କଟକ ୦୪।୦୬ : ବାଲେଶ୍ୱର ବାହାନଗା ଟ୍ରେନ୍‌ ଟ୍ରାଜେଡି । କଟକ ବଡ଼ ଡାକ୍ତରଖାନାରେ କର୍ଣ୍ଣାଟକ ମନ୍ତ୍ରୀ ସନ୍ତୋଷ ଏସ୍‌ ଲାଡ୍‌ । ବଡ଼ ମେଡିକାଲରେ ଚିକିତ୍ସାଧିନ ଆହତମାନଙ୍କୁ ଭେଟିଛନ୍ତି କର୍ଣ୍ଣାଟକ ଶ୍ରମ ମନ୍ତ୍ରୀ  ।

ଖବର ଅନୁଯାୟୀ, ବାହାନଗା ଟ୍ରେନ୍ ଟ୍ରାଜେଡି ପରେ ଆହତମାନଙ୍କୁ ବିଭିନ୍ନ ମେଡିକାଲରେ ଭର୍ତ୍ତି କରାଯାଇଛି । ଏହିକ୍ରମରେ କଟକ ବଡ଼ ମେଡିକାଲରେ ଚିକିତ୍ସିତ ହେଉଥିବା ଆହତମାନଙ୍କୁ ଭେଟିଛନ୍ତି କର୍ଣ୍ଣାଟକ ମନ୍ତ୍ରୀ । ଏହି ଅବସର ସେ କହିଛନ୍ତି ଯେ, ଆହତଙ୍କ ଚିକିତ୍ସା ଏଠାରେ ଭଲରେ ଚାଲିଛି । ରାଜ୍ୟ ସରକାର ଏଭଳି ଏକ ବଡ଼ ଦୁର୍ଘଟଣାର ସଫଳ ମୁକାବିଲା କରିଥିବାରୁ ମୁଖ୍ୟମନ୍ତ୍ରୀଙ୍କ ଧନ୍ୟବାଦ ।

ସେହିପରି ଦୁର୍ଘଟଣା ଦିନ ସ୍ଥାନୀୟ ଲୋକଙ୍କ ସହଯୋଗ, ସ୍ୱେଚ୍ଛାସେବୀ ଓ ପ୍ରଶାସନକୁ ମଧ୍ୟ ଧନ୍ୟବାଦ ଦେଇଛନ୍ତି କର୍ଣ୍ଣାଟକ ମନ୍ତ୍ରୀ । ଏଭଳି କଠିନ ସମୟରେ ଓଡିଶା ସରକାରଙ୍କୁ କର୍ଣ୍ଣାଟକ ସରକାର ସମସ୍ତ ପ୍ରକାର ସହଯୋଗ ଯୋଗାଇ ଦିଆଯିବ ବୋଲି କର୍ଣ୍ଣାଟକ ଶ୍ରମ ମନ୍ତ୍ରୀ  ଏସ୍‌ , ଲାଡ୍‌ କହିଛନ୍ତି ।