ମୁମ୍ଵାଇ ୦୩।୦୨: ବଲିଉଡ ଅଭିନେତ୍ରୀ କିଆରା ଆଡଭାନୀ । ଖୁବ୍ ଶୀଘ୍ର ଅଭିନେତା ସିଦ୍ଧାର୍ଥ ମଲହୋତ୍ରାଙ୍କ ସାଜିବେ କନିଆ। ଉଭୟ ରାଜସ୍ଥାନର ଜୈସଲମେରର ସୁର୍ଯ୍ୟଗଡ ପ୍ୟାଲେସରେ ସାତ ଫେରା ନେବାକୁ ଯାଉଛନ୍ତି। ହେଲେ ମିଡିଆ ରିପୋର୍ଟକୁ ଅନୁଯାୟୀ ଫେବୃଆରୀ ୫ ରୁ ଏହି ଦମ୍ପତିଙ୍କ ବିବାହ କାର୍ଯ୍ୟ ଆରମ୍ଭ ହେବ । ୫ ତାରିଖରେ ସଂଗୀତ ସମାରୋହର ଆୟୋଜନ କରାଯିବ। ଏଥି ସହିତ, ୬ ଫେବୃଆରୀରେ ବିବାହ ଏବଂ ଫେବୃଆରୀ ୭ରେ ରିସେପ୍ସନ୍ ରଖାଯାଇଛି ।

ସିଦ୍ଧାର୍ଥ ଏବଂ କିଆରାଙ୍କ ବିବାହ କାର୍ଯ୍ୟରେ ରାଜସ୍ଥାନୀ ସଂସ୍କୃତିର ଝଲକ ଦେଖିବାକୁ ମିଳିବ। ରିପୋର୍ଟ ଅନୁଯାୟୀ, ବିବାହରେ ଅଭିନୟ ପାଇଁ କଠପୁତ୍ତଳୀ ଏବଂ ମାଙ୍ଗାନିୟର କଳାକାରଙ୍କୁ ନିମନ୍ତ୍ରଣ କରାଯାଇଛି। ଏଥି ସହିତ କଣ୍ଟିନେଣ୍ଟାଲ ଏବଂ ଭାରତୀୟ ରୋଷେଇ ସହିତ ରାଜସ୍ଥାନର ଖାଦ୍ୟ ବାଜରାର ରୁଟି, ବାଜରା ର ସୋୟା ଭଳି ଖାଦ୍ୟରେ ରଖାଯାଇଛି।

ଗଣମାଧ୍ୟମର ରିପୋର୍ଟ ଅନୁଯାୟୀ କିଆରା-ସିଦ୍ଧାର୍ଥ ଅତିଥିମାନଙ୍କ ପାଇଁ ସୂର୍ଯ୍ୟଗଡ ପ୍ୟାଲେସର ୮୪ ରୁମ୍ ବୁକ୍ କରିଛନ୍ତି। ଏହି କୋଠରୀ ଗୁଡ଼ିକର ଭଡା ବିଷୟରେ ଆଲୋଚନା କରୁ, ତେବେ ଅଫିସିଆଲ୍ ୱେବସାଇଟ୍ ଅନୁଯାୟୀ, ଗୋଟିଏ ଦିନର ଭଡା ୨୪ ହଜାରରୁ ୭୬ହଜାର ଟଙ୍କା ମଧ୍ୟରେ । ଏଥି ସହିତ, ରାଜପ୍ରାସାଦର ସବୁଠାରୁ ମହଙ୍ଗା ଏବଂ ବହୁ କୋଠରୀରେ ଗୋଟିଏ ରାତିରେ ରହିବା ୧,୩୦,୦୦୦ ଟଙ୍କା ବୋଲି କୁହାଯାଉଛି ।

ଉଭୟଙ୍କ କାର୍ଯ୍ୟ ବିଷୟରେ କହିବାକୁ ଗଲେ ସିଦ୍ଧାର୍ଥ ମଲହୋତ୍ରା ଖୁବ୍ ଶୀଘ୍ର ରୋହିତ ଶେଟ୍ଟୀଙ୍କ ୱେବ୍ ସିରିଜ୍ ‘ଇଣ୍ଡିଆନ ପୋଲିସ୍ ଫୋର୍ସ’ରେ ନଜର ଆସିବେ। ଏଥି ସହିତ କିଆରା ଆଡଭାନୀ ପୁଣି ଥରେ କାର୍ତ୍ତିକ ଆର୍ଯ୍ୟନଙ୍କ ସହ ଫିଲ୍ମ ‘ସତ୍ୟପ୍ରେମ କି କଥା’ରେ ନଜର ଆସିବେ।