ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆନନ୍ଦପୁର : ବାଇକକୁ ପଛପଟୁ ପିଟିଲା କାର୍‌, ଦୁଗ୍ଧ ବିକ୍ରି କରିବାକୁ ବାହାରିଥିଲେ ରବିନ୍ଦ୍ର
  • ||
  • ଓସ୍କାର ବିଜେତା ଗାୟିକା ଆଇରିନ କାରାଙ୍କ ଦେହାନ୍ତ, ୬୩ ବର୍ଷରେ ଦୁନିଆକୁ କହିଲେ ଅଲବିଦା
  • ||
  • IND vs NZ : ବର୍ଷାରେ ଧୋଇଗଲା ମ୍ୟାଚ୍, ୨ ଦିନିକିଆ ବାତିଲ
  • ||

କଳାହାଣ୍ଡିରେ କଙ୍ଗାରୁ କୋର୍ଟ ! ଦୁଷ୍କର୍ମ ପୀଡିତା ସାତ ମାସର ଗର୍ଭବତୀ ଦିବ୍ୟାଙ୍ଗ ଯୁବତୀଙ୍କୁ ପୋଲିସ ପାଖକୁ ନଯିବାକୁ ଦିଆଯାଉଛି ଚାପ

3/11/2019 at 8:33 AM

କଳାହାଣ୍ଡି ୩।୧୧: ଦୁଷ୍କର୍ମର ଶିକାର ହୋଇଥିବା ଯୁବତୀଙ୍କୁ କଂଗାରୁ କୋର୍ଟରେ ପୋଲିସ ପାଖକୁ ନଯିବାକୁ ତାଗିଦ କରିଥିବା ଅଭିଯୋଗ  । ଶେଷରେ ନ୍ୟାୟ ପାଇଁ  କଳାହାଣ୍ଡି ଏସପିଙ୍କ ଦ୍ବାରସ୍ଥ  ହେଲେ ଯୁବତୀ ।

ସୂଚନାଯୋଗ୍ୟ ଯେ, କଳାହାଣ୍ଡି ଜିଲ୍ଲା ଜୁନାଗଡ ବାଦଲଦେଇ ଗାଁର ଜଣେ ୨୫ ବର୍ଷୀୟ ଦିବ୍ୟାଙ୍ଗ ଯୁବତୀ ଦୁଷ୍କର୍ମର ଶିକାର ହୋଇ ଗର୍ଭବତୀ ହୋଇଥିବା ବେଳେ ପୋଲିସ ପାଖକୁ ନଯିବାକୁ ତାଙ୍କୁ ଧମକ ଦିଆଯାଇଥିବା ଅଭିଯୋଗ ହୋଇଛି ।  ଯୁବତୀ ଜଣଙ୍କ ଗାଁ ଜଣେ ବ୍ୟକ୍ତିଙ୍କ ଘରେ ଦୀର୍ଘ ଦିନ ହେବ କାମ କରି ଆସୁଥିଲେ।  କାମ କରୁଥିବା ବ୍ୟକ୍ତିଙ୍କ ପୁତ୍ର ତାଙ୍କୁ ବାରମ୍ବାର ଦୁଷ୍କର୍ମ କରି ଆସୁଥିବା ପୀଡିତା ଅଭିଯୋଗ କରିଛନ୍ତି ।

ଯୁବତୀଙ୍କ ଗର୍ଭବତୀ ହେବା ପରେ ଏହାକୁ ନେଇ ଗାଁରେ ବୈଠକ ବସିଥିଲା । କଥା କହି ପାରୁନଥିବା ଏହି ପୀଡିତା ଜଣଙ୍କ ଅଭିଯୁକ୍ତକୁ ଚିହ୍ନଟ କରିଥିଲେ । କିନ୍ତୁ ଅଭିଯୁକ୍ତଙ୍କ ପରିବାର ବୋଲି ଜାଣିବା ପରେ ହାତ ଟେକି ଦେଇଦେଲା କଙ୍ଗାରୁ କୋର୍ଟ । ପୀଡିତାଙ୍କୁ ନ୍ୟାୟ ଦେବା ବଦଳରେ ତାଙ୍କୁ ଓଲଟା ତାଗିଦ କରିଥିଲା ଗାଁ କମିଟି । ଏମିତି କି ଯୁବତୀଙ୍କ ପରିବାରକୁ ମାମଲା ରୁଜୁ ନକରିବାକୁ ଚାପ ପ୍ରୟୋଗ କରାଯାଉଥିବା ମଧ୍ୟ ଅଭିଯୋଗ ହୋଇଛି । ନ୍ୟାୟ ପାଇଁ ପୀଡିତାଙ୍କ ପରିବାର ଲୋକେ କଳାହାଣ୍ଡି ଏସପିଙ୍କ ଦ୍ବାରସ୍ଥ ହୋଇଛନ୍ତି । ଏସପିଙ୍କ ନିକଟରେ ଦ୍ବାରସ୍ଥ ହେବା ପରେ ମହିଳା ସେଲ ଦାୟିତ୍ବରେ ଥିବା ଆଡିସନାଲ ଏସ୍ ପି ମଣିପାତ୍ରଙ୍କ ନିର୍ଦ୍ଦେଶରେ ଜୁନାଗଡ ଥାନାରେ ଏ ନେଇ ମାମଲା ରୁଜୁ ହୋଇଛି । ଜୁନାଗଡ ପୋଲିସ ଘଟଣାର ତଦନ୍ତ ଆରମ୍ଭ କରିଛି ।

   Related Posts