scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଅଭିନେତ୍ରୀ କରୀନା କପୁରଙ୍କ ଫିଲ୍ମ ‘ପ୍ରଥମ ଦିନର, ପ୍ରଥମ ଶୋ’ ଦେଖୁଥିଲେ ରାହୁଲ ଗାନ୍ଧି ; ଜାଣନ୍ତୁ କ’ଣ ଥିଲା ପୁରା କାହାଣୀ…

30/09/2018 at 4:17 PM

ମୁମ୍ବାଇ ୩୦|୯: ‘ନେତା ଅଭିନେତା: ବଲିଉଡ୍ ଷ୍ଟାର ପାଓ୍ବାର ଇନ୍ ଇଣ୍ଡିଆନ୍ ପଲିଟିକ୍ସ’ ପୁସ୍ତକରେ ଗାନ୍ଧି ଏବଂ କପୁର ପରିବାର ବିଷୟରେ କିଛି କଥା ଲେଖାଯାଇଛି । ଏହି ପୁସ୍ତକରେ ଲେଖାଯାଇଛି ଯେ, ଦେଶର ପ୍ରଥମ ପ୍ରଧାନମନ୍ତ୍ରୀ ଜବାହରଲାଲ ନେହରୁ ଏବଂ ପ୍ରଖ୍ୟାତ ଅଭିନେତା ପୃଥ୍ବୀରାଜ କପୁରଙ୍କ ମଧ୍ୟରେ ଭଲ ବନ୍ଧୁତ୍ବ ଥିଲା । କେବଳ ଏତିକି ନୁହେଁ ଇନ୍ଦିରା ଗାନ୍ଧିଙ୍କ ମନରେ ମଧ୍ୟ କପୁର ପରିବାର ପାଇଁ ବହୁତ ଆଦର ଏବଂ ସମ୍ମାନ ଥିଲା ବୋଲି ପୁସ୍ତକରେ ଉଲ୍ଲେଖ ରହିଛି ।
ପୁସ୍ତକରେ ଏହା ଲେଖାଯାଇଛି ଯେ, ରାଜ କପୁରଙ୍କ ନାତୁଣୀ ତଥା ବଲିଉଡ୍ ଅଭିନେତ୍ରୀ କରୀନା କପୁର ୨୦୦୨ ମସିହାରେ ରାହୁଲ ଗାନ୍ଧି ତାଙ୍କର ପସନ୍ଦ ବୋଲି କହିଥିଲେ । ଏମିତି ଶୁଣିବାକୁ ମିଳେ ଯେ, ରାହୁଲ ଗାନ୍ଧି ମଧ୍ୟ କରୀନାଙ୍କ ଫିଲ୍ମ ‘ପ୍ରଥମ ଦିନର, ପ୍ରଥମ ଶୋ’ ଦେଖନ୍ତି ।
‘ରାନ୍ଦେବୁସ ଓ୍ବିଥ୍ ସିମି ଗରେଓ୍ବାଲ’ ନାମକ ଟେଲିଭିଜନ ଶୋ’ରେ ଯେତେବେଳେ କରୀନାଙ୍କୁ ପଚରାଯାଇଥିଲା ଯେ, ଏମିତି ଜଣେ ବ୍ୟକ୍ତିଙ୍କ ନାମ କୁହନ୍ତୁ ଯାହାଙ୍କ ସେ ଡେଟ୍ କରିବାକୁ ଚାହିଁବେ । ଏହି ପ୍ରଶ୍ନର ଉତ୍ତରରେ କରୀନା କହିଥିଲେ, ମୁଁ କହିଦେବି ? ମୁଁ ଜାଣିନାହିଁ ମୋର କହିବା ଉଚିତ୍ କି ନୁହେଁ, ଏହା ବିବାଦୀୟ ଅଟେ… ରାହୁଲ ଗାନ୍ଧି… ମୋତେ ତାଙ୍କୁ ଜାଣିବା-ବୁଝିବାରେ କୌଣସି ଅସୁବିଧା ନାହିଁ । ମୁଁ ତାଙ୍କ ଫଟୋ ସବୁ ଦେଖେ ଏବଂ ଭାବିଛି ଯେ ତାଙ୍କୁ ଜାଣିବା-ବୁଝିବା କେମିତି ହେବ ବୋଲି । ମୁଁ ଫିଲ୍ଲ ପରିବାରରୁ ଆସିଛି । ସେ ରାଜନୀତି ପରିବାରର । ଆମ ମଧ୍ୟରେ କୌଣସି କୌତୁହଳପୂର୍ଣ୍ଣ କଥାବାର୍ତ୍ତା ହୋଇପାରିବ ।
୨୦୦୯ ମସିହାରେ କରୀନା ନିଜର ଏହି ବୟାନରୁ ଓହରି ଯାଇଥିଲେ । ଯେତେବେଳେ ତାଙ୍କୁ ରାହୁଲଙ୍କ ବିଷୟରେ ପଚରାଗଲା ସେତେବେଳେ ସେ କହିଥିଲେ, ତାହା ବହୁତ ପୁରୁଣା କଥା । ସେ ଏହା ଏଥିପାଇଁ କହିଥିଲି କାହିଁକି ନା ତାଙ୍କ ଦୁଇଜଣଙ୍କର ସର୍ ନେମ୍ ପ୍ରସିଦ୍ଧ ଥିଲା ବୋଲି କରୀନା କହିଥିଲେ । ସେ କୌଣସି ଦିନ ରାହୁଲଙ୍କର ଅତିଥି ସତ୍କାର କରିବା ପାଇଁ ଚାହିଁବି ବୋଲି ମଧ୍ୟ କହିଥିଲେ । ସେ ତାଙ୍କୁ ପ୍ରଧାନମନ୍ତ୍ରୀ ଭାବେ ଦେଖିବାକୁ ଚାହୁଁଛନ୍ତି । ମାତ୍ର ସେ ତାଙ୍କୁ ‘ଡେଟ୍’ କରିବାକୁ ଚାହୁଁନାହାଁନ୍ତି ବୋଲି କହିଥିଲେ ।

   Related Posts