scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

କର୍ଣ୍ଣାଟକରେ ପ୍ରଧାନମନ୍ତ୍ରୀଙ୍କ ମେଗା ରୋଡ୍ ଶୋ’; ୧୩ଟି ବିଧାନସଭା କ୍ଷେତ୍ର ଦେଇ ଯିବ କ୍ୟାମ୍ପେନ

6/05/2023 at 1:52 PM

ବେଙ୍ଗାଲୁରୁ: କର୍ଣ୍ଣାଟକ ବିଧାନସଭା ନିର୍ବାଚନ ପାଇଁ ରାଜନୈତିକ ପାରା ହାଇ ହୋଇଛି । ହେଭିଓ୍ବେଟଙ୍କ କ୍ୟାମ୍ପେନରେ କମ୍ପୁଛି କର୍ଣ୍ଣାଟକ ରଣାଙ୍ଗନ । ଭୋଟ୍ ହାତେଇବାକୁ ପ୍ରତଶ୍ରୁତିର ପାହାଡ଼ ଛିଡା କରୁଛନ୍ତି ନେତା । ବିଭିନ୍ନ ରାଜନୈତିକ ଦଳ ପ୍ରଚାର ଜାରି ରଖିଛନ୍ତି । ଶନିବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଲମ୍ବା ମେଗା ରୋଡ୍ ଶୋ କରୁଛନ୍ତି । ଏହି ରୋଡ୍ ଶୋ ଦ୍ବିପ୍ରହର ୧.୩୦ ମିନିଟରୁ ଆରମ୍ଭ ହେବ । ଏହି ପ୍ରଚାର ଶୋ’ ୧୩ଟି ବିଧାନସଭାରେ କ୍ଷେତ୍ର ହୋଇଯିବ । ଏଥିରେ ୧୦ଲକ୍ଷ ଲୋକ ସାମିଲ ହେବାର ଯୋଜନା ରହିଛି । ମେ’ ୭ତାରିଖରେ ମଧ୍ୟ ପ୍ରଧାନମନ୍ତ୍ରୀଙ୍କ ରୋଡ୍ ଶୋ ହେବ ।

ଶୁକ୍ରବାର ହେଉଥିବା ପ୍ରଚାର ରୋଡ୍ ଶୋ ୨୬ କିଲୋମିଟର ଲମ୍ବା ହେବ । ଏହା ଦକ୍ଷିଣ ବେଙ୍ଗାଲୁରୁ ସୋମେଶ୍ବର ଭବନ ଆଇବିଆଇ ଗ୍ରାଉଣ୍ଡରୁ ମାଲ୍ଲେଶ୍ବର ସାଙ୍କେ ଟ୍ୟାଙ୍କ ମଧ୍ୟରେ ହେବ । ବିଜେପି ନେତାଙ୍କ ସୂଚନା ଅନୁଯାୟୀ, ଶନିବାର ପ୍ରଧାନମନ୍ତ୍ରୀଙ୍କ ରୋଡ୍ ଶୋ ୩୬.୬ କିଲୋମିଟର ହେବ । ପ୍ରଥମେ ସକାଳ ୧୧ଟାରୁ ଆରମ୍ଭ ହୋଇ ଏହା ଦ୍ବିପ୍ରହର ଗୋଟାଏ ପର୍ଯ୍ୟନ୍ତ ୧୦ କିଲୋମିଟର ଚାଲିବ । ପରେ ଅପରାହ୍ଣ ୪ଟାରୁ ରାତି ୧୦ଟା ପର୍ଯ୍ୟନ୍ତ ୨୬ କିଲୋମିଟର ଚାଲିବ ।

ସୂଚାନ ଅନୁଯାୟୀ,  ଚଳିତ ସପ୍ତାହରେ ପିଏମ ମୋଦିଙ୍କ ୨ଟି ରୋଡ୍ ଶୋ ସହିତ ଜନସଭା କରିବେ । ପ୍ରଥମ ରୋଡ୍ ପ୍ରାୟ ୮କିଲୋମିଟର ଏବଂ  ଦ୍ବିତୀୟ ରୋଡ୍ ଶୋ ୩୦ କିଲୋମିଟର ପର୍ଯ୍ୟନ୍ତ ଚାଳିବ । ସେହିପରି ୭ ତାରିଖରେ ମୋଦି କର୍ଣ୍ଣାଟକର ୪ଟି ସ୍ଥାନରେ ସଭାକୁ ସମ୍ବୋଧିତ କରିବେ । କର୍ଣ୍ଣାଟକରେ ମେ’ ୧୦ ତାରିଖରେ ମତଦାନ ହେବ । ସେହିପରି ୩ ତାରିଖରେ ଭୋଟ୍ ଗଣତି ହେବ । ନିର୍ବାଚନରେ ଭୋଟ୍ ହାତେଇବାକୁ ବିଭିନ୍ନ ରାଜନୈତିକ ଦଳ ମାନେ ଜୋରଦାର ପ୍ରୟାସ ଜାରି ରଖିଛନ୍ତି ।

   Related Posts