କଣ୍ଟାବାଞ୍ଜି ୦୧।୦୪ : ଗାଁ ଜଙ୍ଗଲରୁ ନରକଙ୍କାଳ ଠାବ । ବଲାଙ୍ଗୀର ଜିଲ୍ଲା ତୁରେଇକେଲା ଥାନା ମହାନୀଲହ ଗାଁ ପାଖ ଜଙ୍ଗଲରୁ ମିଳିଛି ମୃତଦେହ । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
ଖବର ଅନୁଯାୟୀ, ବେଳବାଞ୍ଜି ଜଙ୍ଗଲରେ ଏକ ନରକଙ୍କାଳ ପଡିଥିବା ଦେଖିଥିଲେ ସ୍ଥାନୀୟଲୋକେ । ଏହାପରେ ତୁରନ୍ତ ପୋଲିସକୁ ଖବର ଦେଇଥିଲେ । ନରକଙ୍କାଳଟି ଜଣେ ମହିଳାଙ୍କର ହୋଇଥିବା ସନ୍ଦେହ କରାଯାଉଛି । ଗତ କିଛି ଦିନ ରାମୁଡ ଛକରେ ଜଣେ ମାନସିକ ବିକୃତି ମହିଳା ନିଖୋଜ ଅଛନ୍ତି । ତେବେ ମିଳିଥିବା ମୃତଦେହଟି ଜଣେ ମହିଳାଙ୍କର ବୋଲି ସନ୍ଦେହ କରାଯାଉଛି । କଣ୍ଟାବାଞ୍ଜି ପୋଲିସ ଏସ୍ଡିପିଓ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛି ।
