କେନ୍ଦ୍ରାପଡା ୧୨|୧୦: କେନ୍ଦ୍ରାପଡ଼ା ରେ ଗଲା କାଲି ରାତିରୁ ଆରମ୍ଭ ହୋଇଛି ବର୍ଷା | ରହି ରହି ମୂଷଳଧାରାରେ ବର୍ଷା ହେଉଛି | ବର୍ଷା ସହିତ ପବନ ମଧ୍ୟ ବହୁଛି | ମୂଷଳଧାରା ବର୍ଷା ରେ ସାଧାରଣ ଜନ ଜୀବନ ଅସ୍ତ ବ୍ୟସ୍ତ ହୋଇ ପଡିଛି | ଲୋକେ ଘରୁ ବାହାରିବା ମଧ୍ୟ ମୁସ୍କିଲ୍ ହୋଇ ପଡିଛି | ରାସ୍ତା ଘାଟ ଶୂନ୍ଶାନ୍ ହୋଇ ପଡିଥିବା ବେଳେ ତଳି ଅଞ୍ଚଳରେ ବର୍ଷା ପାଣି ଜମିବା ଆରମ୍ଭ କରିଛି | ଅଧିକ ବର୍ଷା ହେଲେ ପରିସ୍ଥିତି ଆହୁରି ଖରାପ ହୋଇ ପଡିବାର ଆଶଙ୍କା କରିଛନ୍ତି ତଳି ଅଞ୍ଚଳ ର ଲୋକେ | ତେବେ ସହରର ତଳି ଅଞ୍ଚଳ ରୁ ଜଳ ନିଷ୍କାସନ ପାଇଁ କେନ୍ଦ୍ରାପଡ଼ା ନିଆଯାଇନାହିଁ | ଗରଦପୁର, କେନ୍ଦ୍ରାପଡା, ମାର୍ଶାଘାଇରେ ସର୍ବାଧିକ ବର୍ଷା ହୋଇଛି।ବାତ୍ୟା ଅଶ୍ରୟସ୍ଥଳରେ ଲୋକଙ୍କୁ ରନ୍ଧାଖାଦ୍ୟ ଦେବାକୁ ନିର୍ଦ୍ଦେଶ ଦିଆଯାଇଛି ।ପୌରଞ୍ଚଳରୁ ବର୍ଷାଜଳ ନିଷ୍କାସନ ପାଇଁ ୧୭ଟି ପମ୍ପ ନିୟୋଜିତ ହୋଇଛି। ଆବଶ୍ୟକ ସ୍ଥଳରେ ବସ୍ତିବସିନ୍ଦାଙ୍କୁ ରନ୍ଧାଖାଦ୍ୟ ଯୋଗାଇ ଦିଆଯିବ ବୋଲି ଜିଲ୍ଲାପାଳ ଦାଶରଥୀ ଶତପଥୀଙ୍କ ସୂଚନା ଦେଇଛନ୍ତି।