scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ପିତା-ପୁତ୍ର ସମ୍ପର୍କ ରକ୍ତର ଛିଟା, କର୍ଣ୍ଣାଟକରେ ବାପାକୁ ହତ୍ୟା କରି ୩୨ ଖଣ୍ଡ କଲା ପୁଅ

13/12/2022 at 3:41 PM

ବେଙ୍ଗାଳୁରୁ: ଦିଲ୍ଲୀ ମେହରୁଳି ଶ୍ରଦ୍ଧା ଓ୍ବାକର ମର୍ଡର ପରେ ଆଉ ଏକ ହତ୍ୟା । ଏଠି ସମ୍ପର୍କରେ ଲାଗିଛି ରକ୍ତର ଛିଟା । ପିତା-ପୁତ୍ର ସମ୍ପର୍କ ଭୁଲି ଯାଇଛି ପୁଅ । ବାପାକୁ ହତ୍ୟା କରିବା ପରେ ମୃତଦେହକୁ ୩୨ଖଣ୍ଡ କରି ବୋରଓ୍ବେଲରେ ଫିଙ୍ଗି ଦେଇଥିଲା ଜହ୍ଲାଦ ପୁଅ । ଏଭଳି ଜଘନ୍ୟ ହତ୍ୟାକାଣ୍ଡ ବେଙ୍ଗାଳୁରରୁ ସାମ୍ନାକୁ ଆସିଛି । ପୋଲିସ ଅଭିଯୁକ୍ତକୁ ଗିରଫ କରିବା ପରେ ସତ ଉଗାରିଛି ଅଭିଯୁକ୍ତ ।

କର୍ଣ୍ଣାଟକର ବାଗଲକୋଟ୍ ପୋଲିସ ଏହି ହତ୍ୟାକାଣ୍ଡର ଖୁଲାସା କରିଛି ।  ଅଭିଯୁକ୍ତ ବିଠଲା କୁଲାଲି ନିଜ ବାପାକୁ ହତ୍ୟା କରିଛି । ଡିସେମ୍ବର ୬ ତାରିଖରେ ବାପା ଓ ପୁଅ ମଧ୍ୟରେ ଝଗଡ଼ ହୋଇଥିଲା । ବିଠଲା ଉତ୍ତେଜିତ ହୋଇ ବାପା ପର୍ଶୁରାମକୁ ଏକ ଲୁହା ରଡରେ ଆକ୍ରମଣ କରିଥିଲା । ମୁଣ୍ଡରେ ଗଭୀର ଆଘାତ ଲାଗିବାରୁ ପର୍ଶୁରାମଙ୍କ ଘଟଣାସ୍ଥଳରେ ମୃତ୍ୟୁ ହୋଇଥିଲା । ପରେ ମୃତଦେହକୁ ୩୨ଖଣ୍ଡ କରି ବାଗଲକୋଟ୍‌ର ମୁଧଲ ଅଞ୍ଚଳର ଏକ କ୍ଷେତରେ ଖୋଳାଯାଇଥିବା ବୋରଓ୍ବେଲ ଭିତରେ ଫିଙ୍ଗି ଦେଇଥିଲା । ପୋଲିସ ବୋଲଓ୍ବେଲ ଭିତରୁ ପର୍ଶୁରାମଙ୍କ ଦଣ୍ଡବିଖଣ୍ଡିତ ଅଂଶକୁ ଜବତ କରିଛି ।

ଅଭିଯୁକ୍ତ ବିଠଲା କହିବା ଅନୁଯାୟୀ, ବାପା ପର୍ଶୁରାମ ତାଙ୍କୁ ନିର୍ଯାତନା ଦେଉଥିଲେ । ପ୍ରତି ନିଶାସକ୍ତ ଅବସ୍ଥାରେ ଗାଳିଗୁଲଜ କରୁଥିଲେ । ଡିସେମ୍ବର ୬ତାରିଖରେ ନିର୍ଯାତନା ସହିନପାରି ବାପାଙ୍କୁ ହତ୍ୟା କରିଥିବା କହିଛି ବିଠାଲ୍ । ଅନ୍ୟପଟେ ପୋଲିସ୍ ଅଭିଯୁକ୍ତକୁ ବିଚାର ବିଭାଗୀୟ ହାଜତରେ ରଖି ଅଧିକ ତଦନ୍ତ ଚଳାଇଛି ।

   Related Posts