ଭୋଗରାଇ ୪।୯: ପଶ୍ଚିମବଙ୍ଗକୁ ଗୋରୁ ଗାଡି ଚାଲାଣ ବେଳେ ଗାଡିକୁ ଅଟକାଇ ଗୋରୁକୁ ଉଦ୍ଧାର କରି ଗାଡିରେ ନିଆଁ ଲଗାଇବା ଘଟଣାରେ ଉଠାଇ ନେଇଥିଲା ପୋଲିସ । ପୋଲିସ ରାତି ଅଧିଆ ଗୋରୁ ଉଦ୍ଧାର ଦଳର ୪ ଜଣ କର୍ମକର୍ତ୍ତାଙ୍କୁ ଉଠାଇ ନେଲା ପରେ ତୁମୁଳକାଣ୍ଡ । ମଧ୍ୟରାତ୍ରରେ କମର୍ଦ୍ଦା ଥାନାକୁ ଘେରାଉ କରିବା ସହିତ ଜଳେଶ୍ଵର-ଚନ୍ଦନେଶ୍ଵର ୫୭ ନମ୍ବର ରାଜ୍ୟ ରାଜପଥକୁ ଅବରୋଧ କରିଥିଲେ । ବାଲେଶ୍ବର ଏସପି ସାଗରିକା ଫୋନ୍ ଯୋଗେ ଯୋଗାଯୋଗ ପରେ ରାସ୍ତାରୋକ ହଟିଥିଲା ।

ବାଲିଆପାଳ-କମର୍ଦ୍ଦା ରାସ୍ତାର ଉଲୁଡା ତାରେଣୀ ଛକ ନିକଟରେ ରବିବାର ପଶ୍ଚିମବଙ୍ଗକୁ ୩ଟି ପିକ୍‌ଅପ୍ ଭ୍ୟାନରେ ପଶାଖେଳକୁ ଗୋ-ଚାଲାଣ ହେଉଥିଲା । ଏହାର ଖବର ପାଇ କିଛି ଯୁବକ ଗାଡିକି ଅଟକାଇ ଭଙ୍ଗାରୁଜା କରିବା ସହିତ ସମସ୍ତ ଗୋରୁକୁ ଉଦ୍ଧାର କରିଥିଲେ । ଏଭଳି ଅମାନୁଷିକ ଭାବେ ପିକଅପରେ ଗୋରୁ ଲଦା ହୋଇଥିବା ସ୍ଥାନୀୟ ଲୋକମାନେ ଦେଖିବା ପରେ ଗୋରୁ ଉଦ୍ଧାର କରିବା ପରେ ଦୁଇଟି ପିକଅପକୁ ନିଆଁ ଲଗାଇ ଦେଇଥିଲେ । ଯେଉଁ ଘଟଣାର ତଦନ୍ତ କରି ପୋଲିସ ମଧ୍ୟରାତ୍ରିରେ ୪ ଜଣଙ୍କୁ ଉଠାଇ ନେଇଥିଲା । କିନ୍ତୁ ଗୋ-ଚାଲାଣକାରୀଙ୍କ ଉପରେ କୌଣସି କାର୍ଯ୍ୟାନୁଷ୍ଠାନ ନନେଇ ଗୋ-ମାତାଙ୍କୁ ଉଦ୍ଧାରରେ ଲାଗିଥିବା ଯୁବକଙ୍କୁ କାହିଁକି ପୋଲିସ ଉଠାଇ ନେଉଛି । ତାର ପ୍ରତିବାଦରେ କମର୍ଦ୍ଦା ଥାନାକୁ ଘେରାଉ କରିବା ସହିତ ରାସ୍ତା ଅବରୋଧ କରିଥିଲେ ଏସ୍‌ପି ସାଗରିକା ନାଥ ଏ ଘଟଣାକୁ ନେଇ ଆଲୋଚନା କରିବାର ପ୍ରତିଶୃତି ଦେବା ପରେ ଥାନା ଘେରାଉ ବନ୍ଦ ସହିତ ରାସ୍ତା ରୋକ ହଟିଥିଲା ।

You Can Read :