ମୁମ୍ବାଇ ୧୩।୦୮: ଗତ ୧୧ ତାରିଖ ଦିନ ଅମୀର ଖାନଙ୍କ ଫିଲ୍ମ ‘ଲାଲ ସିଂ ଚଢା’ ରିଲିଜ୍ ହୋଇଛି। ଫିଲ୍ମ ଘୋଷଣା ହେବା ପରଠାରୁ ଫିଲ୍ମକୁ ନେଇ ଅନେକ ବିବାଦ ଲାଗି ରହିଛି। ଗୋଟିଏ କାରଣ ପାଇଁ ଏହି ଫିଲ୍ମକୁ ବିରୋଧ କରାଯାଉଛି। କେବଳ ଏତିକି ନୁହେଁ ଫିଲ୍ମକୁ ସୋସିଆଲ ମିଡିଆରେ ବୟକଟ୍ କରିବାକୁ ଦାବି କରାଯାଇଥିଲା। ଏଥି ସହିତ ଫିଲ୍ମ ରିଲିଜ ହେବା ପରେ ମଧ୍ୟ ବିବାଦ ବଢିବାରେ ଲାଗିଛି। ବର୍ତ୍ତମାନ ଅମୀରଙ୍କ ବିରୋଧରେ ଅଭିଯୋଗ ଆସିଛି। କିନ୍ତୁ ଏସବୁ ଭିତରେ କରୀନାଙ୍କ ପୁରୁଣା ବିବୃତ୍ତି ମଧ୍ୟ ଭାଇରାଲ ହେବାରେ ଲାଗିଛି।
ଫିଲ୍ମ ରିଲିଜ ହେବା ପୂର୍ବରୁ କରୀନା ସଂସ୍କୃତି ଉପରେ ନିଜର ମତାମତ ଦେଇଥିଲେ। କରୀନା କହିଛନ୍ତି ଯେ ସମସ୍ତଙ୍କର ନିଜର ମତ ରହିପାରେ କିନ୍ତୁ ଅନୁଭବ କରେ ଯେ ଏହା ଏକ ଭଲ ଚଳଚ୍ଚିତ୍ର ସହିତ ଏମିତି ହେବା ଉଚିତ ନୁହେଁ। କରୀନାଙ୍କୁ ଏହା ମଧ୍ୟ ପଚରାଯାଇଥିଲା 'ଆପଣ ଜନସାଧାରଣଙ୍କୁ ହାଲୁକା ଭାବେ ଗ୍ରହଣ କରୁଛନ୍ତି କି?' ଏଥିପାଇଁ କରୀନା ଉତ୍ତର କହିଥିଲେ, ମୁଁ ଭାବୁଛି କେବଳ କିଛି ଲୋକ ଅଛନ୍ତି ଯେଉଁମାନେ ଟ୍ରୋଲ କରୁଛନ୍ତି। ତାଙ୍କ କାମ ଏହା । କିନ୍ତୁ ଲୋକଙ୍କଠାରୁ ମୁଁ ପାଇଥିବା ପ୍ରେମ ସମ୍ପୂର୍ଣ୍ଣ ଭିନ୍ନ ଅଟେ ।
ସୋସିଆଲ ମିଡିଆରେ ଟ୍ରୋଲ କରୁଥିବା ଏଭଳି ଲୋକ ମାତ୍ର କିଛି ପ୍ରତିଶତ ଅଛନ୍ତି। କିନ୍ତୁ ପ୍ରକୃତ କଥା ହେଉଛି ସେ ଫିଲ୍ମକୁ ବୟକଟ୍ କରିବା ଉଚିତ୍ ନୁହେଁ। କାହିଁକି ନା ଅଢେଇ ବର୍ଷ ଧରି ୨୫୦ଜଣ ଲୋକ ଏହି ଫିଲ୍ମରେ କାମ କରିଛନ୍ତି। ବହୁତ କଷ୍ଟ କରିଛୁ ଏଥିପାଇଁ କରୀନା ଅନୁରୋଧ କରିଛନ୍ତି, ଦୟାକରି ଫିଲ୍ମକୁ ବୟକଟ୍ କରନ୍ତୁ ନାହିଁ । ଏହା ବ୍ୟତୀତ ଅମୀର ମଧ୍ୟ ତାଙ୍କର ପୁରୁଣା ମନ୍ତବ୍ୟ ହେତୁ ଟ୍ରୋଲ ହୋଇଥିଲେ। ଫିଲ୍ମର ପ୍ରମୋସନ ମଧ୍ୟରେ ସେ ଲୋକଙ୍କ ନିକଟରେ କ୍ଷମା ମଧ୍ୟ ମାଗିଛନ୍ତି। ସେ କହିଥିଲେ ଯେ ଯଦି କାହାକୁ ଆଘାତ କରିଛନ୍ତି, ତେବେ ସେ ଏଥିପାଇଁ ଦୁଃଖିତ। ଫିଲ୍ମ ଲାଲ ସିଂ ଚଢା ଫରେଷ୍ଟ ଗୁମ୍ପର ରିମେକ୍ ଅଟେ।
