ମୁମ୍ଵାଇ ୦୯।୧୨: ଚଳଚ୍ଚିତ୍ର ନିର୍ଦ୍ଦେଶକ ତଥା ଅଭିନେତା ଋଷବ ଶେଟ୍ଟୀ। 'କାନ୍ତାରା' ଚଳିତ ବର୍ଷ ଦର୍ଶକଙ୍କ ଠାରୁ ବହୁତ ଭଲ ପାଇବା ପାଇଥିଲା। ଏହି ଫିଲ୍ମ ଚଳିତ ବର୍ଷ ବକ୍ସ ଅଫିସରେ ଅନେକ ରେକର୍ଡ ଭାଙ୍ଗି ନୂଆ ରେକର୍ଡ ସୃଷ୍ଟି କରିଛି। ଭାରତ ହି ନୁହେଁ ବିଦେଶରେ ବୁ ବହୁତ ଭଲ ପ୍ରଦର୍ଶନ କରିବା ସହ ବହୁତ ଭଲ ପ୍ରତିକ୍ରିୟା ପାଇଥିଲା ।ବର୍ତ୍ତମାନ ବାକି ରହିଥିବା କିଛି ଦର୍ଶକଙ୍କ ଅପେକ୍ଷା ଶେଷ ହୋଇଛି । କାହିଁକି ନା ହିନ୍ଦୀ ଭର୍ସନରେ ଏହା ରିଲିଜି ପାଇଁ ପାଇଁ ଆଗ୍ରହ ସହ ଅପେକ୍ଷା କରିଥିଲେ । ତାହା ଏବେ ସମାପ୍ତ ହୋଇଛି।
ଚଳିତ ବର୍ଷର ଅନ୍ୟତମ ଶ୍ରେଷ୍ଠ ଚଳଚ୍ଚିତ୍ର 'କାନ୍ତାରା'ର ହିନ୍ଦୀ ଭର୍ସନକୁ ଦୀର୍ଘ ସମୟ ଅପେକ୍ଷା କରିଥିଲେ। ବର୍ତ୍ତମାନ ସେମାନଙ୍କର ଅପେକ୍ଷା ଶେଷ ହୋଇଛି। ଏହି ଚଳଚ୍ଚିତ୍ରଟି ଓଟିଟି ପ୍ଲାଟଫର୍ମ ନେଟଫ୍ଲିକ୍ସରେ ରିଲିଜ୍ ହୋଇଛି । ଏହି ଚଳଚ୍ଚିତ୍ରଟି ଆମାଜନ ପ୍ରାଇମରେ ଅନ୍ୟାନ୍ୟ ଆଞ୍ଚଳିକ ଭାଷାରେ ପ୍ରସାରିତ ହୋଇଥିଲା । ଫିଲ୍ମଟି ବଡ ପରଦାରେ ଯେମିତି ଭଲ ପ୍ରଦର୍ଶନ କରିଥିଲା ଓଟିଟିରେ ବି ଧାମାଲ କରୁଛି। କିନ୍ତୁ ହିନ୍ଦୀ ପ୍ରଶଂସକମାନେ ମଧ୍ୟ କାନ୍ତାରାଙ୍କୁ ସମାନ ପ୍ରେମ ଦେଉଛନ୍ତି କି ନାହିଁ ତାହା ଦେଖିବାକୁ ବାକି ରହିଲା।
ଋଷଭଙ୍କ ଫିଲ୍ମକୁ ଦର୍ଶକେ ବହୁତ ଭଲ ପାଇବା ଦେଇଥିଲେ। କିନ୍ତୁ ସବୁଠାରୁ ବଡ କଥା 'କାନ୍ତାରା'କୁ ସୁପରଷ୍ଟାର ରଜନୀକାନ୍ତ ବହୁତ ପ୍ରଶଂସା କରିଛନ୍ତି। ଅନ୍ୟପଟେ ସୁପରଷ୍ଟାର କମଲ ହାସନ ମଧ୍ୟ 'କାନ୍ତାରା'କୁ ଏକ ଉଜ୍ଜ୍ୱଳ ଚଳଚ୍ଚିତ୍ର ବୋଲି ବର୍ଣ୍ଣନା କରିଥିଲେ। ଏହି ଦୁଇ ସୁପରଷ୍ଟାରଙ୍କ ବ୍ୟତୀତ ଅନ୍ୟ ଅନେକ ଭେଟେରାନ୍ କଳାକାରମାନେ ମଧ୍ୟ ଏହାକୁ ପ୍ରଶଂସା କରିବା ସହ ତାଙ୍କ ହୃଦୟ ଛୁଇଁଯାଇଥିଲା। ଏହି ଚଳଚ୍ଚିତ୍ର ଚଳିତ ବର୍ଷ ୩୦ ସେପ୍ଟେମ୍ବରରେ ରିଲିଜ ହୋଇଥିଲା । ସେହି ଦିନଠାରୁ ଚଳଚ୍ଚିତ୍ରଟି ଧମାଲ କରି ଆସୁଛି। ଏକ ରିପୋର୍ଟ ଅନୁଯାୟୀ, 'କାନ୍ତାରା' ଏପର୍ଯ୍ୟନ୍ତ ୪୦୦ କୋଟିରୁ ଅଧିକ ଆୟ କରିଛି।
