ମୁମ୍ଵାଇ ୨୨।୦୨: କଙ୍ଗନା ରଣାୱତ ହେଉଛନ୍ତି ବଲିଉଡର ଏମିତି ଜଣେ ଅଭିନେତ୍ରୀ। ଯିଏ କିଛି କହିବାକୁ ଲଜ୍ଜିତ ହୁଅନ୍ତି ନାହିଁ । ସେ କୌଣସି ପ୍ରସଙ୍ଗରେ ନିଜର ମତ ପ୍ରକାଶ କରିବାକୁ ପଛଘୁଞ୍ଚା ଦିଅନ୍ତି ନାହିଁ। ସେଥିପାଇଁ ଲୋକମାନେ ତାଙ୍କୁ 'ପଙ୍ଗା କ୍ଵିନ୍' ମଧ୍ୟ ଡାକନ୍ତି। କଙ୍ଗନା ସୋସିଆଲ ମିଡିଆରେ ଖୁବ୍ ସକ୍ରିୟ । ଆଲିଆ ଭଟ୍ଟ ଏବଂ ଅନନ୍ୟା ପାଣ୍ଡେଙ୍କ ପରେ ବର୍ତ୍ତମାନ କଙ୍ଗନାଙ୍କ ଟାର୍ଗେଟ୍ରେ ଟ୍ୱିଙ୍କଲ ଖାନ୍ନା। ତାଙ୍କୁ ସମାଲୋଚନା କରି ଏକ ଲମ୍ବା ପୋଷ୍ଟ ସେୟାର କରିଛନ୍ତି।
ଟ୍ୱିଙ୍କଲଙ୍କ ଏକ ଭିଡିଓ ଦେଖିବା ପରେ କଙ୍ଗନା ରାଗିଯାଇଥିଲେ। ପୁରୁଣା ସାକ୍ଷାତକାରରେ ଟ୍ୱିଙ୍କଲ୍ ନିଜକୁ ଜଣେ ନାରୀବାଦୀ ବୋଲି ବର୍ଣ୍ଣନା କରିଥିଲେ ଏବଂ କହିଥିଲେ ଯେ ତାଙ୍କ ମା ଡିମ୍ପଲ୍ କାପାଡିଆ ଶିକ୍ଷା ଦେଇଛନ୍ତି ଯେ ମହିଳାମାନେ ପୁରୁଷଙ୍କ ଆବଶ୍ୟକ କରନ୍ତି ନାହିଁ। ଆମକୁ ପୁରୁଷମାନେ ଆବଶ୍ୟକ କରନ୍ତି। ଯେପରି ଆମକୁ ପଲିଥିନ ବ୍ୟାଗ ଦରକାର । ସେ ପଲିଥିନ ବ୍ୟାଗ ସହିତ ପୁରୁଷଙ୍କ ତୁଳନାକୁ ଆଦୌ ପସନ୍ଦ କରିନଥିଲେ।
ବର୍ତ୍ତମାନ ଟ୍ୱିଙ୍କଲଙ୍କ ଏହି ବିବୃତ୍ତିରେ କଙ୍ଗନା ରାଗିଯାଇ ଇନଷ୍ଟା ଷ୍ଟୋରୀ ଉପରେ ଏକ ଲମ୍ବା କ୍ୟାପସନ୍ ଲେଖିଛନ୍ତି । କଙ୍ଗନା ଲେଖିଛନ୍ତି, ଏ ହେଉଛନ୍ତି ସବୁଠାରୁ ଅଶିକ୍ଷିତ ଲୋକ। ଯିଏ ନିଜ ପୁରୁଷଙ୍କୁ ପଲିଥିଲନ୍ ବ୍ୟାଗ୍ ଡାକନ୍ତି। ନେପୋ ପିଲାମାନେ ଏକ ରୂପା ଚାମଚ ସହିତ ଜନ୍ମ ହୁଅନ୍ତି, ଯେଉଁମାନେ ସେମାନଙ୍କର ଚଳଚ୍ଚିତ୍ର କ୍ୟାରିଅରକୁ ଏକ ସୁବର୍ଣ୍ଣ ଥାଳିରେ ସଜାଇଥାନ୍ତି । ଟ୍ୱିଙ୍କଲ୍ ମଧ୍ୟ ସେହି ସେଲିବ୍ରେଟିମାନଙ୍କ ମଧ୍ୟରେ ଅଛନ୍ତି । ଯେଉଁମାନେ ନିଜର ମତକୁ ଖୋଲାଖୋଲି ଭାବରେ ପ୍ରକାଶ କରନ୍ତି । ବର୍ତ୍ତମାନ ସେ କଙ୍ଗନାକୁ କିପରି ଏବଂ କେଉଁ ଉତ୍ତର ଦିଅନ୍ତି ତାହା ଦେଖିବାକୁ ପ୍ରଶଂସକମାନେ ଅପେକ୍ଷା କରିଛନ୍ତି ।
wp:embed {"url":"https://www.prameyanews7.com/ameesha-patel-reveales-she-is-married-with-him-know-the-mystery-man/","type":"wp-embed","providerNameSlug":"prameya-news-7"}
