ନୂଆଦିଲ୍ଲୀ ୦୮/୦୮: ରାଜସ୍ଥାନର ସିକର ଜିଲ୍ଲାରେ ଥିବା ପ୍ରସିଦ୍ଧ ଖାଟୁଶ୍ୟାମ ମନ୍ଦିରରେ ଅଘଟଣ । ସୋମବାର ସକାଳୁ ମନ୍ଦିରରେ ଠେଲାପେଲାରେ ୩ ଜଣ ମହିଳା ଶ୍ରଦ୍ଧାଳୁ ପ୍ରାଣ ହରାଇଛନ୍ତି । ଆହୁରି ଅନେକ ଆହତ ହୋଇଛନ୍ତି । ଘଟଣାସ୍ଥଳରେ ଉପସ୍ଥିତ ଥିବା ପୋଲିସ କର୍ମୀ ଓ ସୁରକ୍ଷା କର୍ମୀ ସ୍ଥିତି ସମ୍ଭାଳିଥିଲେ । ତେବେ ଖାଟୁଶ୍ୟାମଜୀ ଥାନା ପୋଲିସ ମାମଲାର ତଦନ୍ତ ଆରମ୍ଭ କରିଛି ।  

କୁହାଯାଉଛି ଯେ, ସକାଳ ୫ଟାରେ ମନ୍ଦିରର ପ୍ରବେଶ ଦ୍ୱାର ଖୋଲିବା ପରେ ଭକ୍ତଙ୍କ ଗହଳି ଲାଗିଥିଲା । ଲୋକେ ଏଣେତେଣେ ଦଉଡି ଥିଲେ । ଏହି ସମୟରେ ଦଳାଚକଟା ହୋଇଥିଲା । କିଛି ମହିଳା ଓ ପୁରୁଷ ଶ୍ରଦ୍ଧାଳୁ ତଳେ ପଡି ଯାଇଥିଲେ ।

ତୁରନ୍ତ ସୁରକ୍ଷାକର୍ମୀ ଆହତଙ୍କୁ ଉଦ୍ଧାର କରି ହସ୍ପିଟାଲ ପଠାଇଥିଲେ । କିନ୍ତୁ ସେତେବେଳକୁ ତିନି ଜଣ ପ୍ରାଣ ହରାଇ ସାରିଥିଲେ । ମୃତକଙ୍କ ମଧ୍ୟରୁ ଜଣଙ୍କର ପରିଚଯ ମିଳିବା ପରେ ଅନ୍ୟ ଦୁଇଜଣଙ୍କ ପରିଚୟ ଖୋଜାଚାଲିଛି ।

wp:html

Saddened by the loss of lives due to a stampede at the Khatu Shyamji Temple complex in Sikar, Rajasthan. My thoughts are with the bereaved families. I pray that those who are injured recover at the earliest.

— Narendra Modi (@narendramodi) August 8, 2022

/wp:html

ତେବେ ଘଟଣାକୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶୋକପ୍ରକାଶ କରିଛନ୍ତି । ସେ ମୃତକଙ୍କ ପରିବାର ପ୍ରତି ସମବେଦନା ଜ୍ଞାପନ କରିବା ସହ ଆହତଙ୍କ ଆଶୁ ଆରୋଗ୍ୟ କାମନା କରିଛନ୍ତି ।