ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ମହଙ୍ଗା ପଡିଲା ଦଳୀୟ ଚିହ୍ନ ଥିବା ମାସ୍କ୍ ପିନ୍ଧିବା, ଚାକିରିରୁ ବିଦାହେଲେ ପୋଲିଂ ଅଧିକାରୀ

9/12/2020 at 9:41 PM

ତିରୁବନନ୍ତପୂରମ ୦୯/୧୨ : କେରଳର କୋଲାମ୍ ଜିଲ୍ଲାରେ ସିପିଆଇ(ଏମ୍) ମାସ୍କ ପିନ୍ଧିଥିବା ଅଭିଯୋଗରେ ଜଣେ ପୋଲିଂ ଅଧିକାରୀ ଚାକିରିରୁ ବିଦା ହୋଇଛନ୍ତି । KGV ସ୍କୁଲରେ ଶିକ୍ଷୟିତ୍ରୀ ଥିବା କେ. ସରସ୍ବତୀଙ୍କୁ ଚାକିରିରୁ ନିଲମ୍ବନ କରିଛନ୍ତି ରାଜ୍ୟ ସରକାର । ତାଙ୍କର ଦୋଷ ହେଉଛି ଦଳୀୟ ମାସ୍କ୍ ପିନ୍ଧିବା ।

କେରଳରେ ଲୋକାଲ ବଡି ନିର୍ବାଚନ ଚାଲୁଥିବା ସମୟରେ ଏଭଳି ଘଟଣା ଘଟିଛି । ସଂପୃକ୍ତ ଶିକ୍ଷୟିତ୍ରୀଜଣକ ଡ୍ୟୁଟିରେ ଥିବା ବେଳେ ଗୋଟିଏ ଧଳା ରଙ୍ଗର ମାସ୍କ୍ ପିନ୍ଧିଥିଲେ ଏବଂ ସେଥିରେ ସିପିଆଇ(ଏମ୍) ଦଳର ହାମର ଏବଂ ଷ୍ଟାର ଚିହ୍ନ ଥିଲା । ତେବେ ଏହାକୁ ପ୍ରତିବାଦ କରିବା ସୂରୁପ କିଛି କଂଗ୍ରେସ କର୍ମୀ କୋଲ୍ଲାମ ଜିଲ୍ଲାପାଳଙ୍କଚ ଏବାବଦରେ ଅବଗତ କରିଥିଲେ । ତେବେ ଅଭିଯୋଗ ଆଧାରରେ ଜିଲ୍ଲାପାଳ ତଦନ୍ତ କରିବା ପରେ ସଂପୃକ୍ତ ଶିକ୍ଷୟିତ୍ରୀଙ୍କୁ ତୁରନ୍ତ ଚାକିରିରୁ ବିଦା କରିଛନ୍ତି ।

କେରଳରେ ପ୍ରଥମ ପର୍ଯ୍ୟାୟ ଲୋକାଲ ବଡି ନିର୍ବାଚନ ଶେଷ ହୋଇଛି । ମୋଟ ୭୨.୬୭ ପ୍ରତିଶତ ମତଦାତା ମତଦାନ କରିଛନ୍ତି । କରୋନା ମହାମାରି ଚାଲିଥିଲେ ସୁଦ୍ଧା ମତଦାନ ସର୍ବାଧିକ ହୋଇଥିବା ନିର୍ବାଚନ କମିସନର ଭି ଭାସ୍କରନ୍ କହିଛନ୍ତି । ପ୍ରଥମ ପର୍ଯ୍ୟାୟରେ ମୋଟ ୨୪ ହଜାର ୫ ଶହ ପ୍ରାର୍ଥୀ ପ୍ରତିଦ୍ବନ୍ଦିତା କରୁଛନ୍ତି । ପ୍ରାୟ ୫୬ ହଜାର କର୍ମଚାରୀଙ୍କୁ ନିର୍ବାଚନ ପରିଚାଳନା ଦାୟିତ୍ବରେ ନିୟୋଜିତ କରାଯାଇଛି । ତେବେ ଦ୍ବିତୀୟ ପର୍ଯ୍ୟାୟ ନିର୍ବାଚନ ଡିସେମ୍ବର ୧୦ରେ ଏବଂ ତୃତୀୟ ପର୍ଯ୍ୟାୟ ନିର୍ବାଚନ ଡିସେମ୍ବର ୧୪ରେ ଅନୁଷ୍ଠିତ ହେବ ।

   Related Posts