ମୁମ୍ଵାଇ ୨୭।୦୩: ଭାରତୀୟ ବିଲିୟନେୟାର ବ୍ୟବସାୟୀ ବି ରବି ପିଲ୍ଲାଇ । ୨୦୧୫ରେ ତାଙ୍କ ଝିଅ ଆରତୀ ପିଲ୍ଲାଇଙ୍କ ପାଇଁ ଏକ ବଡ ବିବାହ ଆୟୋଜନ କରିଥିଲେ। ଏହି ବିବାହ ଏତେ ପ୍ରସିଦ୍ଧ ହୋଇଥିଲା ଯେ ଆଠ ବର୍ଷ ପରେ ମଧ୍ୟ ଲୋକମାନେ ଏହା ବିଷୟରେ ଆଲୋଚନା କରନ୍ତି। ବାସ୍ତବରେ, ବି ରବି ପିଲ୍ଲଇ ତାଙ୍କ ଝିଅର ବିବାହକୁ ଧୁମଧାମ୍‌ ସହିତ ରାଜକୀୟ ଘଙ୍ଗରେ ବିବାହ କରିଥିଲେ ଏବଂ ପାଣି ପରି ଟଙ୍କା ଖର୍ଚ୍ଚ କରିଥିଲେ ।

ରବିଙ୍କ ଝିଅ ଆରତୀ ୨୬ ନଭେମ୍ବର ୨୦୧୫ ରେ କେରଳର କୋଲାମ ଠାରେ ଡାକ୍ତର ଆଦିତ୍ୟ ବିଷ୍ଣୁଙ୍କୁ ବିବାହ କରିଥିଲେ। ବିବାହ ଉତ୍ସବରେ ପ୍ରାୟ ୫୫ କୋଟି ଟଙ୍କା ଖର୍ଚ୍ଚ ହୋଇଥିବା କୁହାଯାଉଛି। କତାରର ରୟାଲ ଫ୍ୟାମିଲି ସମେତ ୪୨ ଟି ଦେଶରୁ ୩୦ ହଜାରରୁ ଅଧିକ ଅତିଥିଙ୍କୁ ନିମନ୍ତ୍ରଣ କରାଯାଇଥିଲା। ଆରତୀ ଏକ ସୁନ୍ଦର ରେଶମ ଶାଢୀ ପିନ୍ଧିଥିଲେ। ଯାହା ଲୋକପ୍ରିୟ ତଥା ଜଣାଶୁଣା ଡିଜାଇନର୍ ମନୀଷ ମଲହୋତ୍ରାଙ୍କ ଦ୍ୱାରା ଡିଜାଇନ୍‌ କରାଯାଇଥିଲା। ସାଉଥ ଇଣ୍ଡିଆନ୍‌ ଲୁକ୍ ସହିତ ଟ୍ରାଡିସନାଲ୍‌ରେ ଆରତୀ ବହୁତ ସୁନ୍ଦର ଦେଖାଯାଉଥିଲେ। ତାଙ୍କ ଲୁକ୍ ବିଷୟରେ କହିଲେ ସେ ସୁନା ବଦଳରେ ସବୁ ହୀରା ଅଳଙ୍କାର ପିନ୍ଧିଥିଲେ ।

Ravi Pillai, richest keralite's daughter on her wedding
Total expenditure #55Cr!! #12Crores worth diamonds on her. pic.twitter.com/UkHjRi58Y4

— Praveen Prabhash (@pixelsbypraveen) November 28, 2015

ମୋହନଲାଲ ଏବଂ ମାମୁତିଙ୍କ ସମେତ ଅନେକ ପ୍ରସିଦ୍ଧ ତାରକା ମଧ୍ୟ ରବିଙ୍କ ଝିଅର ବିବାହରେ ପହଞ୍ଚିଥିଲେ। ସାମସଙ୍ଗ ଏବଂ ଜାପାନ ଗ୍ୟାସ କର୍ପୋରେସନର ପ୍ରସିଦ୍ଧ ସିଇଓମାନେ ମଧ୍ୟ ଏହି ଗ୍ରାଣ୍ଡ ବିବାହରେ ପହଞ୍ଚିଥିଲେ। ବିବାହର ଅନ୍ୟ ଏକ ଆକର୍ଷଣ ଥିଲା ମଣ୍ଡପ। ଏହି ବିବାହ ମଣ୍ଡପକୁ ପ୍ରଡକ୍ସନ୍ ଡିଜାଇନର୍ ସାବୁ ସିରିଲଙ୍କ ଦ୍ୱାରା ପ୍ଲାନ କରାଯାଇଥିଲା। ଯିଏକି ତାଙ୍କ ଚଳଚ୍ଚିତ୍ରରେ ଏସ୍ଏସ୍‌ ରାଜାମୌଲିଙ୍କ ସହ କାମ କରିଥିଲେ। ଗଣମାଧ୍ୟମ ରିପୋର୍ଟ ଅନୁଯାୟୀ ବାହୁବଲୀ ଫିଲ୍ମର ସେଟ୍ ଅପେକ୍ଷା ବିବାହର ସେଟ୍ ବଡ଼ ଥିଲା। ସବୁଠାରୁ ଆକର୍ଷଣ ଥିଲା ବିରାଟ ଫୁଲର ହାତୀ ମୂର୍ତ୍ତି ଏବଂ ଫୁଲର ଝୁମର। ୨୦୦ ପ୍ରଫେସନାଲଙ୍କ ଏକ ଟିମ୍‌ ୨୦ କୋଟି ଟଙ୍କା ବିନିଯୋଗରେ ୨୦ ଏକର ଉପରେ ବ୍ୟାପିଥିବା ୩୫୦ ହଜାର ବର୍ଗଫୁଟର ଏକ ନିଆରା ପେଣ୍ଡାଲ୍ ନିର୍ମାଣ କରିଥିଲେ। ହେଲେ ଏହା ତିଆରି କରିବା ସହଜ ନଥିଲା । କୋଲାମରେ ରାଜସ୍ଥାନୀ ମାହୋଲ ସୃଷ୍ଟି କରିବାକୁ ଡିଜାଇନରଙ୍କୁ ପ୍ରାୟ ୭୫ ଦିନ ସମୟ ଲାଗିଥିଲା।