କର୍ଣ୍ଣାଟକ ବିଧାନସଭା ପାଇଁ ମତଦାନ ଜାରି । ମୋଟ ୨୨୪ଟି ଆସନ ମଧ୍ୟରୁ ୨୨୨ ଆସନରେ ଚାଲିଛି ମତଦାନ । ସକାଳ ୭ଟାରୁ ଆରମ୍ଭ ହୋଇଛି ମଦଦାନ ମଦଦାନ ।  ୪କୋଟି ୮୮ଲକ୍ଷ ଭୋଟର ସେମାନଙ୍କ ମତାଧିକାର ସାବ୍ୟସ୍ତ କରୁଛନ୍ତି ।  ମୈଦାନରେ  ଅଛନ୍ତି ୨ହଜାର ୨୨ଜଣ  ପ୍ରାର୍ଥୀ ।୨୨୪ ଆସନ ବିଶିଷ୍ଟ କର୍ଣ୍ଣାଟକ ବିଧାନସଭା ନିର୍ବାଚନ  ପାଇଁ  ଏକ ନିର୍ବାଚନ ମଣ୍ଡଳୀର  ଜଣେ ପ୍ରାର୍ଥୀଙ୍କ ମୃତ୍ୟୁ ପରେ ୨୨୩ଟି ଆସନରେ ମତଦାନ ପାଇଁ ସ୍ଥିର ହୋଇଥିଲା ।  ପରେ ନକଲି  ଭୋଟ୍ ପରିଚୟପତ୍ର ଅଭିଯୋଗ ଆସିବା ପରେ ଆର୍. ଆର୍. ନଗର ନିର୍ବାଚନ ମଣ୍ଡଳୀର  ଭୋଟିଂ କୁ ସ୍ଥଗିତ ରଖିଛନ୍ତି ନିର୍ବାଚନ କମିଶନ । ଫଳରେ ଆଜି ୨୨୨ଟି ନିର୍ବାଚନ ମଣ୍ଡଳି ପାଇଁ ମତଦାନ ହେଉଛି । ଏଥିପାଇଁ ସାରା ରାଜ୍ୟରେ ସୁରକ୍ଷା ବ୍ୟବସ୍ଥାକୁ କଡାକଡି  କରାଯାଇଛି  । ସମ୍ବେଦେନଶୀଳ ବୁଥ ଗୁଡିକରେ  ଅଧିକ ସୁରକ୍ଷା କର୍ମୀ  ମୁତୟନ ହୋଇଛନ୍ତି । ଆସନ୍ତ ୧୫ ତାରିଖରେ ହେବ ଭୋଟ୍  ଗଣତି ।  ତେବେ  ଆର.ଆର୍  ନଗର ନିର୍ବାଚନ ମଣ୍ଡଳୀ ପାଇଁ  ଆସନ୍ତା ୨୮ ତାରିଖରେ ଭୋଟ୍ ଗ୍ରହଣ ହେବ ।  କର୍ଣ୍ଣାଟକରେ ମୁଖ୍ୟତଃ ବିଜେପି ଓ କଂଗ୍ରେସ ମଧ୍ୟରେ ଦ୍ବିମୁଖୀ ପ୍ରତିଦ୍ବନ୍ଦିତା ହେବ ।  ଦୁଇ ଦଳ ମଧ୍ୟରେ କାଣ୍ଟେ କୀ ଟକ୍କର ସମ୍ଭାବନା ରହିଛି  ।   କୌଣସି ଦଳକୁ ପୁର୍ଣ୍ଣ ସଂଖ୍ୟା ଗରିଷ୍ଠତା ନମିଳିଲେ ଜେଡିଏସ୍ କିଙ୍ଗ୍ ମେକର ହେବାର ସମ୍ଭାବନା ରହିଛି ...