ହାଇଦ୍ରାବାଦ, ୩/୧୦: NDAରେ ସାମିଲ ହେବାକୁ ଚାହୁଁଥିଲେ KCR। ମଙ୍ଗଳବାର ତେଲେଙ୍ଗାନାରେ ଏକ ସାଧାରଣ ସଭାକୁ ସମ୍ବୋଧିତ କରିବା ଅବସରରେ ଏକଥା କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ। ତେଲେଙ୍ଗାନା ବିଧାନସଭା ନିର୍ବାଚନ ପୂର୍ବରୁ ରେ ଏକ ରାଲି କରିଥିଲେ। ତେଲେଙ୍ଗାନାକୁ ଜଣେ ଗୁଜରାଟର ପୁଅ ସର୍ଦ୍ଦାର ଭାଲାଭଭାଇ ପଟେଲ ତେଲେଙ୍ଗାନାକୁ ସ୍ୱାଧୀନତା ପ୍ରଦାନ କରିଛନ୍ତି। ଆଉ ଏବେ ଦ୍ୱିତୀୟ ଗୁଜୁରାଟୀ ପୁଅ ବିକାଶ ପାଇଁ ଆସିଛି ବୋଲି ହାଇଦ୍ରାବାଦରେ ଅନୁଷ୍ଠିତ ରାଲିରେ କହିଛନ୍ତି ମୋଦୀ।

ଏହି ସମୟରେ ପ୍ରଧାନମନ୍ତ୍ରୀ ମୋଦୀ ତେଲେଙ୍ଗାନା ସିଏମ କେ ଚନ୍ଦ୍ରଶେଖର ରାଓ (କେସିଆର) ବିଷୟରେ ଏକ ଗୁରୁତ୍ୱପୂର୍ଣ୍ଣ କଥା କହିଛନ୍ତି। ମୋଦୀ କହିଛନ୍ତି ଯେ କେସିଆର ଏକ ସମୟରେ ବିଜେପି ନେତୃତ୍ୱାଧୀନ ସହଯୋଗୀ ଏନଡିଏରେ ଯୋଗଦେବାକୁ ଚାହୁଁଥିଲେ। କିନ୍ତୁ ପ୍ରଧାନମନ୍ତ୍ରୀ ନିଜେ ଏହାକୁ ପ୍ରତ୍ୟାଖ୍ୟାନ କରିଥିଲେ।

ମୋଦୀ କହିଛନ୍ତି ଯେ ‘ମୁଁ ଏକ ରହସ୍ୟ ଖୋଲିବାକୁ ଯାଉଛି। ଯେତେବେଳେ ହାଇଦ୍ରାବାଦ ମ୍ୟୁନିସିପାଲିଟି ନିର୍ବାଚନ ଅନୁଷ୍ଠିତ ହୋଇଥିଲା, ସେତେବେଳେ ବିଜେପି ୪୮ଟି ଆସନ ଜିତିଥିଲା। KCR ସମର୍ଥନର ଆବଶ୍ୟକତା ଥିଲା। ପୂର୍ବରୁ ସେ ମୋତେ ବହୁତ ସମ୍ମାନ କରୁଥିଲେ। ବିମାନ ବନ୍ଦରକୁ ଫୁଲମାଳ ନେଇ ଆସୁଥିଲେ। ବର୍ତ୍ତମାନ ସେ ରାଗିଛନ୍ତି। ସେ ମୋତେ ଦିଲ୍ଲୀରେ ଭେଟିବାକୁ ଆସିଥିଲେ, ତାଙ୍କର ଶ୍ରଦ୍ଧା ରହିଛି। ପ୍ରେମ ଦେଖାଇବା ତାଙ୍କ ଚରିତ୍ରରେ ନାହିଁ।’

ମୋଦୀ ଆହୁରି କହିଛନ୍ତି ଯେ ଏନ୍‌ଡିଏରେ ସାମିଲ କରିବାକୁ ସେମାନେ କହୁଥିଲେ।  ମୁଁ କହିଲି ଯେ ଆପଣ ଏପରି କାରନାମା, ମୋଦୀ ଆପଣଙ୍କ ସହିତ ରହିବ ନାହିଁ। ଆମେ ବିପକ୍ଷରେ ରହି ବସିପାରିବା କିନ୍ତୁ ତେଲେଙ୍ଗାନା ଜନତାଙ୍କ ଧୋକା ଦେବି ନାହିଁ। କେସିଆର୍‌ କହିଥିଲେ ଯେ ତାଙ୍କୁ ବୟସାଧିକ ହୋଇଗଲାଣି। ଏବେ ପୁଅ କେଟିଆର୍‌ ଆପଣଙ୍କ ସହିତ ଅଛନ୍ତି, ତାଙ୍କୁ ଆଶୀର୍ବାଦ ଦିଅନ୍ତୁ। ମୁଁ  କହିଲି ଯେ ଏଠି ଲୋକତନ୍ତ୍ର ଚାଲେ, ଆପଣ କେମିତି ଆପଣଙ୍କ ପୁଅ ଗାଦିରେ ବସାଉଛନ୍ତି ଦେଖିବାର ରହିଲା।

ପ୍ରଧାନମନ୍ତ୍ରୀ ମଧ୍ୟ କଂଗ୍ରେସକୁ ଟାର୍ଗେଟ କରିଥିଲେ। ସେ କହିଛନ୍ତି, “ବିଜେପି ସାଧାରଣ ଲୋକଙ୍କ ପାଇଁ କାମ କରେ। ତେଲେଙ୍ଗାନାର ଲୋକମାନେ ମଧ୍ୟ କଂଗ୍ରେସ ପ୍ରତି ସତର୍କ ରହିବା ଆବଶ୍ୟକ। ସମଗ୍ର ଦେଶ କଂଗ୍ରେସକୁ ପ୍ରତ୍ୟାଖ୍ୟାନ କରିଛନ୍ତି। କଂଗ୍ରେସ କ୍ଷମତାକୁ ଆସିବା ପରେ ଏହା ଫେରିବା କଷ୍ଟକର ହୋଇପଡିଛି। କଂଗ୍ରେସ ଭୋଟ୍ ବାଣ୍ଟିବାକୁ ଚେଷ୍ଟା କରୁଛି। ତେଲେଙ୍ଗାନାରେ BRSର ପରାଜୟ ନିଶ୍ଚିତ, ଏହାର ବିଦାୟ ନିଶ୍ଚିତ।