କର୍ଣ୍ଣାଟକ ନିର୍ବାଚନ ଯେତିକି ପାଖୋଉଛି ପ୍ରଚାର ସାଙ୍ଗକୁ ବିବାଦ ବି ସେତିକି ବଢୁଛି ।  ମଙ୍ଗବାର ରାତିରେ ବେଙ୍ଗାଲୁରରର ଏକ ଆପାର୍ଟମେଣ୍ଟରୁ ଜବତ ହୋଇଛି ୯ ହଜାରରୁ ଅଧିକ ଭୋଟ ପରିଚୟ ପତ୍ର । ଏହି ଘଟଣା ପ୍ରଚାରିତ ହେବା ପରେ ନିର୍ବାଚନ କମିଶନ ଘଟଣାର ତଦନ୍ତ ନିର୍ଦ୍ଦେଶ ଦେଇଛନ୍ତି । ସେପଟେ ଏହାକୁ ନେଇ   ରାଜ୍ୟରେ  କ୍ଷମାତାସୀନ କଂଗ୍ରେସ ସହ ମୁଖ୍ୟ ପ୍ରତିଦ୍ୱନ୍ଦୀ  ବିଜେପି  ମଧ୍ୟରେ ଆରମ୍ଭ ହୋଇଯାଇଛି  ବାକ୍  ଯୁଦ୍ଧ।  ରାଜରାଜେଶ୍ବରୀ ନଗର ବିଧାନସଭା କ୍ଷେତ୍ର ମଧ୍ୟରେ ଅବସ୍ଥିତ ଏକ  ଆପାର୍ଟମେଣ୍ଟରୁ  ୯ ହଜାର ୭ ଶହ ୪୬ ଭୋଟ ପରିଚୟ ପତ୍ର  ସହ କିଛି କାଉଣ୍ଟର ଫଏଲ  ଆକନଲେଜମେଣ୍ଟ କାଗଜ ବି ମିଳିଛି । ଭୋଟର ତାଲିକାରେ ନାମ ସାମିଲ ପାଇଁ ସାଧାରଣତଃ ଏହି ସବୁ ପଦ୍ଧତି ଅନୁସରଣ କରାଯାଇଥାଏ । ଏନେଇ ପୋଲିସରେ ଏଫଆଇଆର କରିଛନ୍ତି ରାଜ୍ୟ ନିର୍ବାଚନ ଅଧିକାରୀ । ତେବେ ଏନେଇ ପରସ୍ପରକୁ ଦୋଷାରପ କରିଛନ୍ତି କଂଗ୍ରେସ ଓ ବିଜେପି ।  ଏହି ଘଟଣାରେ ଆରଆର୍ ନଗରର କଂଗ୍ରେସ ପ୍ରାର୍ଥୀଙ୍କ ସଂପୃକ୍ତି  ଥିବା  ବିଜେପି  କହିଛି । କିନ୍ତୁ ଘରଟି ଜଣେ ବିଜେପି ନେତ୍ରୀଙ୍କର ହୋଇଥିବାରୁ  ା ବିଜେପି ନିଜ ଦୋଷ ଲୁଚାିବାକୁ ମିଛ କହୁଥିବା କହିଛନ୍ତି କଂଗ୍ରେସ ମୁଖପାତ୍ର ରଣଦୀପ ସିଂ ସୁରଜୱାଲା ।