କେନ୍ଦୁଝର ୧୯।୦୩: ସାରାବିଶ୍ବରେ କରୋନା ଭାଇରସ ଚିନ୍ତାଜନକ ରହିଛି । ବର୍ତ୍ତମାନ ସୁଦ୍ଧା କରୋନାରେ ୮ହଜାର ଲୋକଙ୍କ ମୃତ୍ୟୁ ହୋଇଥିବା ବେଲେ ୨ଲକ୍ଷରୁ ଅଧିକ ଲୋକ ଆକ୍ରାନ୍ତ ହୋଇ ଚିକିତ୍ସିତ ହେଉଛନ୍ତି । ବିଶ୍ବର ୧୭ରୁ ଅଧିକ ଦେଶକୁ ବ୍ୟାପିସାରିଲାଣି ମାରାତ୍ମକ ଭୂତାଣୁ କରୋନା । ଭାରତରେ କରୋନା ମୁକାବିଲା ନେଇ ବିଭିନ୍ନ ପଦକ୍ଷେପ ନିଆଯାଉଛି । ରାଜ୍ୟରେ ମଧ୍ୟରେ ଅନେକ ସଚେତନାତ କାର୍ଯ୍ୟକ୍ରମ କରାଯାଉଛି । ସେହିପରି କେନ୍ଦୁଝର ଜିଲ୍ଲାପଳ ଆଶିଷ ଠାକରେ ବିଭିନ୍ନ ଧାର୍ମିକ ଅନୁଷ୍ଠାନର କର୍ମକର୍ତ୍ତାମାନଙ୍କୁ ନେଇ ଏକ ବୈଠକ ଡାକିଛନ୍ତି । କରୋନା ପ୍ରତିରୋଧ କରିବା ଦିଗରେ ଏହି ସବୁ ବ୍ୟକ୍ତିମାନଙ୍କ ସହଯୋଗ ଲୋଡିଛନ୍ତି ।
{"id":240803,"sizeSlug":"large"}
ଆଜି ଜିଲ୍ଲାପାଳ ଙ୍କ ଦରବାର ହଲ୍ଠାରେ ଜିଲ୍ଲାପାଳ ଶ୍ରୀ ଠାକରେଙ୍କ ଅଧ୍ୟକ୍ଷତାରେ ବିଭିନ୍ନ ଧାର୍ମିକ ଅନୁଷ୍ଠାନର କର୍ମକର୍ତ।ଙ୍କ ସହ ଏକ ବୈଠକ ଅନୁଷ୍ଠିତ ହୋଇଯାଇଛି। ବୈଠକରେ ଘାତକ କରୋନା ଭାଇରସ୍ କୋଭିଡ୍-19ର ପ୍ରତିରୋଧ ପାଇଁ ରାଜ୍ୟ ସରକାର ଏବଂ ସ୍ବାସ୍ଥ୍ୟ ବିଭାଗର ନିର୍ଦ୍ଦଶୋବଳୀ ସମ୍ପର୍କରେ ଅବଗତ କରାଇଛନ୍ତି । ଏହି ସବୁ ନିୟମକୁ ଅନୁପାଳନ କରିବା ପାଇଁ କହିଛନ୍ତି । ବିଭିନ୍ନ ସ୍ଥାନମାନଙ୍କରେ ସିଆରପିସିର 144 ଧାରା ଜାରି କରାଯାଇଛି । ମନ୍ଦିର, ମସ୍ଜିଦ୍, ଚର୍ଚ୍ଚ, ଗୁରୁଦ୍ବାର ଓ ଅନ୍ୟାନ୍ୟ ଧାର୍ମିକସ୍ଥଳ ମାନଙ୍କରେ ସାମାଜିକ ଦୂରତା ବଜାୟ ରଖିବା ସହ ଜନସମାଗମ ବାରଣ ପାଇଁ ବିହିତ ପଦକ୍ଷେପ ନେବାକୁ ଧାର୍ମିକ ଅନୁଷ୍ଠାନର କର୍ମକର୍ତ।