ମୁମ୍ବାଇ ୧୪/୧୨: କରୀନା କପୁର ଖାନ ଏବଂ ତାଙ୍କର ଘନିଷ୍ଠ ବନ୍ଧୁ ଅମୃତା ଆରୋଡା କରୋନା ସଂକ୍ରମିତ ହୋଇଛନ୍ତି। କରୀନା ତାଙ୍କ ଇନଷ୍ଟାଗ୍ରାମ ଷ୍ଟୋରୀରେ ଏକ ବିବୃତ୍ତି ସେୟାର କରି ତାଙ୍କ ସମ୍ପର୍କରେ ଆସିଥିବା ସମସ୍ତଙ୍କୁ କରୋନା ପରୀକ୍ଷା କରିବାକୁ କହିଛନ୍ତି। ଏଥିସହିତ ବିଏମସି କରୀନାଙ୍କ ଉପରେ କରୋନା ନିୟମକୁ ଅବମାନନା କରିଥିବା ଅଭିଯୋଗ କରିଛି ଏବଂ ତାଙ୍କ ବାସଭବନକୁ ସିଲ୍ କରିଛି।
ବିଏମସି କହିଛି, କରୀନା କପୁର ଖାନଙ୍କ ଘରକୁ ସିଲ୍ କରାଯାଇଛି। ସେ ଏପର୍ଯ୍ୟନ୍ତ ସଠିକ୍ ସୂଚନା ଦେଇନାହାଁନ୍ତି କିନ୍ତୁ ଆମ ଅଧିକାରୀମାନେ ଜାଣିବାକୁ ଚେଷ୍ଟା କରୁଛନ୍ତି ଯେ ତାଙ୍କ ସମ୍ପର୍କରେ କେତେ ଲୋକ ଆସିଛନ୍ତି। ଏହା ପୂର୍ବରୁ ବିଏମସି ଏକ ବିବୃତ୍ତିରେ କହିଥିଲା, “କରୀନା କପୁର ଖାନ ଏବଂ ଅମୃତା ଆରୋଡାଙ୍କ କୋଭିଡ -୧୯ ରିପୋର୍ଟ ସକରାତ୍ମକ ହୋଇଛି। ଉଭୟେ କୋଭିଡ ନିୟମ ଉଲ୍ଲଂଘନ କରିଥିଲେ ଏବଂ ଅନେକ ପାର୍ଟୀରେ ଯୋଗ ଦେଇଥିଲେ।
ବିଏମସି ଉଭୟ ଅଭିନେତ୍ରୀଙ୍କ ସହ ଯୋଗାଯୋଗରେ ଆସିଥିବା ଲୋକଙ୍କୁ RT-PCR ଟେଷ୍ଟ କରାଇବାକୁ ନିର୍ଦ୍ଦେଶ ଦେଇଛି। କରୋନା ନିୟମକୁ ଉଲ୍ଲଂଘନ କରି କରୀନା ଏବଂ ଅମୃତା ସେମାନଙ୍କ ସାଙ୍ଗମାନଙ୍କ ସହିତ ପାର୍ଟୀ କରିଥିଲେ। ଯାହାର ଫଟୋ ଏବଂ ଭିଡିଓ ସୋସିଆଲ ମିଡିଆରେ ସାମ୍ନାକୁ ଆସିଥିଲା। କିନ୍ତୁ, ବର୍ତ୍ତମାନ ଉଭୟଙ୍କ କରୋନା ପଜିଟିଭ୍ ହେବାର ଖବର ଆସିବା ପରେ ସମସ୍ତେ ଚକିତ ହୋଇଯାଇଛନ୍ତି।
