ନୂଆଦିଲ୍ଲୀ: ପରିଶ୍ରମର ଫଳ ବୃଥା ଯାଏନା। ନିଷ୍ଠା ଓ କର୍ତ୍ତବ୍ୟ ଜଣେ ପ୍ରତିଯୋଗୀକୁ ସଫଳତାର ଶୀର୍ଷରେ ପହଞ୍ଚାଇଥାଏ।  ମାଆ କୁଲି ହେଲେ ଝିଅ ଦେଶ ପାଇଁ ଆଣିଛନ୍ତି। ବିଶ୍ୱ ଦରବାରରେ ଚମକିଲେ ତାମିଲନାଡୁର ଝିଅ କସ୍ତୁରୀ ରାଜମୂର୍ତ୍ତୀ। ତାଙ୍କ 52 ବର୍ଷୀୟା ବୟସ୍କା ମାଆ ତିରୁବନନାମାଲାଇ ରେଳ ଷ୍ଟେସନରେ କୁଲି ଭାବରେ କାର୍ଯ୍ୟ କରନ୍ତି। ପିଲାଦିନୁ ହିଁ ମୁଣ୍ଡରେ ଭାରୀ ଲଗେଜ୍ ନେବାର ଦେଖନ୍ତି କସ୍ତୁରୀ। ସେ ମଧ୍ୟ ତାଙ୍କ ମା’ଙ୍କୁ ସାହାଯ୍ୟ କରିବାକୁ ଆଗକୁ ଯାଇଥିଲେ। ଅନେକ ଥର ସେ ରେଳ ଷ୍ଟେସନ ବାହାରେ ଭାରୀ ଲଗେଜ୍ ନେଇଥଲେ। କସ୍ତୁରୀ ସେତେବେଳେ ଭାବି ନଥିଲେ ଯେ ଓଜନ ଉଠାଇବା ବଦଳରେ ମିଳୁଥିବା ପାରିଶ୍ରମିକ ତାଙ୍କୁ ଏତେ ଆଗକୁ ନେଇଯିବ। 

ଶୁକ୍ରବାର ଋଷର ନୋଭୋସିବିରସ୍କରେ ଅନୁଷ୍ଠିତ WPPL ବିଶ୍ୱକପରେ ପାୱାରଲିଫ୍ଟରେ ସ୍ୱର୍ଣ୍ଣ ପଦକ ଜିତିଛନ୍ତି। ୨୦ ବର୍ଷୀୟ କସ୍ତୁରୀ ଘରକୁ ଫେରିବା ପରେ ଏବେ ଉତ୍ସବର ମାହୋଲ। କୁଲି ମାଆଙ୍କ ଆଖିରୁ ଝରିପଡୁଥିବା ଖୁସିର ଲୁହକୁ ଦେଖି ଭାବପ୍ରବଣ ହୋଇ ବହୁତ କାନ୍ଦି ପକାଇଥିଲେ ଝିଅ।

ଗତ ରବିବାର, କସ୍ତୁରୀ ୪୮ କେଜି ବର୍ଗରେ ୭୫ କିଲୋଗ୍ରାମ ଡେଡଲିଫ୍ଟ ଏବଂ 55 କିଲୋଗ୍ରାମ ସ୍କ୍ୱାଟ କରିଥିଲେ। ଯେତେବେଳେ କସ୍ତୁରୀଙ୍କୁ ଏତେ ସହଜରେ ଓଜନ ଉଠାଇବା ବିଷୟରେ ପଚରାଗଲା, ସେ ଏପରି କଥା କହିଥିଲେ ଯେ ସମସ୍ତେ ଭାବପ୍ରବଣ ହୋଇଯାଇଥିଲେ।

କସ୍ତୁରୀ କହିଛନ୍ତି, 'ଯେତେବେଳେ ମୁଁ ପ୍ରତିଯୋଗିତାରେ ଭାରତ୍ତୋଳନ କରିବାକୁ ଯାଉଥିଲି, ସେତେବେଳେ ମୁଁ ଭାବିଲି ମା ’ରେଳ ଷ୍ଟେସନରେ ସେହି ବ୍ୟାଗଗୁଡ଼ିକୁ ଉଠାଉଛନ୍ତି। ହଠାତ୍ ମୋ ଓଜନ ହାଲୁକା ହୋଇଗଲା। ମୋ ମା ହେଉଛି ମୋର ପ୍ରେରଣା। ସେ କଠିନ ପରିଶ୍ରମ ଜାରି ରଖିଛନ୍ତି। ମୁଁ ଅଧିକ ପଦକ ଜିତିବାକୁ ଚାହୁଁଛି ଯାହାଦ୍ୱାରା ସେ ଭାରୀ ଲଗେଜ୍ ନେବା ବନ୍ଦ କରିପାରିବେ। କସ୍ତୁରୀ କହିଛନ୍ତି ଯେ ସେ ଜିତିବାକୁ ଆଶା କରିନାହାନ୍ତି। ସେ କହିଛନ୍ତି, 'ଯେତେବେଳେ ମୁଁ ମୋର ନାମ ଶୁଣିଲି, ସେତେବେଳେ ମୋତେ ହାଲୁକା ଲାଗିଲା। ଏଠାରେ ପହଞ୍ଚିବା ମୋର ଯାତ୍ରା ବହୁତ କଷ୍ଟସାଧ୍ୟ ଥିଲା।

