scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ବିଜେଡିରୁ ଇସ୍ତଫା ଦେଲେ କନ୍ଧମାଳ ସାଂସଦ ପ୍ରତ୍ୟୁଷା ରାଜେଶ୍ବରୀ ସିଂହ ଏବଂ ଦଶପଲ୍ଲା ବିଧାୟକ ପୂର୍ଣ୍ଣଚନ୍ଦ୍ର ନାୟକ

20/03/2019 at 1:14 PM

ଭୁବନେଶ୍ବର ୨୦|୩: ବିଜେଡି ଟିକେଟ୍ ରୁ ବଞ୍ଚିତ ଟିକେଟ୍ ଆଶାୟୀ ଜଣଙ୍କ ପରେ ଜଣେ ଦଳ ଛାଡୁଛନ୍ତି । ଏଭଳି ସ୍ଥିତିରେ କନ୍ଧମାଳ ସାଂସଦ ପ୍ରତ୍ୟୁଷା ରାଜେଶ୍ବରୀ ସିଂହ ବିଜେଡିରୁ ଇସ୍ତଫା ଦେଇଛନ୍ତି । ସେ ବିଜେଡି ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିକଟକୁ ତାଙ୍କ ଇସ୍ତଫା ପତ୍ର ପଠାଇଦେଇଛନ୍ତି । ତାଙ୍କୁ ଦଳୀୟ ଟିକେଟ୍ ମିଳିନଥିବାରୁ ସେ ଅସନ୍ତୁଷ୍ଟ ଥିଲେ ।  

ଅନ୍ୟପଟେ ନୟାଗଡ ଦଶପଲ୍ଲା ବିଧାୟକ ପୂର୍ଣ୍ଣଚନ୍ଦ୍ର ନାୟକ ମଧ୍ୟ ବିଜେଡିରୁ ଇସ୍ତଫା ଦେଇଛନ୍ତି । ପୂର୍ଣ୍ଣଚନ୍ଦ୍ର ଦଳୀୟ ଟିକଟ ନମିଳିବା କାରଣରୁ ଅସନ୍ତୁଷ୍ଟ ଥିଲେ । ଗତକାଲି କଳାହାଣ୍ଡି ସାଂସଦ ଅର୍କକେଶରୀ ଦେଓଙ୍କୁ ମଧ୍ୟ ଟିକେଟ୍ ନମିଳିବାରୁ ସେ ଇସ୍ତଫା ଦେଇଥିଲେ । ଜଣେ ପରେ ଜଣେ ନେତା ବିଜେଡି ଦଳରୁ ଇସ୍ତଫା ଦେଇଚାଲିଥିବାରୁ ଏବେ ବିଜେଡି ସୁପ୍ରିମୋଙ୍କ ମୁଣ୍ଡବିନ୍ଧାର କାରଣ ହୋଇଛି ।

ଦଳ ଛାଡିବା ପରେ ପ୍ରତ୍ୟୁଷା ନୟାଗଡରୁ ନିର୍ବାଚନ ଲଢିବେ ବୋଲି କହିଛନ୍ତି । ଟିକଟ ଘୋଷଣା ପୂର୍ବରୁ ପ୍ରତ୍ୟୁଷା ଦଳର ସୁପ୍ରିମୋ ନବୀନ ପଟ୍ଟନାୟକଙ୍କୁ ସାକ୍ଷାତ କରି ନୟାଗଡରୁ ପ୍ରାର୍ଥୀ ହେବେ ବୋଲି କହିଥିଲେ । ଏଥିସହ ନୟାଗଡ ବିଧାୟକ ଓ ଯୁବ ନେତା ଅରୁଣ ସାହୁଙ୍କ ବିରୋଧରେ ମଧ୍ୟ ସୂଚନା ଦେଇଥିଲେ । ତେବେ ଏହା ସତ୍ତ୍ବେ ଟିକଟ ନପାଇବାରୁ ସେ ବିଜେଡି ଛାଡିଛନ୍ତି । ପ୍ରତ୍ୟୁଷା ଯଦି ନୟାଗଡରୁ ନିର୍ବାଚନ ଲଢନ୍ତି ତାହେଲେ ଅରୁମ ସାହୁଙ୍କ ପାଇଁ ଅଡୁଆ ସୃଷ୍ଟି ହୋଇପାରେ । ତେବେ ପ୍ରତ୍ୟୁଷା ସ୍ବାଧୀନ ଭାବେ ନିର୍ବାଚନ ଲଢିବେ ନା ଅନ୍ୟ କୌଣସି ଦଳକୁ ଯିବେ ତାହା ସ୍ପଷ୍ଟ ହୋଇନାହିଁ ।

ଅନ୍ୟପକ୍ଷରେ ଏବେ ବି ପ୍ରଥମ ଓ ଦ୍ବିତୀୟ ପର୍ଯ୍ୟାୟରେ ହେବାକୁ ଥିବା ୬୩ଟି ନିର୍ବାଚନମଣ୍ଡଳୀ ମଧ୍ୟରୁ ୯ଟି ନିର୍ବାଚନମଣ୍ଡଳୀରେ ପ୍ରାର୍ଥୀ ଚୟନ ଝୁଲି ରହିଥିବାରୁ ଆଶାୟୀମାନେ ମଇଦାନକୁ ପ୍ରଚାର ପାଇଁ ଯାଇ ପାରୁନାହାନ୍ତି । ଆଗକୁ ଆହୁରି ୧୨ଟି ଲୋକସଭା ଓ ୯୩ଟି ବିଧାନସଭା ଆସନ ଲାଗି ଟିକେଟ୍ ଘୋଷଣା ହେବ । ଏହାପରେ ଦଳୀୟ କର୍ମୀ ଓ ସମର୍ଥକଙ୍କ ମହଲରେ କିଭଳି ପ୍ରତିକ୍ରିୟା ସୃଷ୍ଟି ହେବ ତାଉପରେ ଏବେ ସମସ୍ତଙ୍କ ନଜର ରହିଛି । ଆସନ୍ତାକାଲି ବାକି ୯ଟି ବିଧାନସଭାର ପ୍ରାର୍ଥୀ ଘୋଷଣା ହେବ ବୋଲି ଆଶା କରାଯାଉଛି ।

   Related Posts