ନୂଆଦିଲ୍ଲୀ: କର୍ଣ୍ଣାଟକର ଜଣେ ୫୨ ବର୍ଷୀୟ ମହିଳା ସାର୍ବଜନୀନ ସ୍ଥାନରେ ଶୌଚାଳୟ ନଥିବା ବିଷୟରେ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ଚିଠି ଲେଖିଛନ୍ତି । ଏହାସହ ଚିକ୍କାମଙ୍ଗଲୁର ଜିଲ୍ଲାର ପର୍ଯ୍ୟଟନ ସ୍ଥଳୀରେ ସାର୍ବଜନୀନ ଶୌଚାଳୟ ନଥିବା କାରଣରୁ ସେ ଯେଉଁ ଅସୁବିଧାର ସମ୍ମୁଖୀନ ହୋଇଛନ୍ତି ତାହା ଚିଠିରେ ଉଲ୍ଲେଖ କରିଛନ୍ତି ।

ଜଡେମ୍ମା ନାମକ ଜଣେ ମହିଳା କିଛି ଦିନ ତଳେ ଚିକ୍କମଗଲୁରୁ ଜିଲ୍ଲାର ବାବାବୁଦନଗିରି, ମୁଲ୍ଲାଇୟାନଗିରି ଏବଂ ସୀତାଲ୍ୟାୟନଗିରି ପରି ଧାର୍ମିକସ୍ଥଳୀ ବୁଲି ଯାଇଥିଲେ । ଏହି ସମୟରେ ସେଠାରେ ଯେଉଁ ଅସବୁଧାର ସମ୍ମୁଖୀନ ହେଲେ ସେ ବାବାଦରେ ରାଷ୍ଟ୍ରପତିଙ୍କୁ ଚିଠି ଲେଖିଛନ୍ତି । ଏହାସହ ପର୍ଯ୍ୟଟନ ସ୍ଥଳୀରେ ସାର୍ବଜନୀନ ଶୌଚାଳୟ ନିର୍ମାଣ ପାଇଁ ଅପିଲ୍ କରିଛନ୍ତି । ଏହାଦ୍ୱାରା ଅଧିକ ଯାତ୍ରୀ ଏଠାକୁ ଆସିପାରିବେ ବୋଲି ସେ ଲେଖିଛନ୍ତି ।

ମହିଳା ଜଣଙ୍କ ଚିଠିରେ ଲେଖିଛନ୍ତି, 'ନିକଟରେ ବାବାବୁଦନଗିରି, ମୁଲ୍ଲାଇୟାନଗିରି ଏବଂ ସୀତାଲ୍ୟାୟନଗିରି ପରି ହିନ୍ଦୁ ତୀର୍ଥସ୍ଥଳୀ ପରିଦର୍ଶନରେ ଯାଇଥିଲି । ବାବାବୁଦନଗିରିରେ ଶୌଚାଳୟର ତତ୍କାଳ ଆବଶ୍ୟକତାକୁ ଅନୁଭବ କରିଥିଲି, କିନ୍ତୁ ଶୌଚାଳୟ ମିଳି ନଥିଲା । ଆଗ୍ରହକୁ ଚାପି, ମୁଲ୍ଲାଇୟାନଗିରି ପାହାଡ଼ ଚଢିଥିଲି । ସେଠାରେ ମଧ୍ୟ ଶୌଚାଳୟ ଖୋଜିଥିଲି କିନ୍ତୁ ମୋର ଉଦ୍ୟମ ବ୍ୟର୍ଥ ଥିଲା ।

ପଢନ୍ତୁ: AIରୁ ଚାକିରିକୁ କୌଣସି ବିପଦ ନାହିଁ, ଏପରି କରିବୁ ନିୟନ୍ତ୍ରଣ: କେନ୍ଦ୍ରମନ୍ତ୍ରୀ

ମହିଳା ଜଣଙ୍କ ଲେଖିଛନ୍ତି, 'ପରେ ସୀତାଲ୍ୟାୟନଗିରି ପାହାଡ଼ ଚଢିଥିଲି । ସେତେବେଳ ଆଉ ନିୟନ୍ତ୍ରଣ କରିହେଉ ନଥିଲା । ଶୌଚାଳୟ ଖୋଜିବା ସତ୍ତ୍ୱେ ଗୋଟିଏ ବି ପାଇଲି ନାହିଁ । ଆଉ ଅଧିକ ସହିବାରେ ଅସମର୍ଥ ହୋଇ ସାର୍ବଜନୀନ ସ୍ଥାନରେ ପରିସ୍ରା କରିବା ଛଡ଼ା ମୋ ପାଖରେ ଅନ୍ୟ କୌଣସି ବିକଳ୍ପ ନଥିଲା'।

ଏଥିସହ ମହିଳା ଜଣଙ୍କ ଏହା ମଧ୍ୟ ଲେଖିଛନ୍ତି, 'ପ୍ରତିଦିନ, ଲୋକମାନେ ଧାର୍ମିକ ସଂଘର୍ଷ ଏବଂ ବିତର୍କରେ ସାମିଲ ହେଉଛନ୍ତି । କିନ୍ତୁ ଶୌଚାଳୟ ନିର୍ମାଣରେ ସେମାନଙ୍କ ଅବହେଳା ଦୁର୍ଭାଗ୍ୟଜନକ ଅଟେ' ।

Also Read: ଭାରତର ସୁବୁଠୁ ସୁନ୍ଦର ଗାଁ, ପ୍ରାକୃତିକ ସୌନ୍ଦର୍ଯ୍ୟର ମଜା ଉଠାନ୍ତି ପର୍ଯ୍ୟଟକ