କରଣଙ୍କ ଉପରେ ଅଭିଯୋଗ ଆଣିଲେ କରୀନା-ରଣବୀର ! କହିଲେ- ତାଙ୍କ ପାଇଁ ଆମ ଭାବମୂର୍ତ୍ତି…
11/03/2023 at 7:49 AM
ମୁମ୍ଵାଇ ୧୧।୦୩: ଅଭିନେତ୍ରୀ କରୀନା କପୁର ଖାନ । ତାଙ୍କ ଟକ୍ ସୋ ‘ୱାଟ୍ ୱି,ମେନ୍ ୱାଣ୍ଟ’ ର ନୂଆ ସିଜନ୍ ସହିତ କମ୍ବ୍ୟାକ୍ କରିଛନ୍ତି। ଏଥର ମଧ୍ୟ ଅନେକ ପ୍ରସିଦ୍ଧ ଚେହେରା ଟକ୍ ସୋରେ ଦେଖିବାକୁ ମିଳିବ। ସେମାନଙ୍କ ମଧ୍ୟରେ ସବୁଠାରୁ ବିଶେଷ ହେଉଛି ତାଙ୍କ ସମ୍ପର୍କୀୟ ଭାଇ ରଣବୀର କପୁର। ଶୋ’ର ଟିଜର ରିଲିଜ୍ ହୋଇଛି । ଯେଉଁଥିରେ ସୋ’ରେ ଅଂଶଗ୍ରହଣ କରୁଥିବା ସମସ୍ତ ସେଲିବ୍ରେଟଙ୍କ ଝଲକ ଦେଖିବାକୁ ମିଳିଛି।
ଏଥର ରଣବୀର କପୁରଙ୍କ ବ୍ୟତୀତ ହାସ୍ୟ ଅଭିନେତା କପିଲ ଶର୍ମା, ଅଭିନେତ୍ରୀ ଶେଫାଳି ଶାହା ଏବଂ ଡିଜିଟାଲ ନିର୍ମାତା ନିହାରିକା ଏନଏମ ଏହି ଶୋ’ରେ ଭାଗ ନେବାକୁ ଯାଉଛନ୍ତି। ଏହି ସମୟରେ ରଣବୀର ଏବଂ କରୀନା ଆଲୋଚନା କରୁଛନ୍ତି ଯେ କରଣ ଜୋହର ପ୍ରକୃତରେ ସେମାନଙ୍କର ଖରାପ ଭାବମୂର୍ତ୍ତିର କାରଣ। ସେମାନଙ୍କ ଶବ୍ଦରୁ ଏହା ଜଣାପଡ଼େ ଯେ ବୋଧହୁଏ ଦୁହେଁ ଫିଲ୍ମ ନିର୍ମାତା ଶୋ ‘କଫି ୱିଥ୍ କରନ୍’ ବିଷୟରେ କହୁଛନ୍ତି ।
ରଣବୀର ଭିଡିଓରେ କରିନାଙ୍କୁ ଥଟ୍ଟା କରି କହିଛନ୍ତି ଯେ ଆମେ ତାଙ୍କ ସହ କୌଣସି ଫିଲ୍ମ କରି ନ ଥିବାରୁ ଆମେ କେବଳ କାଉଚ୍ରେ ସାକ୍ଷାତ କରୁଛୁ। ସେ ଝୀଅ ରାହା ବିଷୟରେ ମଧ୍ୟ କହିଥିଲେ। କ୍ଷମା ମାଗିବାବେଳେ ତାଙ୍କର ‘ଆତ୍ମ ସମ୍ମାନ ନାହିଁ’ ବୋଲି ରଣବୀର କହିଛନ୍ତି। ଏହି ସମୟରେ କରୀନା କପିଲ ଶର୍ମାଙ୍କୁ ପଚାରିଛନ୍ତି ଯେ ସେ ରୋମାଣ୍ଟିକ କି, ସେ ଉତ୍ତର ଦେଇଛନ୍ତି ଯେ ମୋର ଦୁଇଟି ସନ୍ତାନ ଅଛି ଏବଂ ମୁଁ ସେମନଙ୍କୁ ଡାଉନଲୋଡ୍ କରି ନାହିଁ। ଏପରି ଅନେ କିଛି ଭିଡିଓରେ ଦେଖିବାକୁ ମିଳିଛି । ଯାହାର ପ୍ରୋମୋ ସୋସିଆଲ୍ ମିଡିଆରେ ଭାଇରାଲ୍ ହେବାରେ ଲାଗିଛି । ତେବେ ଦେଖିବାକୁ ବାକି ରହିଲା ଶୋ’ରେ ଏମିତି କରନ୍କୁ ନେଇ କାହିଁକି କୁହାଗଲା।
