ମୁମ୍ବାଇ ୬|୯:  ସମଲିଂଗୀ ଯୌନସମ୍ପର୍କକୁ ସୁପ୍ରିମକୋର୍ଟ ଆଜି ସ୍ୱୀକୃତି ପ୍ରଦାନ କରିଛନ୍ତି । ଏହାକୁ ନେଇ ଦେଶର ଲେସବିଆନ, ଗେ, ବାଇ ସେସ୍କ୍ସୁଆଲ ଏବଂ ଟ୍ରାନ୍ସଜେଣ୍ଡରଙ୍କ ମଧ୍ୟରେ ଆନନ୍ଦ ଖେଳିଯାଇଛି । ସୁପ୍ରିମକୋର୍ଟଙ୍କ ମୁଖ୍ୟ ବିଚାରପତି ଜଷ୍ଟିସ ଦୀପକ ମିଶ୍ରଙ୍କ ଅଧ୍ୟକ୍ଷତାରେ ଗଠିତ ୫ଜଣିଆ ସାମ୍ବିଧାନିକ ଖଣ୍ଡପୀଠ ଦେଇଥିବା ଏହି ଐତିହାସିକ ରାୟକୁ ବଲିଉଡ୍‌ର ବିଭିନ୍ନ ସେଲିବ୍ରିଟୀ ସ୍ବାଗତ କରିଛନ୍ତି । ଲୋକପ୍ରିୟ ନିର୍ଦ୍ଦେଶକ କରନ ଜୋହର ଟୁଇଟ୍‌ ଜରିଆରେ ନିଜ ପ୍ରତିକ୍ରିୟା ପ୍ରକାଶ କରିଛନ୍ତି । ଲେଖିଛନ୍ତି ଯେ, “ଶେଷରେ ଐତିହାସିକ ରାୟ ଆସିଲା । ଏହା ଦ୍ବାରା ମୁଁ ବେଶ୍‌ ଗର୍ବ ଅନୁଭବ କରୁଛି । ମାନବିକତା ଏବଂ ସମାନ ଅଧିକାରକୁ ଆଗକୁ ବଢାଇବା କ୍ଷେତ୍ରରେ ଏହା ବାସ୍ତବିକ ଏକ ଐତିହାସିକ ପଦକ୍ଷେପ ।”