Showcase2022
Showcase2022
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

IPLରୁ ସନ୍ନ୍ୟାସ ନେଲେ କିରନ ପୋଲାର୍ଡ, ଏବେ ମୁମ୍ୱାଇ ଇଣ୍ଡିଆନ୍ସରେ ମିଳିଲା ଏହି ବଡ଼ ଦାୟିତ୍ୱ

15/11/2022 at 3:47 PM

ମୁମ୍ୱାଇ: ୱେଷ୍ଟଇଣ୍ଡିଜର ପୂର୍ବତନ ଅଲରାଉଣ୍ଡର କିରନ୍ ପୋଲାର୍ଡ ଅନ୍ତରାଷ୍ଟ୍ରୀୟ କ୍ରିକେଟ ପରେ ଏବେ ଆଇପିଏଲରୁ ସନ୍ନ୍ୟାସ ଘୋଷଣା କରିଛନ୍ତି । ତେବେ, ଏହା ପରେ ବି ସେ ମୁମ୍ୱାଇ ଇଣ୍ଡିଆନ୍ସର ସଦସ୍ୟ ହୋଇ ରହିବେ । ଟିମ ମ୍ୟାନେଜମେଣ୍ଟ ଏବେ ତାଙ୍କୁ ଏକ ବଡ଼ ଦାୟିତ୍ୱ ଦେଇଛନ୍ତି । ଏହି ମହାନ ଅଲରାଉଣ୍ଡରଙ୍କୁ ମୁମ୍ୱାଇ ଇଣ୍ଡିଆନ୍ସର ବ୍ୟାଟିଂ କୋଚ ଭାବେ ନିଯୁକ୍ତି ଦିଆଯାଇଛି । ଆଇପିଏଲର ପରବର୍ତ୍ତୀ ସଂସ୍କରଣରୁ ସେ ଏହି ଦାୟିତ୍ୱ ସମ୍ଭାଳିବେ ।

ଉଲ୍ଲେଖଯୋଗ୍ୟ ଯେ, କିରନ୍ ପୋଲାର୍ଡ ଆଇପିଏଲର ୧୩ଟି ସିଜିନରେ ମୁମ୍ୱାଇ ଇଣ୍ଡିଆନ୍ସ ପାଇଁ ଖେଳି ସାରିଛନ୍ତି । ଏବେ ସେ ଆଇପିଏଲରେ ଖେଳିବନି କିନ୍ତୁ ବ୍ୟାଟିଂ କୋଚ ଭାବେ ଏମଆଇ ପରିବାର ସହ ଯୋଡି ହୋଇ ରହିବେ ବୋଲି ଟିମ ମ୍ୟାନେଜମେଣ୍ଟ ଘୋଷଣା କରିଛି । ପୋଲାର୍ଡ ୨୦୧୦ରୁ ମୁମ୍ୱାଇ ଇଣ୍ଡିଆନ୍ସ ଟିମ ସହ ଅଛନ୍ତି ଏବଂ ସେ ଟିମ ପାଇଁ ୧୫୦ ମ୍ୟାଚ ଖେଳିବାରେ ପ୍ରଥମ ଖେଳାଳି ହୋଇଥିଲେ।

କିରନ ପୋଲାର୍ଡ ମୁମ୍ୱାଇ ଇଣ୍ଡିଆନ୍ସର ଖେଳାଳି ଭାବେ ୫ଟି ଆଇପିଏଲ, ୨ଟି ଚାମ୍ପିୟନ ଲିଗ୍ ଟ୍ରଫି ଜିତିଛନ୍ତି । କିଛି ମ୍ୟାଚରେ ସେ ମୁମ୍ୱାଇ ଇଣ୍ଡିଆନ୍ସର ଅଧିନାୟକ ଦାୟିତ୍ୱ ମଧ୍ୟ ସମ୍ଭାଳିଥିଲେ । ମୁମ୍ୱାଇ ପାଇଁ ପୋଲାର୍ଡ ୧୮୯ଟି ମ୍ୟାଚ ଖେଳିଛନ୍ତି । ୧୭୨ଟି ଇନିଂସ ମଧ୍ୟରୁ ୫୨ ଥର ଅପରାଜିତ ରହି ମୋଟ ୩୪୧୨ ରନ କରିଛନ୍ତି । ତାଙ୍କର ସର୍ବାଧିକ ବ୍ୟକ୍ତିଗତ ରନ ୮୭ ।

   Related Posts