vridhi excotica
ori homes
vridhi excotica
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକ : ପ୍ରକାଶ ପାଇଲା ଚଳିତ ବର୍ଷର ମାଟ୍ରିକ୍ ପରୀକ୍ଷା ଫଳ, ମୋଟ୍ ପାସ୍ ହାର ୯୦.୫୫ ପ୍ରତିଶତ
  • ||
  • ରାଉରକେଲା : ଷ୍ଟିଲ ସିଟିରେ ୩୧୧ କୋଟିର GST ଠକେଇ, ବନ୍ଧାହେଲେ ୫ ବ୍ୟବସାୟୀ
  • ||
  • ରାଜ୍ୟରେ ବଢୁଛି କରୋନା ଗ୍ରାଫ୍, ୨୪ ଘଣ୍ଟାରେ ଚିହ୍ନଟ ହେଲେ ୪୦୧ କୋଭିଡ୍ ପଜିଟିଭ୍
  • ||
  • ଘରୋଇ ଗ୍ୟାସ୍ ସିଲିଣ୍ଡର ହେଲା ମହଙ୍ଗା, ସିଲିଣ୍ଡର ପିଛା ବଢିଲା ୫୦ ଟଙ୍କା
  • ||
  • ଷ୍ଟିଲ ସିଟିରେ ୩୧୧ କୋଟିର GST ଠକେଇ, ବନ୍ଧାହେଲେ ୫ ବ୍ୟବସାୟୀ
  • ||
  • ଭୁବନେଶ୍ୱର : ରଶ୍ମିରେଖାଙ୍କ ପୁରୁଷବନ୍ଧୁଙ୍କ ଆତ୍ମହତ୍ୟା, ରାଉରକେଲାରୁ ମିଳିଲା ଝୁଲନ୍ତା ମୃତଦେହ
  • ||

ବଲିଉଡ୍ ଷ୍ଟାର୍ କିଡ୍ସଙ୍କୁ ନେଇ ପୁଣି ବିବାଦୀୟ ବୟାନ ଦେଲେ କଙ୍ଗନା ରଣାଓ୍ବତ, ଅଣ୍ଡା ସହ କଲେ ତୁଳନା

16/05/2022 at 1:30 PM

ମୁମ୍ବାଇ ୧୬।୫: ବଲିଉଡ୍ ଅଭିନେତ୍ରୀ କଙ୍ଗନା ରଣାଓ୍ବତ ସବୁବେଳେ ତାଙ୍କ ବିବାଦୀୟ ବୟାନ ପାଇଁ ଚର୍ଚ୍ଚାରେ ଥାଆନ୍ତି । କଙ୍ଗନାଙ୍କୁ ଯଦି କୌଣସି ଜିନିଷ ପସନ୍ଦ ଆସେନାହିଁ ତେବେ ସେ ସେହି ଜିନିଷକୁ ତୀବ୍ର ବିରୋଧ କରିଥାନ୍ତି । କିଛି ଦିନ ହେବ କଙ୍ଗନା ଷ୍ଟାର କିଡ୍ସଙ୍କୁ ଟାର୍ଗେଟ୍ କରୁଥିବା ଦେଖିବାକୁ ମିଳିଥିଲା । ପୁଣି ଥରେ କଙ୍ଗନା ବଲିଉଡ୍ ଷ୍ଟାର୍ କିଡ୍ସଙ୍କୁ ନେଇ ବଡ ବୟାନ ଦେଇଛନ୍ତି ।

କଙ୍ଗନା ରଣାଓ୍ବତ ସାଉଥ୍ ଫିଲ୍ମ ଏବଂ ସାଉଥ୍ ଷ୍ଟାର୍‌ଙ୍କ ଉପରେ କହୁଥିବା ସମୟରେ ଷ୍ଟାର୍ କିଡ୍ସଙ୍କୁ ଟାର୍ଗେଟ୍ କରିଛନ୍ତି । ସେ କହିଛନ୍ତି ଦର୍ଶକଙ୍କୁ ସାଉଥ୍ ଷ୍ଟାର୍‌ଙ୍କ ତୁଳନାରେ ବଲିଉଡ୍‌ ଷ୍ଟାର୍ କିଡ୍ସଙ୍କ ସହ ଯୋଡିହେବାରେ ସମସ୍ୟା ହୋଇଥାଏ । ସେ ନିକଟରେ ଏକ ସାକ୍ଷାତକାରରେ ତାଙ୍କର ଆଗାମୀ ଫିଲ୍ମ ଧାକଡ ସମ୍ପର୍କରେ ଆଲୋଚନା କରିଥିଲେ । ଏହାସହ ସାଉଥ୍ ଫିଲ୍ମ ଏବଂ ବଲିଉଡ୍‌କୁ ନେଇ ମଧ୍ୟ କଥା ହୋଇଥିଲେ ।

କଙ୍ଗନା କହିଥିଲେ, ସାଉଥ୍ ଫିଲ୍ମ ଷ୍ଟାର୍ ଯେଉଁଭଳି ଭାବେ ଦର୍ଶକଙ୍କ ସହ ନିଜକୁ ଯୋଡି ରଖନ୍ତି ତାହା ଅତ୍ୟନ୍ତ ମଜଭୁତ ଥାଏ । ସେଠାକା ଷ୍ଟାର୍ ଫ୍ୟାନ୍‌ଙ୍କ ସହ ମିଳାମିଶା କରିବାକୁ ଚେଷ୍ଟା କରନ୍ତି କିନ୍ତୁ ଆମର ଏଠି କ’ଣ ହୁଏ । ଷ୍ଟାର୍ କିଡ୍ସ ପାଠ ପଢିବାକୁ ବିଦେଶ ଯାଆନ୍ତି । ଇଂରାଜୀରେ କଥା ହୁଅନ୍ତି । କେବଳ ହଲିଉଡ୍ ଫିଲ୍ମ ଦେଖନ୍ତି । ଛୁରୀ ଏବଂ କଣ୍ଟାରେ ଖାଦ୍ୟ ଖାଆନ୍ତି । ତେବେ କୁହନ୍ତୁ ଆମ ଦର୍ଶକ ସେମାନଙ୍କ ସହ ଯୋଡିହେବେ ?

କଙ୍ଗନା ଆହୁରି ମଧ୍ୟ କହିଥିଲେ ଯେ, ଏମାନେ ଦେଖିବାକୁ ମଧ୍ୟ ଅଜବ ଲାଗିଥାନ୍ତି । ଏମିତି ଲାଗନ୍ତି ଯୋମିତି ସିଝା ଅଣ୍ଡା ପରି । ଏମାନଙ୍କର ପୁରା ଲୁକ୍ ବଦଳି ଯାଇଥାଏ । ତେଣୁ ଲୋକମାନେ କିପରି ଜାଣିବେ । କାହାକୁ ଟ୍ରୋଲ କରିବା ମୋର ଉଦ୍ଦେଶ୍ୟ ନୁହେଁ । ଏହାପରେ କଙ୍ଗନା ସାଉଥ୍ ଅଭିନେତା ଅଲୁ ଅର୍ଜୁନଙ୍କ ଫିଲ୍ମ ‘ପୁଷ୍ପା: ଦି ରାଇଜ୍’କୁ ପ୍ରଶଂସା କରିଥିଲେ । ଆଉ କହିଥିଲେ ଯେ ଆଜିର ଦିନରେ ବଲିଉଡରେ ଏମିତି ଷ୍ଟାର୍ କେହି ନାହାନ୍ତି ଯିଏକି ଶ୍ରମିକ ଭଳି ଦେଖାଯିବେ ।

   Related Posts