କର୍ଣ୍ମାଟକ ବିଧାନସଭା ନିର୍ବାଚନ ଅନେକ ଦୃଷ୍ଟିରୁ ରେକର୍ଡର ହକଦାର । ୧୯୫୨ ପରଠୁ କୌଣସି ଭୋଟରେ ଏତେ ସଂଖ୍ୟକ ମତଦାନ ହୋଇନଥିଲା । ଚଳିତଥର ୭୨.୪ ପ୍ରତିଶତ ଭୋଟିଂ ହୋଇଥିଲା । ତେୂବେ ଏଥର ପ୍ରଚାର ବି ହୋଇଥିଲା ସବୁଠୁ ବେଶି ହାଇ ପ୍ରୋଫାଇଲ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, କେନ୍ଦ୍ର କ୍ୟାବିନେଟ୍ର ଏନେକ ସଦସ୍ୟ, ବିଜେପି ସଭାପତି ଅମିତ ଶାହାଙ୍କ ସହ ବିଜେପି ଶାସିତ ରାଜ୍ୟର ମୁଖ୍ୟମନ୍ତ୍ରୀ ମାନେ ଏନେକ ସଭା ସହ ରାଲି କରିଥିଲେ । ସେହି ତୁଳନାରେ କିନ୍ତୁ କଂଗ୍ରେସ ପ୍ରଚାର ଟିକେ କମ୍ ଥିଲେ ବି ଜୋରଦାର ଥିଲା । କଂଗ୍ରେସର ଷ୍ଟାର ପ୍ରଚାରକ ରାହୁଲ ଗାନ୍ଧି ପ୍ରଚାର ରାଲି ସହ ରାଜ୍ୟ ସାରା ସଭା କରିଥିଲେ ।ସିଦ୍ଧରମୈୟା ବି ପ୍ରଚାରରର କିଛି ବି ଚାନ୍ସ ଛାଡିନଥିଲେ । ରାଜନେତାଙ୍କ ମନ୍ଦିର ଦର୍ଶନ , ପୂଜାର୍ଚ୍ଚନା, ଗୋ ପୂଜା ଆଦି ବି ଥିଲା ଚର୍ଚ୍ଚାରେ ।ଏକାଧିକ ବିକାଶ ଯୋଜନା କରିଥିବା ସିଦ୍ଦରମୈୟା ସେହି ଆଧାରରେ ବିଜୟ ଆଶା ରଖିଥିଲେ । କିନ୍ତୁ ଜ୍ୟୋତିଶଙ୍କ ଉପରେ ଅଧିକ ଭରସା ରଖୁଥିବା ୟେଦୁରାପ୍ପା ବୋଧହୁଏ ଭୋଟରଙ୍କ ମତ ପରିବର୍ତ୍ତନର ସୂଚନା ପାଇଥିଲେ । ସେଥିଲାଗି ସେ ଆଗୁଆ ଶପଥ ଗ୍ରହଣର ତାରିଖ ବି କହୁଥିଲେ । କର୍ଣ୍ମାଟକ ରେଜଲ୍ଟ ଆଉ ଯାହା ପ୍ରଭାବ ରଖୁ ନରଖୁ କିନ୍ତୁ ୨୦୧୯ ରଣନୀତି ପାଇଁ ସବୁ ଦଳକୁ ଏକ କେଶ୍ ଷ୍ଟଡି ହେବ ନିଶ୍ଚୟ ।