୍‌ ଗଲା କିଲର୍‌ ଭାଉଜ କାବେରୀ – ଏହି କଥାରୁ କାଟିଥିଲା ନଣନ୍ଦ ଶିବାନୀର ତଣ୍ଟି

16/12/2019 at 2:07 PM

ବାଲୁଗାଁ ୧୬।୧୨ – କିଲର ଭାଉଜ କାବେରୀ ଏବେ ଜେଲ୍‌ ଯାଇଛି । ନଣନ୍ଦ ଶିବାନୀର ତଣ୍ଟି କାଟିବା ଅଭିଯୋଗରେ ପୁଲିସ ତାକୁ ଗରିଫ କରିଛି । କାବେରୀ ବି ନିଜ ଦୋଷ ସ୍ୱୀକାର କରିଛି । ଏକ ତରଫା ପ୍ରେମକୁ ନେଇ ଏହି ହତ୍ୟା କାଣ୍ଡ ଘଟିଥିବା ଅଭିଯୋଗ ହୋଇଥିବା ବେଳେ ଏବେ ଘଟଣାରୁ ପର୍ଦ୍ଦା ଉଠିଛି। ପ୍ରେମ ନୁହେଁ ଭାଉଜହିଁ କରିଥିଲା ମରଣାନ୍ତକ ଆକ୍ରମଣ । ଜଣେ ମହିଳା ହୋଇ ନିଜ ବୟସର ନଣନ୍ଦକୁ କରିଥିଲା ଅତି ଦୟନୀୟ ଭାବେ ହତ୍ୟା । ତଣ୍ଟି ଓ ମୁହଁକୁ ବିଭିତ୍ସ ଭାବେ କାଟି ଦେଇଥିଲା କିଲର୍‌ ଭାଉଜ କାବେରୀ ।

ହତ୍ୟାର ଶିକାର ହୋଇଥିବା ଶିବାନୀ ବାଲୁଗାଁ କଲେଜ୍‌ରେ ଯୁକ୍ତ ଦୁଇରେ ପାଠ ପଢୁଥିଲା । ଭାଉଜ କାବେରୀର ଶିବାନୀଙ୍କ ଭାଇଙ୍କ ସହ ପ୍ରେମ ବିବାହ ହୋଇଥିଲା । ଏହାକୁ ପରିବାର ଲୋକ ବିରୋଧ କରୁଥିଲେ । ଏଥିପାଇଁ ଅନେକ ଥର ଝଗଡା ବି ହୋଇଛି । ଏହି କାରଣରୁ କାବେରୀ ନଣନ୍ଦ ଶିବାନୀକୁ ହତ୍ୟା କରିଥିବା କଥା ପୁଲିସ ସୂଚନା ଦେଇଛି।

ଏକ ଛୋଟ କଥାରୁ କାବେରୀ ନଣନ୍ଦ ଶିବାନୀକୁ ହତ୍ୟା କରିଥିଲା । ଟିଭି ଦେଖିବା ବେଳେ ଶିବାନୀସହ ଯୁକ୍ତିତର୍କ ହେବାରୁ ସେ ଭାଉଜକୁ ଚାକରାଣୀ ବୋଲି କହିଦେଇଥିଲା। ଏଥିରେ ଉତ୍‌କ୍ଷିପ୍ତ ହୋଇଥିଲା କାବେରୀ । ଘରେ ଆଉ କେହି ନଥିବାରୁ ଛୁରି ଧରି ମୁହଁ ସହ ଶିବାନୀର ବେକ କାଟି ଦେଇଥିଲା ।

ଶିବାନୀକୁ ତଣ୍ଟି କାଟି ପରେ ଭାଉଜ କାବେରୀ ରଚିଥିଲା ଏକ ନାଟକ । କଲେଜ୍‌ରେ ଶିବାନୀଙ୍କୁ ଜଣେ ଏକ ତରଫା ପ୍ରେମ କରୁଥିଲା । ଶିବାନୀ ଏହାକୁ ପ୍ରତ୍ୟାଖ୍ୟାନ କରିଥିଲେ । ଶଶ୍ୱୁର ଓ ସ୍ୱାମୀ ବେପାର କରିବା ପାଇଁ ଦୋକାନକୁ ଯାଇଥାଆନ୍ତି । ଶାଶୁ ପଡିଶା ଘରକୁ ଯାଇଥିଲେ । ଘରେ କେହି ନଥିବା ସମୟରେ ଶିବାନୀକୁ ହତ୍ୟା କରିବା ପାଇଁ କାବେରୀ ଯୋଜନା କରିଥିଲା । ଶିବାନୀର ତଣ୍ଟି କାଟି ହତ୍ୟା କରିବା ପରେ ସମସ୍ତଙ୍କ ଆଗରେ କହିଥିଲା ଏକ ମନଗଢା କାହାଣୀ । ପରିଶ୍ରା କରିବା ପାଇଁ ବାରିପଟକୁ ଯାଇଥିବା ବେଳେ ଜଣେ ଯୁବକ ମୁଖା ପିନ୍ଧି ଆସି ଶିବାନୀକୁ ତଣ୍ଟି କରିଥିବା କଥା କହିଥିଲା । ହତ୍ୟା କରିବା ପରେ ବେଶ୍‌ ସ୍ୱାଭାବିକ ଥିଲା କାବେରୀ । ତା କଥାକୁ ସମସ୍ତେ ବିଶ୍ୱାସ କରିଥିଲେ ଗୁରୁତର ଶିବାନୀକୁ ଚିକିତ୍ସା କରିବା ପାଇଁ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ସେଠାରୁ ବ୍ରହ୍ମପୁର ଏମ୍‌କେସିଜିକୁ ସ୍ଥାନାନ୍ତର କରାଯାଇଥିଲା । ଚିକିତ୍ସାଧିନ ଅବସ୍ଥାରେ ଶିବାନୀର ମୃତ୍ୟୁ ହୋଇଥିଲା ।

ପୁଲିସ କାବେରୀକୁ ଏହି ଅପରାଧରେ ଗିରଫ କରି କୋର୍ଟ ଚାଲାଣ କରିଛି । ହତ୍ୟା କରାଯାଇଥିବା ଛୁରିକୁ କାବେରୀର ଫିଙ୍ଗର ପ୍ରିଣ୍ଟ ମ୍ୟାଚ କରିଛି । କାବେରୀ ହତ୍ୟା କରିଥିବା କଥା ପୁଲିସ ଆଗରେ ସ୍ୱୀକାର କରିଛି । ବାଲୁଗାଁ ଥାନାରେ ୧୬୦/୨୦୧୯ରେ ଏକ ମାମଲା ରୁଜୁ କରାଯାଇଛି। କାବେରୀର ଜାମିନ ନାମଞ୍ଜୁର ହେବାରୁ ତାକୁ ଜେଲ୍‌ ପଠାଇ ଦିଆଯାଇଛି ।

   Related Posts