ତିରୁବନନାମଲାଇ ଜିଲ୍ଲାର ଏକ ଛୋଟ ସହରରେ ବଢ଼ିଥିଲେ। କସ୍ତୁରୀ ତାଙ୍କ ସ୍କୁଲ ଫୁଟବଲ ଟିମ୍ ପାଇଁ ଷ୍ଟ୍ରାଇକର ଭାବରେ ଖେଳି ଟାଇଟଲ ଜିତିଥିଲେ। ସେ ଚେନ୍ନାଇର ଇଥିରାଜ କଲେଜରେ ଖେଳିବା ଜାରି ରଖିଥିଲେ, କିନ୍ତୁ ପୁଡୁଚେରୀରେ ଏକ ଜାତୀୟ ତାଲିମ ଶିବିରରେ ଯୋଗ ଦେଇଥିଲେ। ସେ କହିଛନ୍ତି, 'ମୁଁ ଅନୁଭବ କଲି ଯେ ଦଳ ଖେଳ ମୋତେ ମାନସିକ ସ୍ତରରେ କ୍ଲାନ୍ତ କରିଥାଏ। ମୁଁ ଯେତେ ଗୋଲ ସ୍କୋର କଲେ ବି  ମୋତେ ଆତ୍ମସନ୍ତୋଷ ଲାଗେନି।

କସ୍ତୁରୀ ୨୦୨୩ରେ ପାୱାରଲିଫ୍ଟର ରାସ୍ତାକୁ ବାଛିଥିଲେ। କୋଟୁରପୁରମରେ ସ୍ଥାନୀୟ କୋଚ୍‌ଙ୍କ ଅଧୀନରେ ତାଲିମ, ଫୁଟବଲ୍ ଅଭ୍ୟାସ, କଲେଜ କ୍ଲାସ୍ ଏବଂ ପାୱାରଲିଫ୍ଟ ଟ୍ରେନିଂର ଏକ କଠୋର କାର୍ଯ୍ୟସୂଚୀକୁ ସନ୍ତୁଳିତ କରିଥିଲେ। କସ୍ତୁରୀ ଉନ୍ନତ ପ୍ରଦର୍ଶନ ପାଇଁ ଉଦ୍ୟମ ଜାରି ରଖିଥିଲେ। ଗୋଟିଏ ବର୍ଷ ମଧ୍ୟରେ ସେ ଜିଲ୍ଲା ଟୁର୍ଣ୍ଣାମେଣ୍ଟରେ ୩୬ଟି ପଦକ ଜିତିଥିଲେ।

ଏହା ପୂର୍ବରୁ ସେ ୟୁରୋପରେ ପ୍ରତିଦ୍ୱନ୍ଦ୍ୱିତା କରିବାର ସୁଯୋଗ ହରାଇଥିଲେ। ସେ କହିଛନ୍ତି, 'ମୋର ଭିସା ଆବେଦନ କରିବାକୁ ଟଙ୍କା ନଥିଲା। ମୁଁ ଆମର ବିଧାୟକଙ୍କ ସହ ଯୋଗାଯୋଗ କଲି, ଯିଏ ମୋତେ ୨୫ ହଜାର ଟଙ୍କା ଦେଇଥିଲେ, କିନ୍ତୁ ପ୍ରତିଯୋଗିତା ବାତିଲ ହୋଇଗଲା। ନୋଭୋସିବିରସ୍କ ଟୁର୍ଣ୍ଣାମେଣ୍ଟ ତାଙ୍କୁ ଦ୍ୱିତୀୟ ସୁଯୋଗ ଦେଇଥିଲା। ସେ ଏହି ସୁଯୋଗର ସୁଯୋଗ ନେଇ ଭାରତୀୟ ପାୱାରଲିଫ୍ଟ ଫେଡେରେସନ୍ ସହଯୋଗରେ ଯାଇଥିଲେ।