ମୁମ୍ବାଇ୨୬/୧୨: ଭିକ୍ଷାବୃତ୍ତି କରି ଭୋକ ମେଣ୍ଟାଉଥିବା ଜଣେ ଛୋଟ ପିଲାକୁ ଅଣଦେଖା କରିଛନ୍ତି ଅଭିନେତ୍ରୀ କରୀନା କପୂର। ଡିସେମ୍ବର ୨୫ ତାରିଖରେ ପୂରା ଦେଶବାସୀ ବଡ଼ ଦିନକୁ ଧୂମଧାମରେ ପାଳନ କରିଥିଲେ। ସାଧାରଣ ଲୋକେ, ନେତାମନ୍ତ୍ରୀ, ଅଭିନେତା ଓ ଅଭିନେତ୍ରୀ ସମସ୍ତେ ନିଜ ନିଜ ଢ଼ଙ୍ଗରେ ବଡ଼ ଦିନକୁ ପାଳନ କରିଛନ୍ତି। କିନ୍ତୁ ବଡ଼ ଦିନରେ ଅଭିନେତ୍ରୀ କରୀନା କପୂରଙ୍କ ଫଟୋ ଓ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି ।
ଗତକାଲି ବଡ଼ ଦିନରେ କରୀନା କପୂର ନିଜ ପୁଅ ତୈମୁର ଖାନ ସହ ମୁମ୍ବାଇ ବାନ୍ଦ୍ରାରେ ପହଞ୍ଚିଥିଲେ। ତାଙ୍କୁ ଦେଖିବା ମାତ୍ରେ ଗୋଟିଏ ଛୋଟ ପିଲା କରୀନାଙ୍କୁ ଭିକ ମାଗିଥିଲା। ଏପରି କି ଛୋଟ ପିଲାଟି କରୀନାଙ୍କ ଡ୍ରେସ ଧରି କିଛି ବାଟ ଚାଲି ଚାଲି ମଧ୍ୟ ଯାଇଥିଲା। ହେଲେ ପିଲାଟିକୁ ଭିକ ଦେବା କଥା ତ ଦୂର କରୀନା ତାଙ୍କୁ ଦେଖି ନ ଦେଖିଲା ଭଳି ବାଟ ଭାଙ୍ଗି ଚାଲି ଯାଇଥିଲେ। ଏହି ସମୟର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି।
wp:core-embed/instagram {"url":"https://www.instagram.com/p/B6fTutXA5pe/?utm_source=ig_web_copy_link","type":"rich","providerNameSlug":"instagram","className":""}ଭିକ ମାଗିବା ସମୟରେ ଜଣେ ମହିଳ ପୋଲିସ କର୍ମଚାରୀ ପିଲାଟିକୁ ଟାଣି ନେବାର ଦୃଶ୍ୟ ଭିଡିଓରେ ରହିଛି। ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି। ସେଥିପାଇଁ ସୋସିଆଲ ମିଡିଆରେ କରୀନାଙ୍କୁ ସମାଲୋଚନାର ଶିକାର ହେବାକୁ ପଡ଼ିଛି।
