ଜ୍ଵିଗାଟୋ ପରେ କପିଲ୍ଙ୍କୁ ଅଫର ହେଲା ୯ଟି ଫିଲ୍ମ, କହିଲେ-ପଇସା ନୁହେଁ .. ଭଲ କାହାଣୀ ଦରକାର
16/03/2023 at 12:54 PM
ମୁମ୍ଵାଇ ୧୭।୦୩: କମେଡି କିଙ୍ଗ କପିଲ ଶର୍ମା । ୨୦୭ରେ ଷ୍ଟାଣ୍ଡ ଅପ୍ କମେଡି ଶୋ’ ‘ଦି ଗ୍ରେଟ୍ ଇଣ୍ଡିଆନ୍ ଲାଫ୍ଟର ଚ୍ୟାଲେଞ୍ଜ’ର ତୃତୀୟ ସିଜନ୍ ଜିତିଥିଲେ। ସେବେଠାରୁ ସେ ଆଉ ପଛକୁ ଚାହିଁ ନଥିଲେ। ତାଙ୍କର ଲୋକପ୍ରିୟତା ‘କମେଡି ନାଇଟ୍ସ ୱିଥ କପିଲ’ ଏବଂ ‘ଦି କପିଲ ଶର୍ମା ଶୋ’ ଭଳି ପପୁଲାର ହୋଇଥିଲେ । ଏହା ସହ ସେ କମିକ୍ ସ୍ଥାନରେ ନିଜ ପାଇଁ ଏକ ସ୍ୱତନ୍ତ୍ର ସ୍ଥାନ ହାସଲ କରିଛନ୍ତି। ବର୍ତ୍ତମାନ ତାଙ୍କର କୌଣସି ପରିଚୟର ଆବଶ୍ୟକତା ଦରକାର ନାହିଁ।
, ‘କିସ୍ କିସ୍ କୋ ପ୍ୟାର୍ କରୁଁ’ (୨୦୧୫) ଏବଂ ‘ଫିରଙ୍ଗି’ (୨୦୧୭) ଭଳି କମେଡି ଚଳଚ୍ଚିତ୍ର ପରେ କପିଲ ପୁଣିଥରେ ଫିଲ୍ମରେ କମ୍ବ୍ୟାକ୍ କରିଛନ୍ତି। ସେ ଅଭିନେତ୍ରୀ-ଚଳଚ୍ଚିତ୍ର ନିର୍ମାତା ନନ୍ଦିତା ଦାସଙ୍କ ଆଗାମୀ ଚଳଚ୍ଚିତ୍ର ‘ଜ୍ଵିଗାଟୋ’ରେ ମୁଖ୍ୟ ଭୂମିକାରେ ନଜର ଆସିବେ। କପିଲ ଶାହାନା ଗୋସ୍ୱାମୀ କୋ-ଷ୍ଟାରଙ୍କ ସହ ସ୍କ୍ରିନ ସେୟାର କରିଛନ୍ତି। ଯେଉଁଥିରେ ମଧ୍ୟବିତ୍ତ ପରିବାରରୁ ଆସନ୍ତି । ସେ ଡେଲିଭରୀ ବୟ ଭୂମିକାରେ ଅଭିନୟ କରିଛନ୍ତି। ଏଥି ସହିତ ପ୍ରଶଂସକମାନେ କପିଲଙ୍କ ଫିଲ୍ମକୁ ଉତ୍ସାହର ସହିତ ଅପେକ୍ଷା କରିଛନ୍ତି।
କିନ୍ତୁ ଏକ ସାକ୍ଷାତକାରରେ ସମୟରେ କପିଲ କହିଛନ୍ତି ଯେ ତାଙ୍କୁ ‘ଜ୍ୱିଗାଟୋ’ ପରେ ଅନେକ ଚଳଚ୍ଚିତ୍ରର ଅଫର ମିଳିଛି। ଯେଉଁଥିରେ ସେ ଏକ ‘ଗମ୍ଭୀର ତଥା ସିରିୟସ୍’ ଭୂମିକାରେ ଅଭିନୟ କରିବେ। ଏହା ସହ କପିଲ କହିଛନ୍ତି, “ଜିୱିଗାଟୋର ଟ୍ରେଲର ରିଲିଜ ହେବା ପରେ ମୋତେ ନଅଟି ଫିଲ୍ମ ଅଫର କରାଯାଇଥିଲା । ଏହି ସବୁ ଚଳଚ୍ଚିତ୍ର ସିରିୟସ୍ ଜୋନ୍ ଥିଲା। କିନ୍ତୁ ସେହି ଲେଖକମାନଙ୍କ ମଧ୍ୟରୁ ଅନେକ ସେମାନଙ୍କ କାର୍ଯ୍ୟ ପ୍ରତି ଗମ୍ଭୀର ନଥିଲେ। କାହିଁକି ନା “ମୁଁ ସେହି ଫିଲ୍ମ କରିବାକୁ ଚାହୁଁଛି ଯାହା ମୋ ହୃଦୟକୁ ସ୍ପର୍ଶ କରିବ। ଏହା ମୋ ପାଇଁ ଏକ ପ୍ରାଥମିକତା ଥିଲା ଏବଂ ଏହା ସର୍ବଦା ରହିବ। ଟଙ୍କା ରୋଜଗାର କରିବାକୁ ସବୁ ଫିଲ୍ମ କହଁ କରିପାରିବିନି। ଯେତିକି ରୋଜଗାର କରିଛି ବହୁତ । ବର୍ତ୍ତମାନ କପିଲଙ୍କର ଏହି ବହୁ ପ୍ରତୀକ୍ଷିତ ଚଳଚ୍ଚିତ୍ର ୧୭ ମାର୍ଚ୍ଚ ୨୦୨୩ରେ ରିଲିଜ୍ ହେବାକୁ ଯାଉଛି।
