କିଆରା ଆଡଭାନି ଏବେ ବଲିଉଡ୍ର ଆଗଧାଡିର ଅଭିନେତ୍ରୀଙ୍କ ମଧ୍ୟରେ ଅନ୍ୟତମ । ‘କବୀର ସିଂହ’, ‘ଗୁଡ୍ ନ୍ୟୁଜ୍’, ‘ଶେରଶାହ’ ଭଳି ଫିଲ୍ମରେ ତାଙ୍କର ଉଚ୍ଚକୋଟୀର ଅଭିନୟକୁ ସମସ୍ତେ ଭୂରିଭୂରି ପ୍ରଶଂସା କରିଥିଲେ । ଗତବର୍ଷ ସେ ଅଭିନେତା ସିଦ୍ଧାର୍ଥ ମଲହୋତ୍ରାଙ୍କ ସହ ବିବାହ ବନ୍ଧନରେ ଆବଦ୍ଧ ହୋଇଥିଲେ । ଇତିମଧ୍ୟରେ ଏକ ସାକ୍ଷାତକାରରେ କିଆରା ନିଜର ବିବାହ ଓ କ୍ୟାରିୟରକୁ ନେଇ ଖୋଲାଖୋଲି ଆଲୋଚନା କରିଛନ୍ତି ।
ସେ କହିଛନ୍ତି, ଆଗରୁ ବିବାହ ପରେ ଅଭିନେତ୍ରୀମାନଙ୍କର କ୍ୟାରିୟର ନେଇ ପ୍ରଶ୍ନବାଚୀ ଦେଖାଯାଉଥିଲା । ଏବେ କିନ୍ତୁ ଅଭିନେତ୍ରୀ ବିବାହିତ କି ନୁହଁନ୍ତି ତାହା ଆମର ଦର୍ଶକଙ୍କୁ କୌଣସି ଫରକ ପକାଉନାହିଁ । ଆଜି ଆମ ଇଣ୍ଡଷ୍ଟ୍ରିରେ ବିବାହିତା ଅଭିନେତ୍ରୀମାନେ ଶୀର୍ଷରେ ଅଛନ୍ତି । ବିବାହ ପରେ ମୁଁ ମଧ୍ୟ କ୍ୟାରିୟରର ଦୁଇଟି ବଡ଼ ଫିଲ୍ମ କରିବାକୁ ଚୁକ୍ତିବଦ୍ଧ ହୋଇଛି । ଏହା ସମୟ ବଦଳିଯିବାର ସଙ୍କେତ ଦେଉଛି । ସତ କହିବାକୁ ଗଲେ ଏହା ଏକ ବହୁତ ବଡ଼ ସକରାତ୍ମକ ପରିବର୍ତ୍ତନ । କିଆରାଙ୍କୁ ଆଗକୁ ରଣବୀର ସିଂହଙ୍କ ସହିତ ‘ଡନ୍-୩’ରେ ଦେଖିବାକୁ ମିଳିବ । ସେଥିରେ ପ୍ରଥମ ଥର ଲାଗି ଆକ୍ସନ୍ କରିବାର ଦେଖିବାକୁ ମିଳିବେ ସେ ।
‘ଡନ୍-୩’ ଛଡ଼ା ଏକ ତେଲଗୁ ଫିଲ୍ମ ‘ଗେମ୍ଚେଞ୍ଜର’ରେ ବି ସେ ନଜର ଆସିବେ । ସେହି ଫିଲ୍ମରେ ସାଉଥ୍ ସୁପରଷ୍ଟାର ରାମଚରଣ ତାଙ୍କ ବିପକ୍ଷରେ ଅଭିନୟ କରିବେ । ସେହିପରି ‘ୱାର-୨’ରେ ବି କିଆରା ନଜର ଆସିବେ । ସେହି ଫିଲ୍ମରେ ଜୁନିଅର ଏନ୍ଟିଆର ଏବଂ ହ୍ରିତ୍ୱିକ ରୋଶନ୍ ତାଙ୍କ ସହ ସ୍କ୍ରିନ ଶେୟାର କରିବେ
wp:embed {"url":"https://www.prameyanews7.com/sobhita-dhulipala-wants-to-become-a-mother/","type":"wp-embed","providerNameSlug":"prameya-news-7"}
