ମୁମ୍ବାଇ ୦୭।୦୨ : ସାଥୀ ଆଜି ସାଜିବେ ଜୀବନସାଥୀ । ସିଦ୍ଧାର୍ଥ ମଲହୋତ୍ରା ଓ କିଆରା ଆଡଭାନୀଙ୍କର ମଙ୍ଗଳବାର ପଡିବ ହାତଗଣ୍ଠି । ରାଜସ୍ଥାନର ସୂର୍ଯ୍ୟଗଡ଼ ପ୍ୟାଲେସ୍‌ ପାଲଟିଛି ଶେରଶାହା ଯୋଡିଙ୍କ ବିବାହ ଡେଷ୍ଟିନେସନ୍‌ । ପରିବାର ଲୋକ ଏବଂ ସାଙ୍ଗ ସାଥୀଙ୍କ ଉପସ୍ଥିତିରେ ହେବେ ଏହି ବିବାହ ।

ବଲିଉଡ୍‌ର ଏହି ଷ୍ଟାର ଯୋଡିଙ୍କ ବିବାହରେ ଯୋଗଦେବେ ବହୁ ନାମୀ ଦାମୀ ସେଲିବ୍ରିଟି ଓ ଭିଭିଆଇପି । ଖାସ୍‌ କରି ଏଥି ପାଇଁ ସୁରକ୍ଷା ବ୍ୟବସ୍ଥାକୁ କଡ଼ାକଡି କରାଯାଇଛି । ଜାଗା ଜାଗାରେ ସିସିଟିଭି କ୍ୟାମେରା ଓ ସୁରକ୍ଷାକର୍ମୀ ନିୟୋଜିତ ହୋଇଛନ୍ତି । ୬୫ ଏକରରେ ଅବସ୍ଥିତ ସୂର୍ଯ୍ୟଗଡ଼ ପ୍ୟାଲେସ୍‌ ପାଇଁ ତ୍ରିସ୍ତରୀୟ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି ।

ତେବେ ଆସନ୍ତୁ ଜାଣିବା ସୂର୍ଯ୍ୟଗଡ଼ ପ୍ୟାଲେସ୍‌ ବିଷୟରେ-

ସହରଠାରୁ ୧୬ କିଲୋମିଟର ଦୂରରେ ଥିବା ଏହି ପ୍ୟାଲେସ୍ ସାରା ବିଶ୍ୱରେ ପ୍ରସିଦ୍ଧ । ଅଧିକାଂଶ ରୟାଲ ଓ୍ବେଡିଂ ସୂର୍ଯ୍ୟଗଡ ହୋଟେଲରେ ଅନୁଷ୍ଠିତ ହୋଇଥାଏ  । ତେବେ ଏପ୍ରିଲରୁ ସେପ୍ଟେମ୍ବର ଯାଏଁ ଗୋଟିଏ ଦିନ ପାଇଁ ପ୍ରାୟ ୧ କୋଟି ୨୦ ଲକ୍ଷ ଟଙ୍କା ଦେବାକୁ ପଡିଥାଏ । ପର୍ଯ୍ୟଟନ ଋତୁ ଅର୍ଥାତ୍ ଅକ୍ଟୋବରରୁ ମାର୍ଚ୍ଚ ପର୍ଯ୍ୟନ୍ତ ଦୈନିକ ପ୍ରାୟ ୨ କୋଟି ଟଙ୍କା ଦେବାକୁ ପଡିଥାଏ ଭଡା । ଏଠାରେ ରହିଛି ୮୩ଟି ରୁମ୍ ।  ଏହି ପ୍ୟାଲେସରେ କେବଳ ରାତ୍ରୀ ଭୋଜନ ପାଇଁ ପ୍ରତ୍ୟେକ ବ୍ୟକ୍ତିଙ୍କୁ ଦେବାକୁ ପଡିଥାଏ ୧୫ ହଜାର ଟଙ୍କା ।

ଫୋର୍ଟ ରୁମ୍ – ଏହି ରୁମଟି ୨୫୦ ବର୍ଗଫୁଟରେ ନିର୍ମିତ । ଗୋଟିଏ ଦିନ ପାଇଁ 20 ହଜାର ଟଙ୍କା ଦେବାକୁ ପଡିଥାଏ ଭଡା  । ଏଥିସହ ଟ୍ୟାକ୍ସ ମଧ୍ୟ ଅଲଗା ଦେବାକୁ ପଡିଥାଏ ।

ହେରିଟେଜ୍ ରୁମ୍ – ଫୋର୍ଟ ରୁମ୍ ଠାରୁ ହେରିଟେଜ୍ ରୁମ୍ ବଡ଼ । ଗୋଟିଏ ଦିନ ପାଇଁ ଭଡା 25 ରୁ 30 ହଜାର ଟଙ୍କା ରହିଛି । ଏଥିସହ ଟ୍ୟାକ୍ସ ରହିଛି ଅଲଗା ।

ପାଭିଲିୟନ୍ ରୁମ୍- ଏହା ତଳ ମହଲାରେ ରହିଛି ଏବଂ ଏଥିରେ ସମସ୍ତ ଆଧୁନିକ ସୁବିଧା ଅଛି । ଏହାର ଗୋଟିଏ ଦିନର ଭଡା ୨୦ରୁ ୨୫ ହଜାର ।