ଫେସ୍‌ବୁକ ଲାଇଭରେ ଆସିଲେ, ବିଷ ପିଇ ଆତ୍ମହତ୍ୟା ଉଦ୍ୟମ କଲେ ଅଭିନେତା

Published By : Prameya-News7 Bureau | June 14, 2023 IST

ମୁମ୍ବାଇ ୧୪।୦୬: ହିନ୍ଦୀ ଟେଲିଭିଜନ ଦୁନିଆରେ ହଇଚଇ । ଫେସ୍‌ବୁକ ଲାଇଭରେ ଆସି ଆତ୍ମହତ୍ୟା ଉଦ୍ୟମ କଲେ କପିଲ୍‌ ଶର୍ମାଙ୍କ ବନ୍ଧୁ ତଥା ସାଥୀ କଳାକାର । ତେବେ ଜଣେ ଝିଅ ପାଇଁ ମୃତ୍ୟୁବରଣ କରିବାକୁ ଉଦ୍ୟମ କରିଛନ୍ତି ହାସ୍ୟ ଅଭିନେତା ତୀର୍ଥନନ୍ଦ ରାଓ ।  କପିଲ ଶର୍ମାଙ୍କ ସୁପର୍‌ହିଟ୍‌ ଶୋ 'କମେଡି ଶୋ କେ ଅଜୁବେ'ରେ କାମ କରିଥିବା ଅଭିନେତା ସୋସିଆଲ ମିଡିଆ ଲାଇଭ୍‌ରେ ଆସି ଆତ୍ମହତ୍ୟା କରିବାକୁ ଚେଷ୍ଟା କରିଥିଲେ । ଆଉ ସେହି ସମୟରେ ହିଁ ତୀର୍ଥନନ୍ଦ ଆତ୍ମହତ୍ୟାର କାରଣ କହିଛନ୍ତି ।

{"id":803274,"width":840,"height":559,"sizeSlug":"full","linkDestination":"none"}

ଫେସବୁକରେ ଏକ ଲାଇଭ୍ ସମୟରେ ତୀର୍ଥନନ୍ଦ କହିଛନ୍ତି ଯେ ‘ସେ ଜଣେ ମହିଳାଙ୍କ ସହ "ଲିଭ୍‌-ଇନ୍" ସଂପର୍କରେ ଅଛନ୍ତି, କିନ୍ତୁ ସେ ତାଙ୍କ ଭାବପ୍ରବଣତାକୁ ନେଇ ବ୍ଲାକମେଲ୍‌ କରି ଟଙ୍କା ମାଗିଥିଲେ । ଭିଡିଓରେ ତୀର୍ଥନନ୍ଦ ଆହୁରି କହିଛନ୍ତି ଯେ, “ଏହି ଝିଅଙ୍କ ହେତୁ ମୋର ୩-୪ ଲକ୍ଷ ଟଙ୍କା ଋଣ ଅଛି । ଗତ ବର୍ଷ ଅକ୍ଟୋବରରୁ ମୁଁ ତାଙ୍କୁ ଜାଣିଛି । ସେ ଭାୟାନନ୍ଦରେ ମୋ ବିରୋଧରେ ପୋଲିସ ଅଭିଯୋଗ ଦାଖଲ କରିଥିଲେ ଏବଂ ମୁଁ କିନ୍ତୁ ଜାଣି ନଥିଲି । ତା’ପରେ ସେ ମଧ୍ୟ ମୋତେ ଫୋନ୍ କରି କହିଥିଲେ ଯେ ସେ ଦେଖା କରିବାକୁ ଚାହୁଁଛନ୍ତି।’

{"id":803275,"width":838,"height":471,"sizeSlug":"full","linkDestination":"none"}

ଲାଇଭ୍ ସମୟରେ ହିଁ ତିର୍ଥନନ୍ଦ ବିଷ ବୋତଲ ବାହାର କରି ପିଇଥିଲେ । ଆଉ ଏହି ଭିଡିଓ ଦେଖି ତାଙ୍କ ସାଙ୍ଗମାନେ ସଙ୍ଗେ ସଙ୍ଗେ ତାଙ୍କ ଘରକୁ ଦୌଡ଼ି ଯାଇଥିଲେ, ଆଉ ତାଙ୍କୁ ସେଠାରୁ ନେଇଯାଇଥିଲେ ଡାକ୍ତରଖାନା । ତେବେ ତୀର୍ଥନନ୍ଦ ରାଓ ଆତ୍ମହତ୍ୟା ଉଦ୍ୟମ କରିବା ଏହା ପ୍ରଥମ ଘଟଣା ନୁହେଁ । ୨୭ ଡିସେମ୍ବର ୨୦୨୧ରେ ଫେସବୁକରେ ଲାଇଭ୍‌ ସମୟରେ ଆସି ଏମିତି ଆତ୍ମହତ୍ୟା ଉଦ୍ୟମ କରିଥିଲେ ତୀର୍ଥନନ୍ଦ ।
You Can Read:

wp:embed {"url":"https://www.prameyanews7.com/secret-superstar-india-most-profitable-film/","type":"wp-embed","providerNameSlug":"prameya-news-7"}
https://www.prameyanews7.com/secret-superstar-india-most-profitable-film/
/wp:embed

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.