ନୂଆଦିଲ୍ଲୀ ୨୦।୯: ମହିଳା ସଂରକ୍ଷଣ ବିଧେୟକକୁ ନେଇ ରାଜ୍ୟସଭା ସାଂସଦ କପିଲ ଶିବଲ ବୟାନ ଦେଇଛନ୍ତି। ସେ କହିଛନ୍ତି ଏହି ବିଧେୟକକୁ ସେ ପ୍ରଥମରୁ ସମର୍ଥନ କରିଆସୁଛନ୍ତି। ତେବେ ଏହି ବିଧେୟକ ଲାଗୁ କରିବା ନେଇ କେନ୍ଦ୍ର ସରକାରଙ୍କ ଉଦ୍ଦେଶ୍ୟ ଉପରେ ଶିବଲ ପ୍ରଶ୍ନ ଉଠାଇଛନ୍ତି। ସେ କହିଛନ୍ତି ଯେ କେନ୍ଦ୍ରର ଏନଡିଏ ସରକାର ୨୦୧୪ ମସିହାରେ ଏହି ବିଧେୟକ ଲାଗୁ କରିବାର ଥିଲା। ହେଲେ ବିଜେପି ଏହା ଉପରେ କାହାର ସହମତି ହେବାକୁ ଦେଇ ନଥିଲା। ତେବେ ମୋଦି ସରକାର ଯାହାବି କରୁଛନ୍ତି ୨୦୨୪ ଲୋକସଭା ନିର୍ବାଚନକୁ ନଜରରେ ରଖି କରୁଛନ୍ତି ବୋଲି ସେ କହିଛନ୍ତି।

#WATCH | On Women’s Reservation Bill, Rajya Sabha MP Kapil Sibal says, ” Will they (Centre) implement it without delimitation? Then we are ready…implement it tomorrow…if they had brought this bill in 2014, it would have been implemented by now…they don’t want to implement… pic.twitter.com/F42VJuB4CM

— ANI (@ANI) September 20, 2023

ଗଣମାଧ୍ୟମ ସହ ଆଲୋଚନାରେ ଶିବଲ ପ୍ରଶ୍ନ କରିଛନ୍ତି ଯେ ବିନା  ସୀମା ନିର୍ଦ୍ଧାରଣରେ ସେମାନେ (କେନ୍ଦ୍ର ସରକାର) ଏହି ବିଧେୟକକୁ କାର୍ଯ୍ୟକାରୀ କରିଦେବେ କି? ଆମେ ପ୍ରସ୍ତୁତ। ଜନଗଣନା ଓ ସୀମା ନିର୍ଦ୍ଧାରଣ କଥା ତୁମେ କହିଛ, ଆମେତ ପ୍ରଥମରୁ ଏଥି ପାଇଁ ପ୍ରସ୍ତୁତ। ଆମେ ସବୁବେଳେ ଏଥି ପାଇଁ ପ୍ରସ୍ତୁତ ଥିଲୁ, ଚାହେ ଆମେ ଶାସନରେ ଥାଉ ବି ବିରୋଧୀ ଦଳରେ ମହିଳା ସଂରକ୍ଷଣ ବିଧେୟକ ଆମର ଦାବି ଓ ପ୍ରତିଶ୍ରୁତି ଥିଲା। ତେବେ ସେମାନେ ଏଥି ପାଇଁ ଲାଗୁ କରୁ ନାହାନ୍ତି କାରଣ ସେମାନଙ୍କୁ ଜଣା ସେମାନେ ୨୦୨୯ରେ ବି ବିଧେୟକକୁ ଲାଗୁ କରିବେନି, ଏହା ତ ୨୦୨୪ ଲୋକସଭା ନିର୍ବାଚନ ପାଇଁ ଏକ ରଣନୀତି।

Women’s Reservation Bill :

Wonder why Modi ji, if introduced, waited for almost 10 years when almost all political parties are in support ?

2024 is perhaps the reason

But if the government does not provide quota for OBC women BJP may also lose UP in 2024 !

Think about it !

— Kapil Sibal (@KapilSibal) September 19, 2023

ସେ କହିଛନ୍ତି ଯେ ଆମେ ବିପକ୍ଷରେ ଥାଉ କି ଶାସନରେ ୨୦୧୪ରୁ ଏ ପର୍ଯ୍ୟନ୍ତ ଆମେ ଏହି ବିଧେୟକ ଆଣିବାକୁ ପ୍ରସ୍ତୁତ ଥିଲୁ। ହେଲେ ସେତେବେଳେ ବିଜେପି ଏହି ବିଧେୟକ ଉପରେ ସହମତି ହେବାକୁ ଦେଇ ନଥିଲା। ଏହା ପୂର୍ବରୁ ଶିବଲ ମଙ୍ଗଳବାର କହିଥିଲେ ଯେ ଏହି ବିଧେୟକ ୨୦୨୪ ଲୋକସଭା ନିର୍ବାଚନ ପାଇଁ ବିକ୍ରି ହେଉଥିବା ଆଉ ଏକ ସ୍ୱପ୍ନ, ଏହାର ଲାଭ ଦେଶରେ ମହିଳାଙ୍କୁ ୨୦୨୯ରେ ବି ମିଳିବନି। ଶିବଲ କହିଥିଲେ ଯେ ବିଧେୟକକୁ ରାଜନୈତିକ ଉଦ୍ଦେଶ୍ୟରେ ଅଣାଯାଇଛି। ଏହାକୁ ବୁଝିବାକୁ ଆଶ୍ଚର୍ଯ୍ୟଜନକ କାରଣ ବିଜେପି ସରକାର ଯଦି ବିଧେୟକ ଆଣିବାର ଥିଲା ତେବେ  ୨୦୧୪ରେ କ୍ଷମତାକୁ ଆସିବା ପରଠାରୁ ଏପର୍ଯ୍ୟନ୍ତ  ୯ ବର୍ଷ ୪ ମାସ ହେଲା କରୁଥିଲେ କଣ ବୋଲି ସେ ପ୍ରଶ୍ନ କରିଛନ୍ତି।

ବହୁମତ ସହ ଲୋକସଭାରେ ପାସ୍‌ ହେଲା ମହିଳା ସଂରକ୍ଷଣ ବିଲ୍‌, ବିରୋଧରେ ମାତ୍ର ୨ ଭୋଟ୍‌