ଙ୍କୁ କହିଛନ୍ତି । ଏ ଦିଗରେ ଧାର୍ମିକ ଅନୁଷ୍ଠାନମାନଙ୍କର କର୍ତୃପକ୍ଷ ମଧ୍ୟ ସଚେତନତା ସୃଷ୍ଟି କରିବାକୁ ଅନୁରୋଧ କରିଛନ୍ତି । ଜିଲ୍ଲାରେ ତଥା ରାଜ୍ୟରେ କୋରୋନା ଭାଇରସ୍ ସଂକ୍ରମଣ ପ୍ରତିରୋଧ ପାଇଁ ବର୍ତମାନ ସମୟ ଅତି ଗୁରୁତ୍ବପୂର୍ଣ୍ଣ।
{"id":240804,"sizeSlug":"large"}
ଏଣୁ ସଂକ୍ରମଣରୁ ରକ୍ଷା ପାଇବା ପାଇଁ ଜନସାଧାରଣ ଜନଗହଳିଠାରୁ ଦୂରେଇ ରହିବାକୁ ପରାମର୍ଶ ଦିଆଯାଇଛି। ଧାର୍ମିକ ଅନୁଷ୍ଠାନମାନଙ୍କରେ ଜନସମାଗମକୁ ବାରଣ କରାଯାଇଛି ବୋଲି ଜିଲ୍ଲାପାଳ ସୂଚନା ଦେଇଛନ୍ତି । ଧାର୍ମିକ ଅନୁଷ୍ଠାନମାନଙ୍କର ଏ ଦିଗରେ ଗୁରୁଦାୟିତ୍ବ ରହିଛି ବୋଲି କହିଛନ୍ତି । ଯଦି ଧାର୍ମିକ ଅନୁଷ୍ଠାନମାନଙ୍କୁ ଲୋକ ଆସନ୍ତି, ତେବେ ଆବଶ୍ୟକୀୟ ପ୍ରତିଷେଧକ ବ୍ୟବସ୍ଥା ଯଥା- ଧାଡ଼ିରେ ୧ ମିଟରରୁ ଅଧିକ ଦୂରତାରେ ଛିଡ଼ା ହେବା, ମୁହଁରେ ମାସ୍କ ପିନ୍ଧିବା, ପରିସରର ପ୍ରବେଶ ଦ୍ବାରରେ ସାବୁନ,ସାନିଟାଇଜରରେ ଭଲ ଭାବେ ହାତ ଓ ପାଦ ଧୋଇବା, ଧାର୍ମିକ ଅନୁଷ୍ଠାନର କୌଣସି ଜିନିଷ ନ ଛୁଇଁବା, ହାତରେ ପ୍ରସାଦ ନ ଦେଇ ବିକଳ୍ପ ବ୍ୟବସ୍ଥା ଗ୍ରହଣ କରିବା, ଜ୍ବର, କାଶ, ଥଣ୍ଡାରେ ଆକ୍ରାନ୍ତ ବ୍ୟକ୍ତିଙ୍କୁ ଧାର୍ମିକ ଅନୁଷ୍ଠାନ ପରିସରକୁ ପ୍ରବେଶ ପାଇଁ ଅନୁମତି ନ ଦେବା, ଧାର୍ମିକ ଅନୁଷ୍ଠାନକୁ ହାଇପୋକ୍ଲୋରାଇଟ୍ ଦ୍ରବଣରେ ୨ ଘଣ୍ଟା ଅନ୍ତରରେ ଭଲ ଭାବେ ସଫା କରିବା ଇତ୍ୟାଦି ପ୍ରତିଷେଧକ ବ୍ୟବସ୍ଥା ଗ୍ରହଣ କରିବା ପାଇଁ ପଦକ୍ଷେପ ନେବାକୁ କୁହାଯାଇଛି।
