ଦିଲ୍ଲୀରେ କେଜ୍ରିୱାଲ ସରକାର : ଲଗାତର ତୃତୀୟ ଥର ମୁଖ୍ୟମନ୍ତ୍ରୀ ଭାବେ ଶପଥ ନେଲେ ଅରବିନ୍ଦ

Published By : Prameya-News7 Bureau | February 16, 2020 IST

ନୂଆଦିଲ୍ଲୀ ୧୬।୦୨: କେଜ୍ରିଓ୍ବାଲ ତୃତୀୟଥର ପାଇଁ ଦିଲ୍ଲୀର ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିଛନ୍ତି। ଦିଲ୍ଲୀର ଉପ ରାଜ୍ୟପାଳ ଅନୀଲ ବୈଜଲ ତାଙ୍କୁ ଓ ତାଙ୍କ ମନ୍ତ୍ରୀପରିଷଦର ୬ ଜଣ ସଦସ୍ୟଙ୍କୁ ପଦ ଏବଂ ଗୋପନୀୟତାର ଶପଥପାଠ କରାଇଛନ୍ତି। ଗତ ସରକାରରେ ମନ୍ତ୍ରୀ ଥିବା ସମସ୍ତଙ୍କୁ ନୂଆ ମନ୍ତ୍ରିମଣ୍ଡଳରେ ଶ୍ରୀ କେଜ୍ରିୱାଲ ସାମିଲ କରିଛନ୍ତି।  

wp:core-embed/twitter {"url":"https://twitter.com/ANI/status/1228937483284553728","type":"rich","providerNameSlug":"twitter","className":""}
https://twitter.com/ANI/status/1228937483284553728
/wp:core-embed/twitter

ମନୀଷ ସିଶୋଦିଆ, ସତ୍ୟେନ୍ଦ୍ର ଜୈନ, ଗୋପାଳ ରାୟ, ରାଜେନ୍ଦ୍ର ପାଲ ଗୌତମ, ଇମ୍ରାନ ହୁସେନ ଏବଂ କୈଳାସ ଗେହଲଟ ଆଜି ମନ୍ତ୍ରୀ ଭାବେ ଶପଥ ନେଇଛନ୍ତି। ରାମଲୀଲା ମୈଦାନରେ ବିଶାଳ ଜନସମାବେଶରେ ସେ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିଛନ୍ତି । ପରେ ସେ ସମବେତ ଜନତାଙ୍କୁ ଉଦବୋଧନ ଦେଇ ସମଗ୍ର ଦିଲ୍ଲୀ ତାଙ୍କର ପରିବାର ବୋଲି କହିଛନ୍ତି । ତେବେ ୨୦୧୩ରେ ପ୍ରଥମ ଥର ମାତ୍ର ୪୯ ଦିନ ପାଇଁ ମୁଖ୍ୟମନ୍ତ୍ରୀ ହୋଇଥିଲେ କେଜ୍ରିୱାଲ । ଦ୍ୱିତୀୟଥର ପାଇଁ ୨୦୧୫ରେ ପୂର୍ଣ୍ଣ ବହୁମତରେ ଆପ ସରକାର ଗଠନ କରିଥିଲା । ଚଳିତ ନିର୍ବାଚନରେ ପୁଣି ଆମ୍‍ ଆଦ୍‍ମୀ ପାର୍ଟି ମୋଟ୍‍ ୭୦ଟି ଆସନରୁ ୬୨ଟିରେ ବିଜୟୀ ହୋଇଛି ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.