ନୂଆଦିଲ୍ଲୀ: କେରଳ ପୋଲିସ କୋଝିକୋଡ ସ୍ଥିତ ଏସିଆନେଟ୍ ନ୍ୟୁଜ୍ ଚ୍ୟାନେଲର ଅଫିସରେ ରେଡ୍ କରିଛି । ଗୋଟିଏ ଦିନ ପୂର୍ବେ ଷ୍ଟୁଡେଣ୍ଟ ଫେଡରେସନ ଅଫ୍ ଇଣ୍ଡିଆ (ଏସଏଫଆଇ)ର କର୍ମୀ ଏହି ଅଫିସରରେ ଜୋର କରି ପଶି ହଙ୍ଗାମା କରିଥିଲେ । ଏସଏଫଆଇ ହେଉଛି ବାମ ଦଳର ଛାତ୍ର ସଂଗଠନ । କେରଳରେ ଏବେ ବାମ ଦଳର ସରକାର ଅଛି । ଏସଏଫଆଇ କର୍ମୀଙ୍କ ଅଭିଯୋଗ ଥିଲା ଯେ ଚ୍ୟାନେଲ ଏକ ସ୍କୁଲରେ ଛତ୍ରୀଙ୍କ ସହ ଯୌନ ନିର୍ଯାତନାକୁ ନେଇ ଭୁଲ ରିପୋର୍ଟ ଦେଖାଇଥିଲା ।

ଅନ୍ୟପଟେ କେନ୍ଦ୍ରମନ୍ତ୍ରୀ ରାଜୀବ ଚନ୍ଦ୍ରଶେଖର ମୁଖ୍ୟମନ୍ତ୍ରୀ ପିନାରାଇ ବିଜୟନଙ୍କୁ ଟାର୍ଗେଟ୍ କରି ତାଙ୍କ ଉପରେ ଦୁର୍ନୀତିର ସଂଗୀନ ଅଭିଯୋଗ ଆଣିଛନ୍ତି । ସେ କହିଛନ୍ତି ଯେ ମୁଖ୍ୟମନ୍ତ୍ରୀ ଭାବୁଛନ୍ତି ନିଜ ସଂଗଠନର ଗୁଣ୍ଡା ପଠାଇ ମିଡିଆକୁ ହଇରାଣ କରିବେ ଏବଂ ଲୋକଙ୍କୁ ଧ୍ୟାନ ହଟାଇ ନେବେ । ତାଙ୍କ ଶାସନରେ ପୋଲିସ ଜୋକୋର ହୋଇ ରହିଯାଇଛି । ଏହାରି ଭିତରେ ପ୍ରେସ କ୍ଲବ ଅଫ୍ ଇଣ୍ଡିଆନ ୱିମନ ପ୍ରେସ କପ୍ସ, ଦିଲ୍ଲୀ ୟୁନିୟନ ଅଫ୍ ଜର୍ଣ୍ଣାଲିଷ୍ଟ ଏବଂ କେରଳ ୟୁନିୟନ ଅଫ୍ ୱାର୍କିଂ ଜର୍ଣ୍ଣାଲିଷ୍ଟ ମିଡିଆ ଅଫିସ ଉପରେ ଆକ୍ରମଣର ନିନ୍ଦା କରିଛନ୍ତି ।

wp:html

So @pinarayivijayan facing serious corruptn charges n questns from media thinks he can wriggle out n distract ppl by intimidatng media using his SFI hoodlums n thn his Police 😂🤷🏻‍♂️ #Joker https://t.co/FFjLoJvas2

— Rajeev Chandrasekhar 🇮🇳 (@Rajeev_GoI) March 5, 2023

/wp:html

ସଂଗଠନ ଗୁଡିକ ଏହାକୁ ମିଡିଆର ସ୍ୱାଧୀନତା ଉପରେ ଆକ୍ରମଣ ବୋଲି କହିଛନ୍ତି । ଦେଶରେ ଗଣାମଧ୍ୟମ ସଂସ୍ଥା ଏବଂ ସାମ୍ୱାଦିକଙ୍କ ଉପରେ ବଢୁଥିବା ଆକ୍ରମଣକୁ ଚିନ୍ତାର ବିଷୟ ବୋଲି କହିଛନ୍ତି । ସରକାର ଏହା ଉପରେ ବିଚାର କରିବା ଦରକାର ଏବଂ ପ୍ରେସ୍ ଫ୍ରିଡମକୁ ରକ୍ଷା କରିବା ଦରକାର ।

ଅନ୍ୟପଟେ ଖବର ଅନୁସାରେ ନ୍ୟୁଜ୍ ଚ୍ୟାନେଲ ବିରୋଧରେ ଫେକ୍ ନ୍ୟୁଜ୍ ପ୍ରସାରଣକୁ ନେଇ ମାମଲା ରୁଜୁ କରାଯାଇଛି । ନ୍ୟୁଜ୍ ଚ୍ୟାନେଲ୍ ଗୋଟିଏ ସ୍କୁଲରେ ୧୦ରୁ ଅଧିକ ଛାତ୍ରୀଙ୍କ ସହ ଯୌନ ଶୋଷଣ ଖବର ପ୍ରସାରଣ କରିଥିଲା । ନ୍ୟୁଜ୍ ଚ୍ୟାନେଲ ମିଛ ଖବର ପ୍ରସାରଣ କରିଥିବା ଅଭିଯୋଗରେ ଏସଏଫଆଇ କର୍ମୀ ଅଫିସରେ ହଙ୍ଗାମା କରିଥିଲେ ।