scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ମୁସଲିମଙ୍କ ପାଇଁ ଆଇଟି ପାର୍କ ଘୋଷଣା ଉପରେ କଂଗ୍ରେସ ନେତାଙ୍କ ଆପତ୍ତି, KCRଙ୍କୁ ଘେରିଲେ ଶିବକୁମାର

27/11/2023 at 6:00 PM

ନୂଆଦିଲ୍ଲୀ: ତେଲଙ୍ଗାନାରେ ସବୁ ରାଜନୀତିକ ଦଳ ପକ୍ଷରୁ ନିର୍ବାଚନୀ ଘୋଷଣା ଅଧିକ ହେବାରେ ଲାଗିଛି । ଏହାରି ଭିତରେ ମୁଖ୍ୟମନ୍ତ୍ରୀ କେସିଆର ମଧ୍ୟ କିଛି ଗୁରୁତ୍ୱପୂର୍ଣ୍ଣ ଘୋଷଣା କରିଛନ୍ତି । ଏଥିରେ ମୁସଲମାନଙ୍କ ପାଇଁ ଆଇଟି ପାର୍କ ସାମିଲ ରହିଛି । ଏହାକୁ ନେଇ ବରିଷ୍ଠ କଂଗ୍ରେସ ନେତା ଓ କର୍ଣ୍ଣାଟକ ଉପମୁଖ୍ୟମନ୍ତ୍ରୀ ଡିକେ ଶିବକୁମାର ଆପତ୍ତି ଉଠାଇଛନ୍ତି । ଡିକେ ଶିବକୁମାର ସ୍ପଷ୍ଟ ଶବ୍ଦରେ ପ୍ରଶ୍ନ କରିଛନ୍ତି ଯେ ଆପଣ ଏହା ଏପରି କରିପାରିବେ ? ଉଲ୍ଲେଖଯୋଗ୍ୟ ଯେ ତେଲଙ୍ଗାନାରେ ମୁସଲମାନଙ୍କୁ ନେଇ ରାଜନୀତି ବଢିଛି । ବିଜେପି ନିଜ ଘୋଷଣାରେ କହିଛି ଯେ ନିର୍ବାଚନ ଜିତିବା ପରେ ଏଠାରେ ମୁସଲମାନଙ୍କୁ ମିଳୁଥିବା ଚାରି ପ୍ରତିଶତ ସଂରକ୍ଷଣକୁ ଶେଷ କରି ଦେବ । ଅନ୍ୟପଟେ ବିଆରଏସ ଓ କଂଗ୍ରେସ ମୁସଲମାନଙ୍କ ପାଇଁ ଲୋଭନୀୟ ଘୋଷଣା କରିଛନ୍ତି ।

ପଢନ୍ତୁ: ‘ତେଲଙ୍ଗାନାକୁ ପ୍ରଥମ ଓବିସି ମୁଖ୍ୟମନ୍ତ୍ରୀ ଦେବ ବିଜେପି’, ନିର୍ବାଚନ ରାଲିରେ ପିଏମ୍ ମୋଦୀଙ୍କ ବଡ଼ ଘୋଷଣା

ତେଲଙ୍ଗାନାରେ କେସିଆର ଦ୍ୱାରା ମୁସଲମାନଙ୍କ ପାଇଁ ଅଲଗା ଆଇଟି ପାର୍କ ଘୋଷଣା ଉପରେ ଡିକେ ଶିବକୁମାର ଆପତ୍ତି ଉଠାଇଛନ୍ତି । ସେ ପ୍ରଶ୍ନ କରିଛନ୍ତି ଯେ ଆପଣ ସଂଖ୍ୟାଲଘୁଙ୍କ ପାଇଁ ଆଇଟି ପାର୍କ କିପରି କରିପାରିବେ ? ଦେଶରେ ଏପରି କୌଣସି ପଲିସି ଆସିଥିବା ମୁଁ ଆଜି ଯାଏ ଶୁଣିନି । ଆପଣ ଯୁବକଙ୍କ ପାଇଁ ଯୋଜନା କରିପାରିବେ, ମହିଳାଙ୍କ ପାଇଁ କରିପାରିବେ କିନ୍ତୁ ଆପଣ ଜାତି ଆଧାରରେ ଭେଦଭାବ କରିପାରିବେ ନାହିଁ । ଡିକେ କହିଛନ୍ତି, ଏହା ଦର୍ଶାଉଛି କେସିଆର କେତେ ଦୁର୍ବଳ ଅଟନ୍ତି ।  ସେ କହିଛନ୍ତି ଯେ ଆପଣ ସଂଖ୍ୟାଲଘୁ ଓ ଏସଟିଙ୍କୁ ଆଗକୁ ବଢାଇ ପାରିବେ, କିନ୍ତୁ ଆପଣ ସେମାନଙ୍କ ପାଇଁ ପାର୍କ କରିପାରିବେ ନାହିଁ ।

ବିଆଇଏସ ମୁଖିଆ ଓ ତେଲଙ୍ଗାନା ମୁଖ୍ୟମନ୍ତ୍ରୀ ଆଗାମୀ ନିର୍ବାଚନରେ ମୁସଲମାନଙ୍କୁ ନିଜ ଆଡକୁ ଟାଣିବା ପାଇଁ ପୂରା ପ୍ରସ୍ତୁତି କରି ରଖିଛନ୍ତି । ଏଥିପାଇଁ ସେ ଅନେକ ଲୋଭନୀୟ ଘୋଷଣା କରିଛନ୍ତି । ଉଲ୍ଲେଖଯୋଗ୍ୟ ଯେ ତେଲଙ୍ଗାନାରେ ବିଆରଏସର ମୁକାବିଲା ବିଜେପି ଓ କଂଗ୍ରେସ ସହ ରହିଛି ।

Also Read: ତେଲଙ୍ଗାନାରେ କଂଗ୍ରେସ-BRSର ଖେଳ ବିଗାଡ଼ିବ ବିଜେପି, ତ୍ରିକୋଣୀୟ ନିର୍ବାଚନ ନେଇ ଅନୁମାନ

   Related Posts