scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

କରୋନା ବିଗାଡ଼ୁଛି ସ୍ଥିତି ! କର୍ଣ୍ଣାଟକ ରାଜ୍ୟପାଳ ସଂକ୍ରମିତ; ଏହି ଲୋକଙ୍କ ପାଇଁ ଟେଷ୍ଟିଂ ବାଧ୍ୟତାମୂଳକ

9/01/2024 at 9:17 PM

ନୂଆଦିଲ୍ଲୀ: କରୋନାର ନୂଆ ଭାରିଆଣ୍ଟ ଜେଏନ.୧ ଦେଶରେ ପୁଣି ଥରେ ସଂକ୍ରମିତ ସଂଖ୍ୟାକୁ ବଢାଇଛି । ସରକାରୀ ଡାଟା ଅନୁସାରେ ଦେଶରେ ସୋମବାର ସୁଦ୍ଧା ୧୨ ରାଜ୍ୟରୁ କରୋନା ସଂକ୍ରମଣର ନୂଆ ଭାରିଆଣ୍ଟ ଜେଏନ.୧ର ମୋଟ ୮୧୯ ମାମଲା ଚିହ୍ନଟ ହୋଇଛି । ଏହାରି ଭିତରେ କର୍ଣ୍ଣାଟକ ରାଜ୍ୟପାଳ ଥାବରଚନ୍ଦ ଗେହଲୋତ କରୋନା ସଂକ୍ରମିତ ହୋଇଥିବା ଖବର ମିଡିଆ ରିପୋର୍ଟରେ ସାମନାକୁ ଆସିଛି । ଏଏନଆଇ ରିପୋର୍ଟ ଅନୁସାରେ, ସେ ନିଜ ବାସଭବନରେ କ୍ୱାରେଣ୍ଟାଇନରେ ଅଛନ୍ତି ।

ସମାଚାର ଏଜେନ୍ସି ଏଏନଆଇ ଅନୁସାରେ, କର୍ଣ୍ଣାଟକ ରାଜ୍ୟପାଳ ଥାବରଚନ୍ଦ୍ର ଗେହଲୋତ କରୋନା ସଂକ୍ରମିତ ହୋଇଛନ୍ତି । ସେ ନିଜକୁ ରାଜଭବନରେ କ୍ୱାରେଣ୍ଟାଇନରେ ରଖିଛନ୍ତି । ଅନ୍ୟପଟେ ରାଜ୍ୟରେ କରୋନା ସଂକ୍ରମିତଙ୍କ ସଂଖ୍ୟା ବଢିବା ପରେ ସରକାରଙ୍କ ଚିନ୍ତା ବଢିଛି । ସାର୍ବାଜାନୀନ ସ୍ଥାନରେ ମାସ୍କ ପିନ୍ଧିବାକୁ ସରକାର ପୂର୍ବରୁ ବାଧ୍ୟତାମୂଳକ କରିଥିଲେ । ଏବେ ନୂଆ ଗାଇଡଲାଇନ୍ ଜାରି କରି ସରକାରଙ୍କୁ ସହଯୋଗ କରିବା ପାଇଁ ଲୋକଙ୍କୁ ଅପିଲ୍ କରିଛନ୍ତି ।

ପଢନ୍ତୁ: କରୋନା ଆକ୍ରାନ୍ତ ବଢ଼ିବା ପରେ ଆଲର୍ଟ, ଟେଷ୍ଟିଂ ଓ ସର୍ଭିଲାନ୍ସ ବଢ଼ାଇବାକୁ ପରାମର୍ଶ

କର୍ଣ୍ଣାଟକ ସରକାରଙ୍କ ଦ୍ୱାରା ଜାରି ଆଦେଶରେ କରୋନା ଟେଷ୍ଟିଂକୁ ବାଧ୍ୟତାମୂଳକ କରାଯାଇଛି । ରାଜ୍ୟର ସ୍ୱାସ୍ଥ୍ୟ ମନ୍ତ୍ରୀ ଦିନେଶ ଗୁଣ୍ଡୁ କହିଛନ୍ତି ଯେ କର୍ଣ୍ଣାଟକରେ ଇନଫ୍ଲୁଏଞ୍ଜା ପରି ରୋଗ ଏବଂ ଗୁରୁତର ଶ୍ୱାସ ରୋଗୀଙ୍କ ପାଇଁ କରୋନା ପରୀକ୍ଷଣ ବାଧ୍ୟତାମୂଳକ କରାଯାଇଛି । ଏହାସହ ହେଲ୍ପଲାଇନ ନମ୍ୱର ଜାରି କରାଯାଇଛି । ସ୍ୱାସ୍ଥ୍ୟ ବିଭାଗର ଅଧିକାରୀଙ୍କ ସହ ବୈଠକ ପରେ ମନ୍ତ୍ରୀ କହିଛନ୍ତି, ‘ପ୍ରତିଦିନ ୭୦୦୦ରୁ ଅଧିକ ପରୀକ୍ଷଣ କରାଯାଉଛି ଏବଂ ରାଜ୍ୟରେ ଭୟର କୌଣସି ସ୍ଥିତି ନାହିଁ’।

   Related Posts