ଖୋର୍ଦ୍ଧା ୧୫/୭: ଭଙ୍ଗା ହେଲା ଛୋଟାର କୋଠା। ଡ୍ରଗ୍ସ ମାଫିଆ ବ୍ରାଉନ ସୁଗାର ବେପାରୀ ଛୋଟା ଓରଫ ଶୁଭ୍ରାଂଶୁ ପରିଡାର କୋଠାକୁ  ଭାଙ୍ଗିଲା ପ୍ରଶାସନ। ସରକାରୀ ଯାଗାରେ ୪ ଶହ ଡିସିମିଲି ଉପରେ ଜବର ଦଖଲ କରି ତିଆର କରିଥିଲା ଆଲିଶାନ କୋଠା।

ଶୀତତାପ ନିୟନ୍ତ୍ରିତ କୋଠରୀରେ ଥିଲା ଭୋଗବିଳାସର ଦାମୀ ସାମଗ୍ରୀ।  ଗୋଟିଏ କିମ୍ବା ଦୁଇଟି ନୁହଁ ୪ ରୁ ୫ଟି ଦାମୀ ଗାଡି ଚଢୁଥିଲା।ଛୋଟାର ଆଡ୍ଡା ସ୍ଥଳୀ ଭାଙ୍ଗିବା ପାଇଁ ଗତ ସୋମବାର ଉପଜିଲ୍ଲାପାଳ ଭାଙ୍ଗିବାକୁ ନୋଟିସ କରିଥିଲେ। ଡ୍ରଗ୍ସ ବେପାରୀ ଛୋଟାର ଡ୍ରଗ୍ସ ବେପାର ଜମିବାଡ଼ି ଏବଂ ବେଆଇନ ଖଣି କାରବାରର ମସୁଧା ଏହି କୋଠାରେ ହୋଇଥାଏ ।

ବିଗତ ପ୍ରାୟ ୩ ବର୍ଷ ହେବ କଳାବେପାର ସମ୍ରାଜ୍ୟର ବାଦଶାହା ହୋଇଯାଇଥିଲା ଛୋଟା। ପୁଲିସ ଗଇନ୍ଦା ବିଭାଗ ଓ ଅବକାରୀ ବିଭାଗ ଛୋଟା ଉପରେ ନଜର ରଖିଥଇଲେ ମଧ୍ୟ ବାରାମ୍ବାର ଚକମା ଦେଇ ଛୋଟା ଖସି ଯାଉଥିବାରୁ ଟାର୍ଗେଟ କରିଥିଲା ଏସଟିଏଫର ଏନକାଉଣ୍ଟର ଟିମ୍।